Rut 1:6 - Udél Dwata: Gna Kesfasad ne Lomi Kesfasad

⁶ Timbow legen udì bè yó, gungol Numi yóm tey bud któbóng Dwata yó kem tauhen, yóm tey kehbunguhen yó kem hulu le. Yó gónón htifes mulék ebè yóm kun benwu, mung du yó kem lewu towuhen.

Rut 1:6 Iomraidhean Croise

Tekang Kbuten 21:1

Ne deng nmò Dwata yóm deng fasaden ke Sara

Tekang Kbuten 28:20

Ominen wen udél Jakub ebè Dwata, ne wen tey fasad mget hmungen du, monen, “Ó Dwata, ke elesi tendo nô béléu, ne ke kenlungem ou bè nim kógówu ni, ne ke wen gónóhu ma kenu ne nesu,

Tekang Kbuten 48:15

Ominen molu ke Jusif hlanen bè yó kem ngaen, monen, “Yó hem Dwata tehe lolò téméu Abraham ne mau Isak, hol tmóbóng kul ni kem ngà logi ni. Yó hem Dwata tendo malak dou efet nim kmoen ni hol tmóbóng kul.

Tekang Kbuten 50:25

Omin Jusif hsafà kul, monen, “Safà ye dou yóm hol bud kwit ye lówóhu ke deng bang Dwata bud mit kuy mulék ebè yóm benwu tu.”

Kem Lingón 102:14

Yakà tey hen-gulam le yó kem botu bengen yó kem tau tóbóng lówóhem, balù yó kem kfung bè lan, tey kkamà le du.

Kem Lingón 111:5

Sal gel benlayen ken yó kem tau smalig béléen, là kô klifóten du yóm tehe kesfasad le.

Kem Lingón 132:15

Angat henyuhu klowil yó kem tau lemen, ne hegsengelu nawa yó kem tau élél nô du là bud le bitil.

Kem Lingón 145:15

Kdéen mowil, gotu le lengalà ebéléem, Dwata, ne ke bitil le, sal gel wen ken blayem kul.

Kem Lingón 146:7

Gel nfihen yó kem tau hen-gnok, ne gel benlayen ken yó kem bitil. Gel hefewaen yó kem tau blanggù,

Kem Lingón 147:14

Deng heneken klamang benwu ye, ne deng hegsengelen nawa ye bè yóm kehyu yóm tbas ye.

Kehewà 3:16

Lemwóti ne, nam e sentifun yó kem tau gónó le mogot yó kem tau Israél ne tulónem kul yóm deng kehegfanu béléem, yóm sana Dwata hol gónó mogot, yóm sana Dwata yó kem tehe fù le Abraham ne Isak ne Jakub. Tulónem kul yóm deng knaulu edini ne yóm deng ktonu du yóm nmò le bélê le yó kem tau Idyip.

Kehewà 4:31

Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

Kem Udél Hlalak Tehe Selumun 30:8

Tanayen, hol tnóbóngem o anì là gemmoe kéng ne gewuhen, béem hdengen o ne béem hélél se o, olom bemlay do yóm mò gel sfeng kenu.

Isaya 55:10

“Yóm udélu,” mon Dwata, “hol lómón yóm kulón ne snu lemwót gu bè longit. Tódô henek te tonok, htowoken yó kem hulu anì wen mò bud gel hulu ne wen se mò ken.

Jirimaya 29:10

“Bè ktahuhen, na ye na hitu folò halay he nô bè Babilun. Kogolen bè yó, bud nwitu yu semfulék ne nmou bélê ye yó kem hyu deng fasadu kuy.

Juwél 2:19

Yó balaen yóm hni le, monen, “Ngem, bud henwitu yu halay ne tifas grép ne hnolo ulib ne angat tey gsengel nawa ye du. Là bud ye tau gel sendekà yó kem tólóng tau bè dumu benwu.

Sifanaya 2:7

Bè yó angat gónó le hótób ógóf le yó kem dù tau mowil bè Juda. Ke sok kifu gel le tungô bè yó kem gónô gtebel laen dù tauhen bè Askilun. Abay se yóm sana kul Dwata hol gónó mogot, là kô nan e klifót kul ne bud hen-guléken klowil le.”

Matyu 6:11

Benlayem mi sfeng ken me ket haya.

Kun Snulat Luk 1:68

“Hol dóyón tekuy Dwata, yóm gónó tekuy mogot yóm kdê tekuy kem tau Israél. Yakà deng bud tnóbóngen tekuy kem kun tau, ne deng lenwaen tekuy.

Kun Snulat Luk 19:44

Angat gotu genbà le yó kem gónô ye, ne gomong ye meglà yu kem tau nô lemen. Yó kem beng botu ye, gotu lenusok le. Yó gónó ye angat gmumfak du yóm yó,” monen, “abay se là dog kenmón ye du yóm deng ksut Dwata lem blóng ye mò lemwà kuy.”

1 Timuti 6:8

Duhen yó, ke sfeng se ken te, ne ke sfeng se nes te yake gsengel nawa te du.

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.

Rut 1:5

matay Malun ne Kilyun. Tek són Numi dù tebel laen dù yehenen ne laen dù ngaen logi.

Rut 1:7

Okóm bè yóm tolo knô le bè lan bè yóm kulék le ebè Juda,

1 Samwél 2:21

Tahu se, tey któbóng Dwata ke Hana bud wen ngà blayen du, tlu logi ne lewu libun. Okóm ke Samwél, tódô lenoken bè solu Dwata.