Rut 1:1 - Udél Dwata: Gna Kesfasad ne Lomi Kesfasad

^1-2 Tehe yu ekni, bè yóm kdaw là deng wen tau hol geta mogot bè Israél he, wen tey bitil bong bè yóm benwu yó. Wen sotu tau boluyen Ilimélék nô bè yó, semfu gu bè yóm tehe Ifrat. Nim Ilimélék ni, menwu bè Bitlihim yóm benwu snakuf Juda. Yó boluy yehenen, Numi. Ne wen lewu ngà le logi duhen le Malun ne Kilyun. Yó nmò le, mili le ebè yóm sotu benwu boluyen Muab na le e hlun menwu ditu, bà mon yóm tey bitil bong bè Bitlihim. Bè yóm deng knô le ditu

Rut 1:1 Iomraidhean Croise

Tekang Kbuten 12:10

Okóm bè yóm knô Abram bè yóm benwu Kanan yó, nan e mbel tey bitil bong bè yó. Lemwót bè yóm tey ksideken yóm bitil bong yó, là gbek Abram du ke là mógówen ebè Idyip anì nan na hlun nô ditu.

Tekang Kbuten 26:1

Bè yóm kun kdaw Isak, bud mbel bitil bong bè yó bè Kanan, tólóng se yóm tehe kbel bitil bè Kanan ekni bè yóm tehe kun kdaw yóm maen Abraham. Lemwót Isak mógów ebè Abimélék bè Girar yóm sotu benwu glem lem Kanan. Nim Abimélék ni, tau hol geta mogot yóm benwu yó kem tau Flistin.

Tekang Kbuten 43:1

Deng tey sidek ne yóm kbel bitil bong bè Kanan.

1 Bok Kem Tau Hol Geta 18:2

Tahu se, lemwót Ilaydya mógów ebè Ahab. Bè yóm kmoen yó, tolo lelen he mbel yóm tey bitil bong bè Samarya.

Kem Lingón 105:16

Bè yóm kdaw yó, hbel Dwata yóm tey bitil bong bè benwu Kanan yóm gónó le nô, ngangen efet gotu yóm ken le.

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

Jirimaya 14:1

Ni se udél Dwata ebè Jirimaya gbak bè yóm tey kinì kdaw, monen,

Amus 4:6

Yó bud monen, “Ou se yóm tehe heglumfak bitil bong bè ket syudad ye. Ewenem yó he sana là kóyô ye semfulék ebéléu,” mon Dwata.

Mika 5:2

Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

Dwata 28:38

Angat wen tey bnék hulu ye, okóm tek udì nuta ye abay se gotu ken yó kem tlangas yó kem hulu ye yó.