Rut 1:13 - Udél Dwata: Gna Kesfasad ne Lomi Kesfasad

¹³ gbek ye kô mangat kul efet kbong le? Ke yó tô hendem ye, mom kuy gónó là gyehen bè dumu. Neet he, kem Yô. Deng knogolen o Dwata ne tey gkoduhu yu.”

Rut 1:13 Iomraidhean Croise

Tekang Kbuten 38:11

Omin Juda mon du mò ke Tamar yóm towuhen, “Muléki ebè kem tuhahem, ne béi tagad myehen efet kbong Sila yóm ngau logi mò bud yehenem.” (Yóm udélen yó, là kóen nô bè nawahen, abay se likò déke bud matay Sila, mkél bè yó kem twoguhen.) Tahu se, mulék ebè kem tuhahen Tamar.

Job 19:21

Yu se yó kem dou wè, hol knodu ye o. Deng dnofien o Dwata.

Kem Lingón 32:4

Yóm ktafakem dou, Dwata, senflósen kdaw ne kifu efet lana béléu kgisu. Lómón kegnómu du, lómón ke él kti bè yóm alì ékét kdaw.

Kem Lingón 38:2

Deng tey nelem gónón tódô béléu yó kem hanakem, ne kóm tdok se yóm deng smuntuk dou.

Kmukum 2:15

Ket kesgida le bè yó kem hohon le, deng mom Dwata mit kul sgida, là kô hegmoen kul lómón yóm deng tehe monen mò kul ke là mimón le. Ya tey sidek keglayam le.

Rut 1:12

Yake mulék ye ne, yakà denge tey tuha là buden hyu béléu myehen. Anien he ke tóe myehen kifu ni kedeng ne anien he ke wen bud ngau logi,

Rut 1:14

Omin le bud skik. Omin Urpa lemkef melek ke tuónen ne lemwót mulék. Okóm yó dum ke Rut kun, là kô kóhen du yóm kekefen ke tuónen.

Rut 1:21

Bè yóm tehe kewótu gu dini, tey hyu klowil me. Okóm ni, tódô hulék Dwata o hkawang yóm Dwata alì gembek. Yó gónó ye là bud tmaba do Numi, yakà deng wen hegfà Dwata do yóm Dwata alì gembek ne deng tey sidek yóm hegnómen do.”

1 Samwél 5:11

Omin le yó bud semtifun yóm kdéen tau mogot bè Flistin, mon le mò kul, “Bud hulék ye kut bè yóm sana kun gónó nô yóm Slungan yóm Dwata yó kem tau Israél anì là hnatayen tekuy.” Bè klamang yóm syudad yó, ya tey sidek klikò le abay se deng wen matay bélê le.