Rut 2:12 - Udél Dwata: Gna Kesfasad ne Lomi Kesfasad

¹² Dwata he hol bemlay kóm ofol bè nim deng nmoem ni. Yó hem Dwata yó kem tau Israél, yóm Dwata gónóm deng hofin, hol bemlay kóm yóm ofol là deng sulék tonem du.”

Rut 2:12 Iomraidhean Croise

Kem Lingón 17:8

Hol kenlungem ou lómón keklungem yóm kóm mata. Bnosem ou bè olung yó kem hafakem.

Kem Lingón 19:11

Yó kem hlau yó mò eles gel hetgama dou. Tey ofolu bè yóm gel kimónu du.

Kem Lingón 36:7

Tey mebtes béléu, Dwata, yóm kbong nawam dou là monolen. Yóm kdéen tau te tonok, sal laan hafakem gónó le e mlo.

Kem Lingón 57:1

Hol knoduhem ou, Dwata, hol knoduhem ou, tek són uu gónów gel hofin. Angate hebnos laan hafakem efet gotu mkó yóm tey lenos bong nii.

Kem Lingón 58:11

Yó angat mon yó kem tau, “Tahu se, wen ofol blay Dwata kul yó kem tau tedeng kmò le. Bè ktahuhen, Dwata se fen mit du yóm kukum tedeng bè yó kem tau talak tonok.”

Kem Lingón 61:4

Hol hnóem ou bè yóm kóm Gónô kól bè laen dù sónen, laen kô dù hemenu ke hgolunge laan hafakem.

Kem Lingón 63:7

abay se són uu yóm tendo tmóbóng dou. Tey kehligalu lemingón bè yóm kofinem dou. Lómó kegnómu du, lómón ke nóe laan hafakem.

Kem Lingón 91:4

Yó kmoen kóm, lómón ke onuk, lenambungen uu laan hafaken, ne laen kô dù hemenem. Yóm là konol nawahen ebéléem, yó se mò ofinen kóm ne mò klungen kóm.

Kem Udél Hlalak Tehe Selumun 11:18

Là kóen tahà kmuhen du yóm gutahen yóm tau gel mò sidek, okóm yóm tau gel mò yóm tedeng, gutahen yóm ofol laen tul sónen.

Kem Udél Hlalak Tehe Selumun 23:18

Ke lómón ni kmoem du dohò ktonem kehyuhen ne yóm hyu nefet nawahem là kóen hotok.

Jirimaya 31:16

Okóm ni, bud wen udél Dwata, monen, “Bê ye abay bud mkik, yakà wen yóm ofol blayu kuy. Angat le bud semfulék ebélê ye yó kem ngà ye lemwót le gu bè yóm tey benwu mayuk yó kem hohon ye.

Matyu 23:37

“Yu kem tau menwu bè syudad Jirusalim, sal gel hnatay ye yó kem tau tugod Dwata, ne hnatay sentudà ye botu yó kem tau hógów Dwata ebélê ye. Deng hilu duléku ne tô móyô sembung kuy, lómó tô kmou kuy, lómón yóm mlon gel kenleken elaan hafaken yó kem ngaen, okóm là kô ye dog móyô.

Matyu 5:12

Hol hnigal ye dé ke lómón yó kmò le kuy, abay se deng wen tey ofol deng eles fan Dwata kuy bè longit. Yóm keglayam ye yó, hol lómón sem yó ne yóm tehe kul keglayam yó kem tehe gna tugod Dwata ekni.”

Matyu 6:1

“Ten-gama ye,” mon Jisas, “anì là olo ye hegfan du bè gónón wen yóm gel keblay ye ebè Dwata. Ke yó olo tô mu ye du yóm gel keblay ye mò gónó ye megdóyón bè gónón wen, angat laen kô dù ofol blayen kuy yóm Mà tekuy bè longit.

Kun Snulat Luk 6:35

Okóm kuy du,” mon Jisas. “hol kenbong ye nawa yó kem hohon ye, hol henyu ye kmò ye ebélê le. Ke hutóng ye, bê ye bud snolò. Ke lómón se ni gel nmò ye, tey angat ofol ye, ne angat ngaen yu yóm Dwata alì geta bè kdéen. Abay se yóm Dwata, balù yó he kem tau laen dù nawa skodu bélê le ne yó kem tau sidek nmò le, ewenem sana tey kkoduhen kul.

Kulasi 2:18

Hol bê ye abay hnungol yó kem tau hegeta le knô le bélê ye, lemwót bè yó kem tódô gel hegfan bélê le kun. Lu se yó kem tau alì dmuil hlolò du kuy yóm keheglaan knô là tahuhen lan le gel tmaba ebè yó kem hógów Dwata nô bè longit. Yó kem tau yó, olo le beyen hegmón laen dù lem. Tódô lemwót bè kehedem tau te tonok yóm nmò le yó.

2 Timuti 1:18

Dwata he hol kmodu du bè yóm kdaw kdaen bè soluhen. Ne sotuhen, deng tngónem ne yóm tehe alì gel któbóngen dou dyó ekni bè Ifisus.

2 Timuti 4:8

Ne ni, wen deng eles henyu yóm gónó tekuy mogot mò ofolu, yóm ofol blayen bè yó kem tau deng tedeng kmò le. Angat suen béléu bè yóm kdaw kekukumen tau, ne tey tedeng yóm kkukumen. Là kô són du ou se yóm wen ofolen, senged nóm se yóm kdéen tau deng eles tendo hemdón du yóm ksuten.

Hibru 11:26

Hendemen mom hyu he kun ke henwog le lemwót bè yóm kehdónen yóm Misaya, yóm deng nélék Dwata mò hkamalen yóm klamangen, olo ke tô gfunen yóm tey kendengen bè Idyip. Deng eles hendemen ne kun yóm ofolen elem hulin kdaw lemwót bè Dwata.

Hibru 11:6

Ke là hemtahuhen yóm tau, là kô gbeken hefligal ke Dwata. Ke wen tau tô hloni ebéléen, là gbeken du ke là hentahuhen du yóm kwen Dwata, ne yóm kwen ofol blayen bè yó kem tau hloni ebéléen.

Hibru 6:10

Tey tedeng knawahen yóm Dwata. Là kô klifóten du yóm hyu tehe gel nmò ye, ne yóm tey kbong nawa ye du. Yó gónón gfan yóm nawa ye ebéléen yó bè yóm gel któbóng ye yó kem dumu ye hemtahu. Balù ni kmoen ni, sana kmò ye du.

Rut 1:16

Mom yó balà Rut du, monen, “Béem tô hulék ou, Wê Libun. Munge kóm. Balù nô gónóm e solu elese mung kóm. Balù nô gónóhem nô nóe bè yó se dou. Yó kem kóm tau baling dou tau. Ne yóm kóm Dwata bud yó se baling dou Dwata.

Rut 2:11

“Tahu se,” mon Buas, “okóm deng gotu gungolu yóm kdê deng nmoem bè tuónem libun kogol yóm deng katay yehenem. Glokem tódô tmebel ke maem ne yéem ne yóm kóm benwu, nam e tódô nô lem blóng yó kem tau tehe là deng kóm tngón du.

Rut 2:13

Bud mon Rut mò du, “Tey kat kehyu kmoem ebéléu, Sér. Hol udél hemyu nawa yóm udélem ebéléu yó, igoen là kóe senged bè yó kem tau gel dókem. Olohu tau moyok néen dou.”

Rut 4:15

Tey kbong nawahen kóm yóm towuhem. Anien he ke deng tehe hitu ngaem logi, botong kéng he yóm kul nawa kóm senta yóm kun nawa kóm nim towuhem ni. Ne ni, wen béhem béléen mò bemlay kóm lomi klowil ne mò semgyok kóm bè yóm deng ktuhahem.”

1 Samwél 24:19

Tmau du se gembek hewà du yóm hohonen ke deng nô lem hólólen? Dwata he malà kóm bè yóm tey hyu deng nmoem béléu kemdaw ni.

1 Samwél 24:20

Ne ni, deng gtukulu ne uu se angat tau hol geta bè Israél ne angat tey mbegel yóm benwu Israél bè yóm kogotem du.