Rut 1:9 - Udél Dwata: Gna Kesfasad ne Lomi Kesfasad

⁹ Dwata he hol tmóbóng kuy mebel yóm angat bud yehen ye anì wen gónó ye henek nô.” Omin Numi sket melek kul, okóm deng le mom mkik yó kem towuhen,

Rut 1:9 Iomraidhean Croise

Tekang Kbuten 27:27

Bè yóm igoen hloni ebè maen na a melek du, gungef Isak boo yóm nes leseken ne yó gónón molu du, monen, “Yóm tey klinggel boo yóm ngau, hol lómón ke boo yóm tonok deng tnóbóng Dwata.

Tekang Kbuten 29:11

Ominen melek ke Rakél, botong mkik bè yóm tey kligalen.

Tekang Kbuten 31:28

Là kô dog nam helek dou kul yó kem téméu ne yó kem ngau libun gu laan le là deng lemwót. Tey sidek nim nmoem béléu ni, Tò.

Tekang Kbuten 45:15

Omin Jusif sket lemkef ne melek yó kem twoguhen bè yóm igoen mkik. Kogol yóm keskik le, omin le mbut stulón du yó kem twoguhen.

Kul Nmò 20:37

Ya tey sidek keskik le ke Pol yó kem tau bè yó. Tódô sensekef le lel le melek du.

Rut 1:10

mon le mò du, “Bê. Tódô me mung kóm ebè yó kem kóm dumu.”

Rut 1:8

yó mon Numi bè yó kem towuhen, “Yake mulék ye ne ebè yê ye. Tey gel kehyu nawa ye ebéléu ne ebè yó kem tehe yehen ye deng matay, hol lómón se yó ne yóm bud kehyu nawa Dwata ebélê ye se kuy.

Rut 3:1

Sotu kdaw bè yó, yó mon Numi mò ke Rut, “Tey là hyuhen ke là mebele béléem tengebem, Yô, anì wen kóm fes lówó.