Sifanaya 1:11 - Udél Dwata: Gna Kesfasad ne Lomi Kesfasad

¹¹ Hol ye dmumu mkik se kuy yóm kdê ye nô lem fedyan, abay se gotu le matay yó kem tau gel hembalù lem blóng ye.

Sifanaya 1:11 Iomraidhean Croise

Juwél 1:13

Yu kem tau gel blóng ebè Dwata, mnes ye sakù. Hlangag ye, yu kem gel mò nmò bè gónó demsù. Géhél ye ne, yu kem tau gel mò nmò bè Dwata, suloy ye buteng mnes sakù. Laen kô dù bud halay ne tifas grép blay ye ebè Gónô yóm kuy Dwata.

Juwél 1:5

Ó kem tau gel hlengel, btik ye ne hol ye mkik. Hlangag ye, yu kem tau gel minum tifas grép abay se deng gotu sidek yó kem bungu grép ye, laen dù bud gónó ye ma ke tô ye bud mò tifas.

Sifanaya 2:5

Angat hatay ye kuy, kem tau Flistin nô bè kilil mohin bè benwu Kanan, yakà ebélê ye du snéen gónón e gbak nim kukum Dwata ni. Angat gotu genlà Dwata yu, balù sotu ke wen tebel bélê ye.

Sikaraya 14:21

Bè ktahuhen, tódô kdê yó kem kuleng bè Jirusalim ne bè Juda, gotu ke Dwata funen, yóm Dwata laen dù là gbeken du. Yóm kdéen tau demsù ebè Dwata, tódô kihu kun nóyô nwit bè ni kem kuleng ni ke tnógóhen yóm dsuen ebè Dwata. Ne bè yóm kdaw yó, laen dù bud tau Kanan mung bè yóm kun Gónô yóm Dwata laen dù là gbeken du.

Kun Snulat Jan 2:16

Gotu dóken yó kem tau hembalù kfati, monen mò kul, “Gotu kó ye bè ni ni kem hbalù ye ni. Bê ye henbaling fedyan yóm Gónô Mà.”

Sulat Jim 5:1

Na, yu kem tau wen kendengenen, hol hnungol ye o. Olò dnumu nkik ye dé yó kem tey hlayam sut bélê ye.