Sifanaya 1:3 - Udél Dwata: Gna Kesfasad ne Lomi Kesfasad

³ Angat gotu himot genlau kdéen tau ne kdéen ógóf. Tódô himot genlau snéen yóm kdéen onuk koyu dalang se yó kem utón él lem mohin. Ne gotu hlanahu lu yóm kdéen tau gel mò sidek. Himot genlau kdéen tau talak tonok, balù sotu ke wen hlowilu.”

Sifanaya 1:3 Iomraidhean Croise

Tekang Kbuten 6:7

yó gónón mon du, “na gotu genlà lu dé ni kem tau deng nmou ni, dalang se yó kem ógóf ne yó kem onuk koyu, abay se gsele bè yóm kmou kul.”

Isaya 6:11

Ominu smólók ke Dwata, monu mò du, “Étey, Dwata. Kmò kegenen de yóm kgel kulu le yó?” Yó balaen do, monen, “Yó kmò kegenen efet deng gotu gbà yó kem syudad le ne laen dù bud tau le ne laen dù bud gmónô tonem ne laen dù bud hulu tonem ta yó kem tonok le.

Isaya 6:12

Gotu hdóhu yó kem tau nô tahen ebè yó kem dumu benwu mayuk ne laen dù bud tonem tauhen ne yóm tonok le.

Jirimaya 12:4

Lemwót bè yóm sidek gel nmò yó kem tau, deng gotu mékéng ni kem tonok me. Kegenen de duen yóm tey kékéngen ni, Dwata? Dalang se yó kem hulu me, deng le gotu menes. Ne yó kem ógóf lem bnes ne yó kem onuk koyu, deng le gotu matay lemwót bè yóm sidek gel nmò yó kem tau. Mom yó udél yó kem tau mò sidek, mon le, “Là kô ton Dwata du nim gel nmò tekuy ni.”

Jirimaya 7:20

Duhen ni, ni se udél yóm Dwata hol dandónen geta, monen, “Tódô koku eta nim benwu ni yóm tey lebutu. Koku eta yó kem dou tau ne eta yó kem ógóf le. Bud koku eta yó kem koyu ne eta yó kem hulu. Nim lebutu ni, hol lómón ke mkal dilóf ofi ne laen kô dù tau gembek hmatay du.”

Jirimaya 9:10

Yó bud udél Jirimaya, monen, “Lenangagu yó kem bulul ne lenangagu yó kem bnes gel nótób ógóf, abay se deng le gotu mékéng laen dù bud mótób kul. Là bud gungolem kul ne yó kem udél safì. Yó kem onuk koyu ne yó kem ógóf lem bnes, deng le gotu hlayuk.”

Husiya 14:3

Là kô gbek Asirya lemwà kum, dalang se yó kem kudà gel snakay me bè gida, là gbek le lemwà kum. Yó kem dwata lennged tehe gel nmò me, là kô bud bnoluy me kul dwata me. Là ne, abay se tek són uu, Dwata, tendo gel kmodu kul yó kem ngà hikit.”

Husiya 14:8

Ó Israél, hol ye hlayuk bè yó kem dwata kéng. Ou se yóm tendo tmanud kuy ne semgifà kuy. Hol lómón ke ou yóm koyu senflósen lemnaw dounen. Ne senflósu bemlay kuy yó kem tey bunguhen.”

Husiya 4:3

Yó se but gónón laen dù bud kligal yóm tonok ye, gónón là bud tembas. Yóm kdéen tau mowil tahen, hono wen des hlós hatay le. Balù yó kem ógóf lem bnes ne kem onuk koyu ne kem utón él, deng nbut le hlana.”

Sikaraya 13:2

Ne bud bè yóm kdaw yó, angat gotu hlanahu bè benwu Israél yóm kdéen dwata kéng gel tnaba le, anì laen dù bud hemtulón nawa kul balù boluy le. Gotu kóhu snéen yóm kdéen tmugod bè dwata kéng ne yó kem tulus sidek gel lolò le.

Matyu 13:41

Angat dók yóm Ngà Tau yó kem hógówen gu bè longit anì gotu kó le yó kem kdéen tau gel mit kem dumu le mò sidek, dalang se yó kem dumu tau gel mò sidek, gotu kó le lu.

Matyu 23:39

Tódô tulónu kuy, là kô tagad na ye bud ton dou he ke là nan kól yóm kdaw angat kmon ye du, ‘Dwata he hol tmóbóng du yóm tau deng hógówen.’ ”

Deng Hegfan 2:14

Bede wen se kenbéu bélê ye. Yó kenbéu, deng mom wen bélê ye gemolò du yóm kéng tehe kun tolok Balaam. Nim Balaam ni, tehe wen hlauhen yóm sotu tau hol geta ekni boluyen Balak. Yó hlauhen du, duhen yóm kgoyen yó kem tau Israél anì ken le yóm ken deng dsù le ebè yó kem dwata kéng, ne mung du yóm kmò le samuk.