Rut 4:6 - Udél Dwata: Gna Kesfasad ne Lomi Kesfasad

⁶ Okóm mom yó bud udél yóm tau yó koni, monen, “Ke lómón yó kmoen, blayu kóm ne yóm dou kwalis tô bemli yóm tonok yó. Tódô uu kut ne bemli du. Baluen ke ou bemli du, là kô gfun le du yó kem dou ngà. Hyu nawaw là kem bemli du ne.”

Rut 4:6 Iomraidhean Croise

Tekang Kbuten 38:8

Ne yóm mon Juda mò ke Unan, yóm dumun sulil-lem Ir, “Yehenem Tamar, lómón yóm deng monen bè hlau tekuy gbak bè dumun sulil-lem yóm tau deng matay. Yóm gna ngaem béléen ke Ir funen.”

Rut 2:20

Yó mon Numi, “Tey, Dwata he hol tmóbóng ke Buas, yóm Dwata sal tendo gel dnohoen yóm fasaden yó kem tolo mowil, dalang se tu kem deng matay.” Ne bud wen tulónen ke Rut, monen, “Yóm tau yó, tey moni kdumu tekuy du ne là móngóhen ke du fen semgyok kut.”

Rut 3:13

Nam tódô nô bè ni sen nim kifu ni. Hlafus haya mógówe ebéléen naw e stulón du, hnénég ke móyô semgifà kóm. Ke móyô bong hyu. Là ke là, ou ne. Dwata mungol du nim monu ni yóm Dwata hlós mowil. Nam na bud hlilil bè ni efet mwas.”

Rut 3:9

“Tau kóm de?” Mon Rut se, “Ou, Sér, Rut. Lemwót bè yóm hol kesdumu ye tum tuónu libun, là móngóhen ke uu mò bud semgifà do. Yó gónóm mon, uu mò dung lówó yóm tehe yehenu deng matay.”