Rut 4:10 - Udél Dwata: Gna Kesfasad ne Lomi Kesfasad

¹⁰ Ne sotun, ou ne myehen ke Rut yóm libun bolu tehe yehen Malun, libun lemwót bè Muab. Ke wen ngà me, du se tles mfun yóm tonok tehe tebel Malun anì là lanahen bè kun fes lówó yóm tonoken yó. Ne là lanahen yóm kun sfu lem blóng yó kem kun tau ne bè yóm kun benwu. Yu deng gemtanud du nim kemdaw ni.”

Rut 4:10 Iomraidhean Croise

Tekang Kbuten 29:27

Nahem na hangat kdeng yóm fedyan kmò tekuy ken ni, ominu yó bud hyehen du kóm Rakél. Okóm bud hitu halayem mò nmò béléu.”

Tekang Kbuten 38:9

Okóm lemwót bè yóm deng ketngón Unan du angat là kun du funen yóm ngà, yó nmoen ke sentungóen Tamar, là heflósen du yóm él gu béléen, mom hetdaken ebè tonok anì là mngaen mò nfun yóm dumun sulil-lem.

Kem Lingón 109:15

Hol tendo nô bè solu Dwata he ni kem salà le ni, okóm hol lana talak tonok boluyen.

Kem Lingón 34:16

Okóm tey kenbéen yó kem tau sidek nmò le. Ke matay yó kem tau yó, laen kô dù bud hemtulón nawa kul.

Kem Udél Hlalak Tehe Selumun 18:22

Yóm tau mton yehen tonen yóm hyu béléen ne gutahen yóm kehyu nawa Dwata ebéléen.

Kem Udél Hlalak Tehe Selumun 19:14

Yóm gónô ne yó kem kendengenen yóm logi sal umun lemwót bè kem tuhahen, okóm yóm libun hulung milô mò yehenen, lemwót bè Dwata.

Isaya 48:19

Ke deng tehe hnungol ye, deng le tey mobung ne yó kem sfu ye lómón kwen le helek. Ne lemwót bè yóm kofinu kul laen dù tau gembek gemlà kul.”

Husiya 3:2

Tahu se, yó nmou bè yóm bud kwahu du, wen sfolò limu botù blówón bukay blayu ne wen dô limu abì halay boluyen barli hmungu du.

Sikaraya 13:2

Ne bud bè yóm kdaw yó, angat gotu hlanahu bè benwu Israél yóm kdéen dwata kéng gel tnaba le, anì laen dù bud hemtulón nawa kul balù boluy le. Gotu kóhu snéen yóm kdéen tmugod bè dwata kéng ne yó kem tulus sidek gel lolò le.

Malakay 2:14

Sal gel mon ye, “Moen de ke là henmóyô Dwata du yó kem gel blay me du?” Yó gónón là hemmóyô du abay se bè yóm tehe kyehen ye bè yóm hanà klomi ye tau, tehe nô bè yó se Dwata fen temksì du yóm deng senfasad ye yóm libun yehen ye, yóm libun deng ndà ye nim kmoen ni, igoen lu yóm mò dumu ye sbalà, deng dumu ye sfasad.

Ifisus 5:25

Ne yu kem logi deng myehen, hol kenbong ye nawa yó kem kuy tuha libun, lómón yóm kbong nawa Krays yó kem hemtahu béléen. Gloken tódô hamà yóm kun klowil bélê le.

Hibru 13:4

Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.

Juswa 7:9

Ke deng gotu glalag bè kem tau Kanan ne bè yó kem dumu tau bè klamangen benwu nim gfà me ni, angat gotu snibut le mi ne angat gotu hnatay le mi yóm kdê me. Ke yó se nmò le bélê me yó kem hohon me, tedu se tô kmoem du du anì là lanahen yóm klikò le kóm?”

Rut 4:9

Ne omin Buas mudél ebè yó kem tuha nô bè yó ne ebè yó kem dumu tau nô bè yó, monen, “Yu mò gemtanud du yóm keblihu du bè Numi yóm tonok tehe yehenen Ilimélék ne yó kem lewu ngaen Kilyun ne Malun.