Rut 1:16 - Udél Dwata: Gna Kesfasad ne Lomi Kesfasad

¹⁶ Mom yó balà Rut du, monen, “Béem tô hulék ou, Wê Libun. Munge kóm. Balù nô gónóm e solu elese mung kóm. Balù nô gónóhem nô nóe bè yó se dou. Yó kem kóm tau baling dou tau. Ne yóm kóm Dwata bud yó se baling dou Dwata.

Rut 1:16 Iomraidhean Croise

2 Samwél 15:21

Okóm yó balà Itay yóm tau hol geta, monen, “Safau hlanu bè boluy yóm Dwata là matayen, ne safau béléem, balù nô gónóm e mógów, tendohe mung kóm baluen ke mataye du.”

Kem Lingón 45:10

Ó Boi, ni hnungolem. Uu se ngaen libun yóm tau hol geta, hol henklinguhem nim ni. Klifótem ne yó kem fes lówó maem ne yóm kóm benwu.

Kem Udél Hlalak Tehe Selumun 17:17

Yóm tau swè, són mò le sbong nawa ne hol lómón kestóbóng le ke wen hlayam sut bélê le lómón ke sesotu sut le.

Isaya 14:1

Angat bud mulék kodu Dwata kul yó kem kun tau Israél. Angat bud néléken lu mò hol kun tau nfun. Angat bud huléken lu ebè yóm sana kul benwu ne wen se kem tólóng tau angat mung menwu bélê le bè yó.

Danyél 2:47

Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”

Danyél 3:29

Yó gónóm mon, wen udin mget nmou. Bè nim benwu knamalu, ke wen tau balù kihu gónó le gu semfu ne balù kihu benwu le ne balù kihu kay udél le, ke mudél sidek eta yóm kul Dwata le Sadrak ne Misak ne Abidnigu angat nufóku lu, gotu genbau gónô le. Laen kô dù dumu dwata tngónu ke lómón ni kehewaen yó kem kun tau.”

Danyél 4:37

Ne ni ou Nibukadnisar, dóyónu yóm Dwata hol geta bè longit ne henlelu hol hegeta du, mung du yóm tey kadatu du. Kdê yó kem gel nmoen, sal tedeng ne hono hyu. Hulung heglaan du yóm tau hegetahen knóen.”

Husiya 13:4

“Ou se yóm sana kuy Dwata hol gónó mogot, yóm deng tehe lemwà kuy gu bè Idyip yóm benwu tehe gónó ye ghesek. Laen dù dumu Dwata ye, tek sónen o. Laen dù dumu lemwà kuy, tek sónen o.

Sikaraya 8:23

Ni se udél yóm Dwata laen dù là gbeken du, monen, Bè yó kem kdaw yó, wen sfolò tau lemwót bè yó kem tólóng benwu, hono kem tau stólóng udél le, angat le mógów bè yóm sotu Ju ne mon le mò du, ‘Yake hmungem mi béléem, abay se deng gungol me yóm knóen béléem Dwata.’ ”

Matyu 8:19

Okóm wen sotu bè yó kem tau gel tmolok hlau sut béléen, monen mò ke Jisas, “Ó Sér, lolou uu balù kihu gónóm e mógów.”

Kun Snulat Jan 13:37

Ne bud mon Pitér se, “Moen du, Sér, ke là glolou kóm ni? Munge kóm anien he ke tódô hamau yóm dou klowil.”

Kul Nmò 21:13

Okóm mom mon Pol, “Moen de ke mkik ye? Ten-geed ye hemblat nawahu nim nmò ye ni. Balù kihu nmò le béléu ditu bè Jirusalim, kihu ke nfét le ou duhen ke hnatay le ou, syan ke lolou yóm kun kóyô Jisas.”

1 Tisalunika 1:9

Gotu tulón le kum yóm tehe tey khódó ye kum ekni bè yóm tehe ksut me bélê ye dyó, ne yóm deng kkogol ye yó kem dwata kéng, ne yóm deng kimón ye ke Dwata yóm hol tahu Dwata, yóm Dwata laen tul katayen.

Juswa 24:18

Kaem Dwata se fen mlo kul yó kem tau Amurayt ne yó kem dumu but tau tehe nô ta nim tonok ni. Yó gónóm mon, lolò me Dwata se kum. Tek són du yóm sana Dwata hol kum gónó mogot.”

Deng Hegfan 14:4

Ni kem tau semngal ni, hono le kem tau laen dù belenen yóm gel nmò le, ne là kô le deng gemnóm lówó libun. Hono kem tau gel lemolò yóm Ngà Ubiha balù nô gónón e mógów. Deng nsoken lu lem blóng kem dumu tau, hol lómón ke lu tanay yóm bungu hulu gefet mò blay ke Dwata lewu le yóm Ngà Ubiha.

Rut 1:15

Yó mon Numi mò du, “Na Yô, tódô dnalangem dé yóm dumum seway, tódô mulék ebè tu kem kun dumu ne bè yóm kun dwata. Yake lemwóti ne slomongi du.”

Rut 1:17

Bè yóm benwu angat gónóm matay bè yó se do gónó matay ne bè yó se gónó le lembeng do. Són hatay néen gembek semkó do béléem. Dwata he hol tmafak do ke wen dumu but gónóhu skó béléem.”

Rut 2:6

Monen se mò ke Buas yóm tau yó, “Libun lemwót bè Muab mung ke Numi bè yóm kuléken.

Rut 4:15

Tey kbong nawahen kóm yóm towuhem. Anien he ke deng tehe hitu ngaem logi, botong kéng he yóm kul nawa kóm senta yóm kun nawa kóm nim towuhem ni. Ne ni, wen béhem béléen mò bemlay kóm lomi klowil ne mò semgyok kóm bè yóm deng ktuhahem.”