Sifanaya 1:6 - Udél Dwata: Gna Kesfasad ne Lomi Kesfasad

⁶ Angat gotu nmou són le yó kem tau deng kmogol dou, là kô le bud hloni ebéléu ne là se kô le bud halak béléu.”

Sifanaya 1:6 Iomraidhean Croise

2 Samwél 22:22

Abay se deng lolou yóm kun lan Dwata, ne là kô knogolu du ke tô nmou yóm sidek.

2 Tutul Israél 15:13

Ke wen tau là lemolò ke Dwata yóm Dwata yó kem tau Israél, hnatay le kmò le du baluen ke lomi lemnok duhen ke deng tuha, baluen ke libun duhen ke logi gotu hnatay le.

Kem Lingón 10:4

Lemwót bè yóm alì kehegmón le, là kô le móyô mebel ke Dwata. Yó hendem le, “Laen kô dù Dwata.”

Kem Lingón 125:5

Okóm ke tnafakem yó kem tau gel mò sidek, homong tnafakem snéen yó kem tau kmogol du yóm kóm lan. Dwata he hol henek nawa yó kem tau Israél.

Kem Lingón 36:3

Kdê yó kem mon le, hono sigol ne sukat. Mom kenbê le yóm khulung hedem, kenbê le mò du yóm hyu.

Isaya 1:4

Yu kem tau Israél, deng ye golu elem hatay ne yóm kdê ye lemwót bè yóm alì kmò ye sidek. Laen kô dù hyu du yóm gel nmò ye. Deng bong blat yóm salà nô ta ye. Deng mom kenbê ye yóm gónó ye mogot yóm Dwata yó kem tau Israél ne yóm Dwata laen dù belenen. Deng mom knogol ye ne.

Isaya 43:22

Bud mon Dwata, “Okóm kuy kem tau Israél, deng ye tmakas béléu, là bud ye tmaba ebéléu.

Jirimaya 10:25

Yóm kebutem, Dwata, hol kokem eta tu kem tólóng tau kembê kóm, tu kem tau là tmaba le ebéléem. Yakà deng gotu hnatay le yó kem tauhem. Deng gotu genlà le mi yóm kdê me ne deng gbà yóm kum benwu.

Jirimaya 15:6

Yu se yó kem tau deng kembê dou,” mon Dwata. “Deng knogol ye ou. Duhen ni, tayalu eta sigelu mò gemlà kuy. Denge tey tmakas ne hembala du yó kem sidek tendo gel nmò ye.

Jirimaya 2:13

“Yakà deng wen lewu salà nmò le béléu yó kem dou tau. Deng tebel le ou, yóm sfut él gónó le mowil ne deng wen sol nokol le nbeng le botu mò gónó le hemsù él, okóm deng mom molo yóm él sù le lemen.”

Jirimaya 2:17

Ó kem tau Israél, yóm glumfak ye ni lemwót bè yóm ktagak ye dou yóm sana kuy Dwata hol gónó mogot, igou malak kuy bè yóm lan hyu.

Isikél 3:20

Sotuhen, ke deng baling mò sidek yóm tau tedeng kmoen ne ke là kô hnungolen du yóm eles hetgamahu du, angat hukolu klowilen. Ke là eles hetgamahem du yóm angat uléken yóm nmoen yó, angat matay yóm tau yó igoen tolo wen salà nô tahen, là bud hendemu du ne yó du kem hyu deng tehe nmoen. Ne angat tódô ntuku béléem yóm katayen yó.

Husiya 11:7

Yó gónó le gemfà du yó kem yó abay se deng tahu nawa le kmogol do yó kem tauhu. Baluen ke bud le htóbóng béléu, ou yóm Hol Dandónen Geta, là kô bud kenmónu kul.

Sifanaya 3:2

Laen dù udél hnungol le, balù udél Dwata. Là kô le móyô ke wen tô hemtedeng kul. Là smalig le bè Dwata ne là se kô le hloni ebéléen.

Sulat Pol Ebè Yó Kem Tau Hemtahu Bè Rom 3:11

Laen kô dù tau ke hol hulung hedem, duhen ke hol móyô tmaba ebè Dwata.

Hibru 2:3

Mom milud he kegtafak tekuy ke là kenmón tekuy du yóm tey hyu deng nmò Dwata bélê tekuy mò lan tekuy gewà gu lem hatay. Yó sem gónó tekuy mogot yóm tanay tmulón du yóm lan yó, ne lemwót yó kem tau mungol du, bud lu se hetngón du tekuy yóm ktahuhen.

Juswa 23:12

Okóm ke knogol ye Dwata ne gmung ye bè yó kem tólóng tau dù tebel ta nim tonok ni ne ke myehen ye bélê le,

1 Samwél 15:11

“Tey kegselu yóm kmou ke Sol tau hol geta bélê ye. Deng knogolen o ne là bud nimónen du yó kem hlolou du.” Tey sidek kegnóm Samwél du ne tódô suloyen buteng hkodu mni bè Dwata.