Sifanaya 1:2 - Udél Dwata: Gna Kesfasad ne Lomi Kesfasad

² Yó udél Dwata, monen, “Angat gotu himot genlau yóm kdéen nô talak tonok.

Sifanaya 1:2 Iomraidhean Croise

Tekang Kbuten 6:7

yó gónón mon du, “na gotu genlà lu dé ni kem tau deng nmou ni, dalang se yó kem ógóf ne yó kem onuk koyu, abay se gsele bè yóm kmou kul.”

2 Tutul Israél 24:24

Balù yóm là kwen le mundug yó kem sendalù Aram, okóm tnóbóng Dwata lu gemmò bè yó kem tey sendalù wen bè Juda, abay se deng tebel Dwata yó kem tau bè Juda, yóm Dwata yó kem tehe fù le. Duhen yó, gefet bè Juas yóm tau hol geta yóm tafak Dwata du.

2 Tutul Israél 36:21

Duhen yó, deng dohò yóm tehe udél htugod Dwata ke Jirimaya, yóm monen, “Botong hitu folò halay kegenen laen kô dù tauhen yóm benwu yó kem tau Israél lemwót bè yóm là klolò le du yóm hlolò Dwata kul bè yóm ket gehituhen halay là kmò le hulu.”

Isaya 6:11

Ominu smólók ke Dwata, monu mò du, “Étey, Dwata. Kmò kegenen de yóm kgel kulu le yó?” Yó balaen do, monen, “Yó kmò kegenen efet deng gotu gbà yó kem syudad le ne laen dù bud tau le ne laen dù bud gmónô tonem ne laen dù bud hulu tonem ta yó kem tonok le.

Jirimaya 36:29

Tikóng deng ksulatem du tulónem yóm tau hol geta, monem, ‘Ni se udélen ebéléem yóm sana Dwata hol gónó mogot, monen, Yó gónóm mtem du yóm sulat lenulun, abay se tulónen lemen yóm angat kegbà yóm tau hol geta bè Babilun du nim benwu ni ne yóm kdê nô lemen.

Jirimaya 7:20

Duhen ni, ni se udél yóm Dwata hol dandónen geta, monen, “Tódô koku eta nim benwu ni yóm tey lebutu. Koku eta yó kem dou tau ne eta yó kem ógóf le. Bud koku eta yó kem koyu ne eta yó kem hulu. Nim lebutu ni, hol lómón ke mkal dilóf ofi ne laen kô dù tau gembek hmatay du.”