Sulat Pol Ebè Yó Kem Tau Hemtahu Bè Rom 3:2 - Udél Dwata: Gna Kesfasad ne Lomi Kesfasad

² Igoen tey bong muhen yóm ktau tekuy Ju. Yó hol tanayen, tekuy se fen gónó Dwata hogot du yóm kun sulat.

Sulat Pol Ebè Yó Kem Tau Hemtahu Bè Rom 3:2 Iomraidhean Croise

Kem Lingón 119:140

Sal gel dohò yó kem fasadem. Yó gónóhu kembong nawa kul.

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Kun Snulat Jan 5:39

Tey gel kehnagì ye du yóm Sulat Dwata. Ofo kuy ke bè yóm alì kehnagì ye du gónó ye gmuta yóm klowil laen dù sónen. Igoen sem ou yóm tulónen yó.

Kul Nmò 7:38

Nim Musis ni, du se nô lem blóng yó kem tau Israél ekni ditu bè yóm benwu laen dù tau menwu du. Tódô nô lem blóng yó kem tehe fù tekuy. Bud du se yóm tehe mógów eta yóm Bulul Sinay, ne wen hógów Dwata gu bè longit mudél ebéléen. Hlan Dwata bè Musis se yó kem hlau blayen tekuy, yóm hlau laen kô dù tul sónen.

Sulat Pol Ebè Yó Kem Tau Hemtahu Bè Rom 1:2

Deng tehe eles fasad Dwata snéen ekni nim Tulón Hyu ni hlanen bè yó kem tehe gna tugoden, hol lómón yóm deng snulat le bè Sulat Dwata.

Sulat Pol Ebè Yó Kem Tau Hemtahu Bè Rom 2:18

Tahu se deng hónô tngón ye yóm kun kóyô Dwata bè tau. Deng dilô ye se yóm hyu ne yóm sidek lemwót bè yóm dnalang ye bè kun hlau.

Sulat Pol Ebè Yó Kem Tau Hemtahu Bè Rom 3:1

Déke wen bélê ye hemdem du, laen dù muhen yóm ktau tekuy Ju ne yóm ktau tekuy tnulì. Là kô yó du.

Sulat Pol Ebè Yó Kem Tau Hemtahu Bè Rom 3:3

Anien he ke wen bélê tekuy là mimón du yóm sulat yó, okóm ke Dwata, là kô tenlesen du yóm deng tehe fasaden tekuy.

Sulat Pol Ebè Yó Kem Tau Hemtahu Bè Rom 9:4

Lu se kem Ju deng néléken mò kem ngaen. Tehe tódô hegfan lem blóng le mlan bè yóm tey keDwatahen. Dê duléken mò fasad bélê le ne blayen bélê le yóm kun hlau hlanen bè Musis. Tey mtukul ktoloken du kul yóm kmò ktaba le ebéléen. Ne tey dê yóm fasaden kul.

1 Kurin 9:17

Ke tódô dou lenbù nmò nim ni, knóón ke gmutahe du sukéy. Okóm ni se hmò Dwata do, ne tey mget ksigangen du tahu.

2 Kurin 5:19

Yó gel tulón me, duhen yóm deng kehlan Dwata du bè Krays yóm lan nmoen ebè kdéen tau mò lan le mit sefyu ebéléen. Là bud snolò Dwata du bélê le ne yó kem tehe salà le. Ne bélê me kum, deng sigangen ta me nim tulón ni mò gónó le temngón du yóm lan le mit sefyu ebéléen.

Glasya 2:7

Bè ktahuhen, tódô dilô le yóm deng kélék Dwata dou mò fen tmolok yóm Tulón Hyu bè yó kem tau là Ju le, hol lómón se yóm deng kéléken ke Pitér mò fen tmolok bè yó kem tau Ju.

1 Timuti 6:20

Hol tenngelem yóm deng gsigang tahem, Timuti. Béi mung du kóm yóm stulón mfà laen dù gónón e kól, ne yóm skaf mon là kô wen bang gutahem du. Ofo kul mon du yó kem tau mò du ke tahu ketngón, okóm là.

Hibru 5:12

Tey deng kegen ye hemtahu, yake deng ye kem olò hulung tmolok ne yóm Udél Dwata bè kem dumu ye. Là myó. Hyu ke wen tau na bud tmolok kuy yóm hol tanay dnalang yóm tau hemtahu lemwót bè yóm Udél Dwata. Yó gónóhu e hmingun kuy, hol lómón yóm ngà tolo tmutù. Là deng gbeken du he mken du yóm mgel.

1 Pitér 4:11

Ke uu yóm sotu tau wen khulungen tmolok, tódô tolokem sen yóm Udél Dwata. Ke uu sotu tau wen khulungen tmóbóng, hol hlanem bè yóm kgis deng blay Dwata kóm yóm któbóngem kem dumuhem. Ke hyu kwit ye du yóm kenhulung blayen kuy, tey megdóyón Dwata mlan bè yóm któbóngen kuy Jisas Krays. Dwata se yóm hol knóón megdóyón, ne sónen du se yóm hol mfasang. Hol bê ye abay nmò sónen yóm kdóyón kuy du.

Deng Hegfan 19:10

Botonge tódô hegluduk klohok tihen lanu tô dmóyón du, okóm mom yó monen mò do, “Bê. Béem nmò yó. Tódô senged kut fen gel tóbóng lówó Dwata. Dalang se yó kem dumuhem setwoli là mkó du nawa yóm ktahuhen tehe gel tolok Jisas kul. Olon Dwata dé hol dóyónem.” Yakà ktahuhen du yóm tehe tolok Jisas, yóm ktahuhen yó tehe gel htulón Dwata yó kem tugoden ekni.

Deng Hegfan 22:6

Ne bud monen mò do yóm hógów Dwata deng mudél ebéléu yó, monen, “Ni kem deng tulónu kóm ni koni, hono tahu, ne hono gsalig. Ne yóm Dwata gónó tekuy mogot, yóm tehe gel msù du bè yó kem tugoden yóm Tulusen, du se yóm hógów do anì naw e hetngón bè yó kem tauhen yóm móyón sut ni.”