Rut 2:11 - Udél Dwata: Gna Kesfasad ne Lomi Kesfasad

¹¹ “Tahu se,” mon Buas, “okóm deng gotu gungolu yóm kdê deng nmoem bè tuónem libun kogol yóm deng katay yehenem. Glokem tódô tmebel ke maem ne yéem ne yóm kóm benwu, nam e tódô nô lem blóng yó kem tau tehe là deng kóm tngón du.

Rut 2:11 Iomraidhean Croise

Kem Lingón 45:10

Ó Boi, ni hnungolem. Uu se ngaen libun yóm tau hol geta, hol henklinguhem nim ni. Klifótem ne yó kem fes lówó maem ne yóm kóm benwu.

Kun Snulat Luk 14:33

Lómón sem ni néen yóm klolò ye do,” mon Jisas. “Yóm tau ke là dog tebelen du yó kem gónón gfét nawahen, kéngen yóm kloloen do.”

Kun Snulat Luk 5:11

Ne tikóng deng bud otun le ete kembu yó kem ówóng le, tódô gotu tebel le yóm kdéen, ne lolò le Jisas.

Kun Snulat Luk 5:23

Là kóen na a mahil mon du, ‘Hnifótu ne yó kem salaem.’ Ne là se kóen mahil mon du, ‘Btiki, ne mógówi.’

Rut 1:11

Ne yó bud mon Numi mò kul, “Là, kem Yô, mom hyu he ke tódô ye bud mulék. Moen du ke tô ye mung do? Ilóem ofo kuy kô ke bud wen ngau logi mò hyehenu kuy?

Rut 2:10

Tódô mtud bukol bè soluhen Rut, yóm uyóhen botong gefet bè tonok ne monen mò ke Buas, “Kiholem hemdem do ne yóm tey kehyu nawam ebéléu, igou tólóng libun?”

Rut 2:12

Dwata he hol bemlay kóm ofol bè nim deng nmoem ni. Yó hem Dwata yó kem tau Israél, yóm Dwata gónóm deng hofin, hol bemlay kóm yóm ofol là deng sulék tonem du.”

Rut 3:10

Omin Buas mon du, “Dwata he hol kmudung kóm. Bè nim nmoem ni, hol gónón gfan yóm kbong nawahem ke tuónem ne yó kem tehe fes lówóhen senta yóm tehe nmoem béléen. Là móngóhen béléem ke deng wen dumu logi là dengen tuha hnebelem mò yehenem, kihu ke wen kendengenen duhen ke là. Okóm là kem dog nmoem du.

Rut 4:15

Tey kbong nawahen kóm yóm towuhem. Anien he ke deng tehe hitu ngaem logi, botong kéng he yóm kul nawa kóm senta yóm kun nawa kóm nim towuhem ni. Ne ni, wen béhem béléen mò bemlay kóm lomi klowil ne mò semgyok kóm bè yóm deng ktuhahem.”