Rut 2:8 - Udél Dwata: Gna Kesfasad ne Lomi Kesfasad

⁸ Omin Buas mógów ebè Rut ne monen mò du, “Ó Ngà, ni wen hlauhu kóm. Béi bud moyok eddoli ne. Tódói gel mung bè yó kem libun mò nmò béléu bè ni.

Rut 2:8 Iomraidhean Croise

2 Bok Kem Tau Hol Geta 5:13

Okóm stulón le du yó kem tóbóng lówóhen, mon le mò du, “Ó Sér, ke wen mgel hmoen kóm yóm tugod Dwata, tódô nmoem. Ne ni, moem là dyo du, lómón yóm deng monen anì mkó yóm desem.”

Hlolò 19:9

Ke deng bang ye muta, bê ye abay nuta yó kem halay nô hilol kilil ne bê ye abay bud senfulék nuta yó kem oyok.

Matyu 9:2

Bè yóm kkól le ditu, tódô glo Jisas yóm tau deng matay sfu lówóhen, sentihang le ebéléen. Timbow ton Jisas yóm alì kehtahu le béléen, yó gónón tódô mon du ebè yóm tau matay sfu lówóhen, “Hol hgelem nawam, Man. Deng hnifótu ne yó kem salaem.”

Matyu 9:22

Unin mdù du, beklil se Jisas, ne tódô tonen yóm libun yó, monen mò du, “Hgelem nawam ne, Lenibun. Yóm kehtahuhem béléu, yó se gónón mkó yóm desem.” Ne tahu se, tódô sennganen se mkó yóm desen.

Flipay 4:8

Ni mò sónu du bélê ye, kem dumuhu setwoli. Yake hol sù ye lem hendem ye dé yóm hyu, ne yóm knóón bang dóyón. Tey hyu ke són gel hendem ye yóm tahu ne yóm tedeng ne yóm mólós, ne yóm minggel ne yóm knóón nadat.

Rut 2:7

Deng mbal béléu bè yóm khulihen yó kem tau muta anì nan e moyok. Deng nbuten hlafus ne moyok, hanà lomi hgolung bè slung koni.”

Rut 2:9

Tenngelem gónó le gel seblà muta anì hulihi kul. Denge mudél bè yó kem logi anì là kneyek le kóm. Ke meengi, tódói minum bè yóm lebwón deng hennok le él bè ni.”

1 Samwél 3:16

Okóm tnaba Ili Samwél, monen, “Ó ngà, Ó Samwél.” Bnalà Samwél, monen, “Ni ou.”

1 Samwél 3:6

Omin Dwata bud tmaba ke Samwél, monen, “Ó Samwél.” Ne bud btik Samwél bud mógów ebè Ili, monen, “Ni ou, gungolu yóm ktabahem do.” Okóm bnalà Ili, monen, “Là, ngà, là kô naw e tmaba kóm. Budi mulék ebè gónóm tungô.”