Rut 2:13 - Udél Dwata: Gna Kesfasad ne Lomi Kesfasad

¹³ Bud mon Rut mò du, “Tey kat kehyu kmoem ebéléu, Sér. Hol udél hemyu nawa yóm udélem ebéléu yó, igoen là kóe senged bè yó kem tau gel dókem. Olohu tau moyok néen dou.”

Rut 2:13 Iomraidhean Croise

Tekang Kbuten 32:6

Timbow le bud semfulék yó kem tau hógów Jakub yó, yó tulón le ke Jakub, mon le, “Deng me gu bè twoguhem Iso ne deng sana kól bè lan nan e senlong uu. Botong fat latu tau mung du.”

Tekang Kbuten 33:10

Okóm yó mon Jakub, “Béem mom tô kenbê. Ke deng mulék hyu se nawahem ebéléu, henmóyóem sen yó kem basahu kóm yó. Bè yóm ktonu lem uyóhem ni, hol lómón ke deng tonu lem uyó Dwata lemwót bè yóm tey kehyu yóm nmoem béléu ni.

Tekang Kbuten 33:15

Mon Iso se, “Ke lómón yó se kmonem du, yake wen bè yó kem dou tau tebelu béléem mò tmóbóng kóm.” Okóm bnalà Jakub, monen, “Dog ne, syan se deng mulék hyu nawahem ebéléu.”

Tekang Kbuten 33:8

Bud snólók Iso, monen, “Tedu se tu du kem gna geslongu? Muhem kul se kem tu du?” Bnalà Jakub se, monen, “Tu se mò gónón mulék hyu nawahem ebéléu.”

Tekang Kbuten 34:3

Okóm tey kbong nawa Sékém ke Dina yóm ngà Jakub libun yó. Tey kehlinggelen stulón du anì wen nawa Dina ebéléen se kun.

Tekang Kbuten 43:14

Yóm Dwata laen dù là gbeken du hol mung kuy anì wen koduhen kuy tum tau tu, anì yó bud huléken ebélê ye Bindyamin ne yóm dumu ye setwoli deng tebel ditu. Ke béléu dou, ke lana béléu se yó kem ngau, laen kem bud kmonu du ne.”

2 Samwél 16:4

Omin yóm tau hol geta bud mon du mò ke Siba, “Kdê yó kem nfun Mifibusét, gotu blayu kóm.” Mon Siba se, “Ou se sotu mò tóbóng lówóhem, ne tendo nmou kihu hmoem dou.”

Kem Udél Hlalak Tehe Selumun 15:33

Lemwót bè yóm klikò tau ke Dwata gónón megtolok bè yóm khulung hedem ne là kô guta tau du yóm kegdóyón ke là nan na gna heglaan du knóen.

Husiya 2:16

Bud mon Dwata, “Ó kem tau Israél bè yóm kdaw yó, yó angat bud taba ye do ‘tuha logihu.’ Là bud tnaba ye do ‘ogotu.’

Flipay 2:3

Béen abay wen nmò ye ke mlan bè kehegeta knô, duhen ke mlan bè kehton dóyón. Okóm yó dé hyu ke heglaan ye bè kem dumu ye. Yó dé kmò kehedem ye kul, lu geta senta ye.

Rut 2:12

Dwata he hol bemlay kóm ofol bè nim deng nmoem ni. Yó hem Dwata yó kem tau Israél, yóm Dwata gónóm deng hofin, hol bemlay kóm yóm ofol là deng sulék tonem du.”

Rut 2:14

Timbow le mken kemdaw, omin Buas tmaba ke Rut, monen mò du, “Ó Ngà, géhéli ne mahi se kóm yóm mambang ne duem lem sóbów.” Tahu se, seyón mken bè yó kem tau muta Rut. Omin Buas mogu du ebéléen yóm knuhom. Tódô mken Rut efet bsow ne wen he dù lukas ken tebel béléen.

1 Samwél 1:18

Bnalà Hana se, monen, “Slamat, Sér.” Ominen mulék ne mken, ne là buden sidek kegnómen du.

1 Samwél 25:41

Tódô hegdufok ebè tonok Abigil, monen, “El, móyóe se mò heseken mò molob ti yó kem tóbóng lówóhen.”