Sifanaya 1:1 - Udél Dwata: Gna Kesfasad ne Lomi Kesfasad

¹ Bè yóm tehe kogot Jusaya yóm ngà Amun yóm benwu Juda, wen udél Dwata ebè Sifanaya yóm ngà Kusi témê Gidalaya fù Amariya ne fù bukol yóm tehe Hisikaya.

Sifanaya 1:1 Iomraidhean Croise

2 Tutul Israél 33:20

Tikóng matay Manasi, lebeng le bè kun gónô bong. Ominen yóm ngaen boluyen Amon bud tles tau hol geta.

Jirimaya 1:2

Bè yóm deng gesfoloen tlu halay kogot Jusaya yóm benwu Juda yóm ngà Amun logi, wen udél htugod Dwata ke Jirimaya.

Jirimaya 22:11

Yakà yó du udél Dwata gbak ebè Jihuyahas yóm ngà Jusaya logi bud tles mogot yóm benwu Juda, bede deng negef le. Mon Dwata, “Là kóen bud gesfulék ne.

Jirimaya 25:3

“Deng lewu folò tlu halayen ne efet nim kmoen ni yóm tendo ktulónu du kuy yóm udél Dwata ebélê ye. Tódô nbuten bè yóm gesfoloen tlu halay kogot Jusaya yóm benwu Juda yóm ngà Amun logi, yóm tendo ktulónu du kuy yóm udél Dwata efet nim kmoen ni, okóm là kô hnungol ye du.

Isikél 1:3

Bè yó bè kilil Él Kibar bè Babilun, wen udél Dwata ebéléu ne tódô gnómu yóm kogot Dwata do, ou Isikél yóm ngà Busi logi yóm Busi gel blóng tau ebè Dwata.

Husiya 1:1

Bè yóm tehe kesetles le mogot yóm benwu Juda le Usaya ne Jutam ne Ahas ne Hisikaya, yó fen mogot yóm benwu Israél duhen Jirubuam ngà Jihuas logi. Bè yó kem halay yó wen htugod Dwata ke Husiya yóm ngà Biri logi.

2 Timuti 3:16

Kdê yó kem Udél Dwata deng tehe hsulaten, tey wen muhen bè yóm gel ktolok yóm ktahuhen, ne bè yóm gel kbólów yóm tolok sekban, ne bè yóm gel kestódô yó kem tau deng gesyat, ne yóm kehlau yó kem tau bè yóm kmò kwit le ktau le.

2 Pitér 1:19

Yó gónóm mon, deng hol temnù ne yóm kehtahu me du yóm deng tehe eles tulón yó kem gna tugod Dwata ekni. Hol hentahu ye se kuy yóm deng eles tulón le yó. Hefeng tekuy du yóm tehe gel tulón le, lómón ke solok mnóng bè gónóhen kmifu efet mwas, efet mnóng ebélê tekuy yóm blotik semla gel mnóng bè kwasen, duhen Jisas Krays.