Sifanaya 1:12 - Udél Dwata: Gna Kesfasad ne Lomi Kesfasad

¹² Bè yóm kdaw yó, angat wen solok nwitu mò soloku bè yóm gónón alì kmifu bè Jirusalim, hnebelu yó kem tau alì hmingay du yóm kegsalà le. Yó gel hendem le, ‘Laen kô dù hyu nmò Dwata bélê me ne laen se dù sidek nmoen.’

Sifanaya 1:12 Iomraidhean Croise

Kem Lingón 10:4

Lemwót bè yóm alì kehegmón le, là kô le móyô mebel ke Dwata. Yó hendem le, “Laen kô dù Dwata.”

Kem Lingón 14:1

Bè kul kehedem yó kem tau là hulungen hedem, gel henkéng le ke wen Dwata. Yó kem tau yó, hono sidek kehedem le, ne hono sidek yóm gel nmò le. Balù sotu bélê le ke mò du yóm tedeng.

Kem Lingón 94:7

Yó mon le, “Là kô ton Dwata tekuy. Yóm Dwata yó kem tau Israél, là kô hendemen du kun.”

Jirimaya 10:5

Yó kem dwata le yó, lómón ke ongot bè gónó mulu timun. Là kô le mudél ne là se kô le mógów, sal gel sniwi le lu. Bê ye abay hlikò bè yó kem kul dwata yó, là kô gbek le hemsidek kuy ne là se kô gbek le tmóbóng kuy.”

Amus 6:1

Hatay ye kuy, kem tau mahil klowilen bè Sayun. Hatay ye se kuy, kem tau bè Samarya. Ofo kuy ke menek kbenwu ye, okóm là. Hatay ye se kuy, kem tau gónó le gel galak yó kem tau Israél, yu kem tau gónó le gel mni tóbóng yó kem dumu tau Israél.

Ubadaya 1:6

Tódô ket gónô bè Idom gotu snisif le. Ket kimu legen ton le tódô gotu nwa le.

Malakay 2:17

Deng tey kehtakas ye ke Dwata bè yó kem gel udél ye. Déke snólók ye, mon ye, “Udél du du gónó me deng htakas ke Dwata?” Yó udél ye htakas ke Dwata yóm gel kmon ye du, “Moen de ke tódô bayà Dwata lu yó kem tau gel mò sidek, là kô dog tnafaken kul? Nô se du yóm Dwata tedeng kkukumen?”

2 Pitér 3:4

mon le, “Nô se yóm Jisas Krays du, igoen sem deng fmasad du kuy yóm bud kesfuléken? Là knahem du ne katay le yó kem tehe fù tekuy ekni. Bede efet nim kmoen ni laen kô dù ilihen yóm kebenwu lemwót bè hol kbuten tehe kedlimun Dwata du.”

Deng Hegfan 2:23

Tódô gotu hnatayu snéen yó kem tau gel lemolò du. Yó gónóhu mò du yóm yó anì tngón kdéen tau hemtahu béléu yóm klaen dù gebnos béléu, gotu tngónu yóm nô lem hendem le ne yóm dê tô hendeen le. Angat blayu kuy yóm mò balà yóm kuy deng gel nmò, yóm ket kuy na sotu.