Rut 3:1 - Udél Dwata: Gna Kesfasad ne Lomi Kesfasad

¹ Sotu kdaw bè yó, yó mon Numi mò ke Rut, “Tey là hyuhen ke là mebele béléem tengebem, Yô, anì wen kóm fes lówó.

Rut 3:1 Iomraidhean Croise

Tekang Kbuten 40:14

Okóm ke dengi gewà ne deng bud hyu klowilem, hol béem abay klifót se ou ne hol gel tulónem ou bè Faro mò lanem tmóbóng dou anì gewae lem nim gónô blanggù ni.

Kem Lingón 128:2

Lemwót bè kmoem nmò, angat wen gónóhem gel ma yó kem wen muhem du. Angat gsengel nawahem du, ne hyu kógów klowilem.

1 Kurin 7:36

Bè yó kem tau deng slinti, okóm deng eles natul le yóm là tagad kesyehen le, ni udélu ebélê le. Ke lemwót bè yóm knóyô lówó yóm logi, ke yó hendemen là buden hyu yóm kmò kekdolen ebè yóm libun deng lenintihen, abay se là bud gafasen du nawahen, ne móyô kendel myehen du, yake tódô le syehen ne. Là kóen sidek ke yó nmò le.

Dwata 4:40

Hol nimón ye yóm kdê kun hlau kuy, duhen yó kem deng toloku kuy kemdaw ni anì hyu kógów klowil ye dalang se yó kem angat semfu gu bélê ye. Hol nimón ye yó kem kun hlau kuy yó anì angat mò hlós knô ye ta yóm tonok blayen kuy yóm sana kuy Dwata hol gónó mogot, yóm tonok hlós nfun ye efet kól bè laen dù tul sónen.” Là gomongen bè nili yóm bérs 41 efet kól bè bérs 49. Tulónen yóm tlu kem benwu htólóng Dwata fi dmata kdaw Él Jurdan mò gónó le e mlo yó kem tau gembonok là lenbù le du. Bud tulónen snéen yóm benwu gónó le kmamfù yó kem tau Israél bè yóm kdaw yó, duhen yóm tehe benwu yó kem tau Amurayt. Yó gónó kem tau Israél gemwa du yóm benwu yó lan le tehe gemmò bè yóm kwit le sgida bè le Sihun ne Ug, hono kem tau hol geta malak yó kem tau Amurayt.

1 Timuti 5:14

Yó gónóm mon, hyu nawahu bè yóm libun bolu ke hanà tukô nawahen ke tódô bud myehen anì wen ngaen, ne anì sen-gifaen yó kem fes lówóhen. Anì yó, laen dù bang gónó le dmelem kut yó kem hmohon kut.

1 Timuti 5:8

Okóm yóm tau deng hemtahu, ke là tendofen du yó kem kun dumu setwoli, hol néen yó kem fes lówóhen, deng knogolen ne yóm kehtahuhen. Mom sidek he kun nmò yóm tau yó senta yóm tau là dengen hemtahu.

Rut 1:9

Dwata he hol tmóbóng kuy mebel yóm angat bud yehen ye anì wen gónó ye henek nô.” Omin Numi sket melek kul, okóm deng le mom mkik yó kem towuhen,

Rut 2:23

Duhen yó, tódô kem ngang Rut moyok bélê le efet kgotu yóm kdê nuta Buas. Ne tódô henek nô bè tuónen.

Rut 3:2

Yóm Buas gónó le mò nmò yó kem libun gónóm gel mung hol kut dumu. Ni hnungolem. Kifu ni kedeng kkusuhen halayen.