Rut 4:1 - Udél Dwata: Gna Kesfasad ne Lomi Kesfasad

¹ Lemwót ke Buas kun, mógów ebè yóm gónó le gel stifun bè bak tikeb yóm benwu yó ne bè yó gónón myón. Ominen mton yóm tau tehe monen hol moni bè Ilimélék, yóm tau tehe tulónen ke Rut ne tnabahen, monen, “Ó Wè, mógówi edini kun nam e myón.” Tahu se, mógów ebéléen, ne myón.

Rut 4:1 Iomraidhean Croise

Tekang Kbuten 19:1

Deng móyón kifu ne bè yóm kkól le bè Sodom yóm lewu kem hógów Dwata yó. Lemwót Lat, tolo myón bè bak tikeb yóm syudad yó. Unihen mton kul, tódô henmung mdà senlongen lu. Tódô hegdufok ebè tonok bè solu le

Tekang Kbuten 23:10

Deng eles myón bè yó Ifron lem blóng yó kem dumuhen tau Hitayt bè yóm gónó le gel stifun bè bak tikeb yóm syudad le. Tódô kdéen tau bè yó gotu mungol du yóm kbalaen ke Abraham, monen,

Tekang Kbuten 34:20

Duhen yó, lemwót Hamor lewu le Sékém, mógów le ebè bak tikeb yóm syudad le, stulón le bè yó kem tau malak bè yóm syudad yó, mon le mò kul,

2 Samwél 15:2

Tódô ket kdaw Absalum gel temkifu btik, ne gel mdà bè yóm kilil lan mógów ebè bak tikeb yóm syudad. Ke wen tau mlan bè yó tô mógów ebè yóm tau hol geta na a klamo, sal gel tnaba Absalum, monen mò du, “Gónóm gu lemwót de?” Yó balaen du yóm tau yó, monen, “Ou se sotu tóbóng lówóhem lemwót bè sotu tbong Israél.”

2 Tutul Israél 18:9

Lemwót Ahab yóm tau hol geta bè Israél lewu le Jihusafat yóm tau hol geta bè Juda, myón le bè yóm kul gónó myón kmamal bè yóm gónó gel kmusu moni bè lewà yóm bak tikeb Samarya, lesek le yóm nes bè kegeta le. Ne bè yó bè solu le wen eles tulón le kul yóm kdê tugod Ahab.

Job 31:21

Ke deng wen ngà hikit deng ndau elaan bè gónô skukum ne ke deng wen nwahu béléen,

Kem Lingón 69:12

Sentulón le ou bè gónón wen. Balù yó kem tau lengel, gel utóm le ou lingón.

Kem Udél Hlalak Tehe Selumun 31:23

Tey tótól yóm tuha logihen bè gónó skukum ne du se sotu logi gónó le galak bè kul benwu.

Isaya 55:1

Yó udél Dwata, monen, “Ó kem tau meeng, géhél ye edini ne ni wen él mò ninum ye. Ó kem tau laen dù filak le, géhél ye edini ne ni wen mò ken ye. Géhél ye edini ne ni wen mò ninum ye. Là heblihu du kuy nim ni.

Jirimaya 32:10

Bè yóm deng keblihu du femahu yóm klatas, ominen wen dketu du lem blóng yó kem gemtanud du. Tnimbangu yóm blówón bukay blihu du, ominu mayad du.

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

Sikaraya 2:6

Yó udél Dwata ebè yó kem kun tau deng negef, monen, “Géhél ye ne, tnagak ye yóm benwu fi bwak deng gónów e semkla kuy.

Rut 3:12

Tahu se, monihe bè yóm tehe tuónem ne dou snolu yóm semgifà kóm. Okóm wen sotu tau alì moni sentahu bè yóm tehe tuónem yó.

Rut 3:18

Tikóng gungol Numi yóm yó, monen, “Nam hanay nawam, Yô, efet tngón te mò kmò Buas du. Là kóen na a hegnô kemdaw ni ke là nan tngón du sónen.”