Sifanaya 1:16 - Udél Dwata: Gna Kesfasad ne Lomi Kesfasad

¹⁶ kdaw ye mungol uni féw gemduf kem sendalù hohon ye. Tódô hnusek le yó kem syudad mgemel beng hilolen.

Sifanaya 1:16 Iomraidhean Croise

Isaya 32:14

Balù yóm gónô bong yóm tau hol geta bélê ye, angat gotu tódô sentagak le. Yóm yê yó kem syudad ye, laen kô dù bud tauhen. Yó kem gónô bè yó ne yó kem gónô gónó le gel mentey yó kem sendalù ye, angat gotu gbà. Són yó kem kudà tabag ne yó kem ubiha bliwel mótób bè yó.

Isaya 59:10

Lómón tô me tau butô gel migóf mógów. Anien ke talak kemdaw sana ketlokob me, abay se mom kmifu bélê me, hol lómón kkifuhen yóm gónó le nô yó kem tau deng matay.

Husiya 5:8

Hgel ye mféw bè benwu Gibya abay se wen gida sut. Bud senged se bè Rama ne bè Bét-abén. Hol tenngel ye tekwang ye, kem sendalù lemwót bè ból Bindyamin.

Juwél 2:1

Huni ye yóm féw bong eles hetgama tau bè Jirusalim. Huni ye ta yóm dou bulul. Yake gotu ye kenkel kem tau mungol du, lemwót bè klikò ye, abay se móyón kól ne yóm kun kdaw Dwata, bè ktahuhen deng mdulen ne.

Amus 3:6

Wen kô là likoen ke gungol le yóm féw gel huni le ke wen gida sut bè benwu le? Wen kô hlayam gefet lem syudad ke là lemwóten bè Dwata?

Hbakuk 3:6

Ke htengen mdà, botong megsinsig tonok. Gotu le kenkel yó kem tau bè klamangen benwu bè yóm ketngelen ebélê le. Yó kem bulul là sekna gotu le bugal ne gotu le sdatal yó kem bulul lemnek. Okóm laen kô tul konolen yóm kfasangen.

Dwata 28:52

Angat nundug le kdê yó kem syudad gónó ye nô bè yóm benwu angat blay Dwata kuy yóm sana kuy Dwata hol gónó mogot. Ne yó kem beng geta alì mbegel hmilol yó kem syudad ye, yóm beng snalig ye mò gónó ye gel heklung gotu genbà le.

Juswa 6:20

Tahu se, bè yóm kungol kem sendalù du yóm tey uni féw htawid, tódô hendlà le mensag se kul. Ne tódô sen-gengen se gbà yóm beng hmilol Jiriku. Omin le yó tódô mógów hekteng elemen yó kem sendalù Israél ne nled le yóm syudad yó.