Sifanaya 1:10 - Udél Dwata: Gna Kesfasad ne Lomi Kesfasad

¹⁰ Yó bud udél Dwata, monen, “Bè yóm kdaw yó, angat wen tey lemangat gungol ye lemwót gu bè yóm Tikeb Utón Él bè Jirusalim. Tódô wen dmumu mkik gungol ye lemwót gu bè Misné, yóm lomi benwu lemnek glem lem Jirusalim ne wen tey uni gbà gungol ye lemwót gu bè yó kem bulul lemnek bè yó.

Sifanaya 1:10 Iomraidhean Croise

2 Samwél 5:7

Okóm botong gled Dabid yóm gónó le gel heklung bè yó bè benwu Sayun, ne yó hlós boluy le du nim kmoen ni, Syudad Dabid.

2 Samwél 5:9

Timbow deng gled Dabid yóm gónó le gel heklung, tódô hlós nô bè yó, ne yó boluyen du Syudad Dabid. Bud lenbét hlamang Dabid yóm syudad yó, nbuten bè hol kililen hdà gónô bè yóm bnoluy le Milo efet kól lem yóm syudad le.

2 Bok Kem Tau Hol Geta 22:14

Tahu se, lemwót le Hilkaya yóm tau gel blóng ebè Dwata, ne Ahikam ne Akbor ne Syafan ne Asaya, mógów le ebè yóm sotu tugod Dwata libun boluyen Hulda yehen Syalum ngà Tikba témê Harhas, menwu bè yóm lomi lebét Jirusalim. Yóm Syalum du fen gel mentey yóm gónó gel hemyu nes lem Gónô Dwata.

2 Tutul Israél 32:22

Duhen yó, lenwà Dwata Hisikaya ne yó kem tau bè Jirusalim lem hólól Sinakirib yóm tau hol geta bè Asirya, ne lem hólól yóm kdê dumu tau hmohon kul. Duhen yó, deng baling menek bè klamangen benwu le.

2 Tutul Israél 33:14

Kogolen bè yó, bud hefgulék hdà Manasi yóm gewu beng hmilol syudad Dabid, lenwóten fi desdef Sfut Gihon bè Datal Kidron efet kól etu bè Tikeb Utón Él, efet bud hlós etu hmilol yó kem bulul lemnek bè Ofél, yóm gónó le alì hegeta yóm beng hdà le. Yóm kdê yó kem beng mbegel hilol Juda, wen kem sendalù genlal hbentey Manasi bè yó.

2 Tutul Israél 34:22

Tahu se, lemwót le Hilkaya ne yó kem dumu tau hógów yóm tau hol geta, mógów le ebè yóm tugod Dwata libun yehen Syalum boluyen Hulda menwu bè lebét Jirusalim. Yóm Syalum ngà Tikba ne témê Harhas, du fen gel mogot yó kem nes gel lesek le lem Gónô Dwata, ne tulón le du yóm bok Hlau Dwata deng ton le.

Isaya 59:11

Tódô sónmò me likò, tendo sidek ktafa nawa me. Hol nalu nawa me ke lenwà Dwata mi bè yó kem tau tendo hemgnok kum, bede là.

Jirimaya 39:2

Botong lewu halay sóól kegen le smibut du, ne tódô genbà le yóm beng hmilol Jirusalim. Bè yóm kegbà le du yó, deng sfolò sotu halay bud fat bulón bud syóm kdaw Sidikaya ne deng kmamal bè Juda.

Amus 8:3

Bè yóm kdaw yó, yóm kesngal le lem Gónô Dwata angat baling ngawóy le. Tódô hgasà tau matay bè gida. Tódô bot le lu bè lewà yóm syudad, balù sekteb ke wen mudél. Ou se yóm Dwata hol dandónen geta nim mudél ni.”

Sifanaya 1:15

Yó se yóm kdaw kehton Dwata du yóm alì ksidek kebuten, kdawen alì glayam tau, kdaw le meglà, laen kô dù bud gmò le, kdawen alì mget kkifuhen, kdawen alì mget klobunen,

Sifanaya 1:7

Bê ye abay mudél bè solu yóm Dwata hol dandónen geta, yakà móyónen kól ne yóm kdaw kkukum Dwata tau. Deng eles fan Dwata lu yó kem tauhen mò hfatayen ne deng eles tinoken yó kem hohon le mò gemlà kul.