Sulat Pol Ebè Yó Kem Tau Hemtahu Bè Rom 3:3 - Udél Dwata: Gna Kesfasad ne Lomi Kesfasad

³ Anien he ke wen bélê tekuy là mimón du yóm sulat yó, okóm ke Dwata, là kô tenlesen du yóm deng tehe fasaden tekuy.

Sulat Pol Ebè Yó Kem Tau Hemtahu Bè Rom 3:3 Iomraidhean Croise

Kem Lingón 84:7

Bè yóm igò le mógów, sónmoen temnù kgis le efet ton le Dwata bè yóm kun bulul bè Sayun yóm Dwata hol dandónen geta bè kdéen dwata.

Isaya 55:11

Hol lómón yó se yóm dou udél. Là gbeken du ke là wen uléken. Tódô gotu nmoen yó kem dou hmò du.

Lista 23:19

Yóm Dwata kun, là kóen mkél bè tau gel mò kéng. Là mkélen bè tau gel mesfili kehedemen. Ke wen fasad Dwata, sal gel dnohoen. Ke wen udélen, sal dohò.

Matyu 24:35

Angat tódô kmanas yóm longit dalang se yóm tonok. Okóm yóm dou udél,” mon Jisas, “là kóen na a lana.”

Kun Snulat Jan 1:16

Deng tekuy gotu gomong lemen ne yóm tey klinggel nawahen ebè tau. Yóm któbóngen tekuy, tódô seflós, là kóen skó.

Sulat Pol Ebè Yó Kem Tau Hemtahu Bè Rom 10:16

Okóm là kô kdê le du hemtahu du yóm Tulón Hyu yó. Hol mkél bè yóm sotu tehe mon Isaya ekni, yóm monen, “Ó Dwata, là holen wen tau hemtahu du yóm gel tulón me.”Duhen yó, yó gónó le hemtahu yó kem tau ke deng gungol le yóm Tulón Hyu. Ne yóm Tulón Hyu monu yó, duhen yó se yóm tulón me gbak ebè Krays.

Sulat Pol Ebè Yó Kem Tau Hemtahu Bè Rom 11:29

Yóm Dwata, sok wen tau néléken, ne sok wen tau tnóbóngen, deng duhen yó ne, là kô bud tenlesen du hendemen.

Sulat Pol Ebè Yó Kem Tau Hemtahu Bè Rom 9:6

Bè yóm tehe fasad Dwata kul yó, là monu du dé là dohoen. Okóm yó monu, là kdéen du tau semfu gu bè Israél ke hol kun tau Dwata.

2 Kurin 3:18

Duhen yó, kdê tekuy deng hemtahu, deng gfan lem uyó tekuy ne yóm kun keslinang yóm gónó tekuy mogot, ne laen kô dù bud sengen ne. Yóm gfan bélê tekuy yó, hol lemwót gu bè yóm gónó tekuy mogot. Bè yóm igò tekuy temngel ebéléen, igoen hembaling tekuy mò mkél béléen, ngangen mò du efet tekuy hol mkél du. Yóm gónó tekuy mogot yó, du se yóm hol Tulus Dwata.

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

2 Timuti 2:13

Anien ke monol yóm nawa te ebéléen, sana yó ne yóm kun nawa ebélê te, là kóen monol, abay se là kóen megetles yóm kun kmò.”

Hibru 4:2

Yakà dengen gefet bélê tekuy ne yóm Tulón Hyu, hol lómón yóm tehe kgefeten bélê le se kul ekni. Okóm laen kô dù ofol le hmungol du, abay se là hentahu le du.

1 Samwél 15:29

Hol knóón yóm kul Dwata yó kem tau Israél, là kóen mò kéng ne là gel tenlesen du hendemen abay se là mkélen bè tau tonok, gel megetles kehedemen.”