Sulat Pol Ebè Yó Kem Tau Hemtahu Bè Rom 2:3 - Udél Dwata: Gna Kesfasad ne Lomi Kesfasad

³ Yó kô hendemem, tnafak Dwata yó kem tau gel mò du yó kem sidek yó koni, ne là dog tnafaken kóm bè yóm kóm kmò du snéen?

Sulat Pol Ebè Yó Kem Tau Hemtahu Bè Rom 2:3 Iomraidhean Croise

Kem Lingón 50:21

Yóm igò ye mò du ni kem ni, tódóe yem. Ofo kuy ke mkéle bélê ye. Okóm ni nudélu yu, ne listahu bélê ye yó kem duónu kuy.

Kem Lingón 56:7

Hol bnelesem lu bè yóm sidek nmò le. Mlan bè kebutem, Dwata, hol genlaem lu.

Kem Udél Hlalak Tehe Selumun 11:21

Ngem! Yó kem tau gel mò sidek là kô lugun Dwata kul là tnafak, okóm yó kem tau tedeng kmò le gewà.

Kem Udél Hlalak Tehe Selumun 16:5

Tey keklit Dwata du yóm keheklabak tau. Ngem, là kô lugun Dwata du là tnafak yóm tau heklabak.

Isikél 17:15

Okóm yóm tau hol geta bè Israél, mom natuen yóm tau hol geta bè Babilun. Yó nmoen, hógów tau ebè Idyip hefnihen tóbóng ditu, tey kem sendalù wen ne kem kudà hnihen ditu. Kmò kehedemem du, gbek Israél kô mulé du yóm deng senfasad le ne là wen tmafak du?

Isikél 17:18

Abay se yóm tau hol geta bè Israél, deng nuléhen yóm deng senfasad le igò le deng sesafà. Yó gónóm mon, là kóen na a tô gewà bè yó.

Danyél 10:19

Yó bud monen mò do, “Béi abay hlikò, Danyél, yakà tey kbong nawahen kóm Dwata. Dwata he henek nawahem, hekgisi ne hgelem nawam.” Tahu se, yóm igoen mudél ebéléu yó, bud mulék kgisu ne monu mò du, “Yó ne Sér, henlósem yóm tulónem do, yakà deng hekgisem o.”

Matyu 23:33

Ya nim yu kem tau knawa ulal, hono ye semfu gu bè yó kem tau knawa ulal. Tedu kmò kegewà ye lemen du yóm deng kgolu ye elem lanaw ofi?

Matyu 26:53

Ilóem là tngónem du kô yóm kegbeku mni tóbóng bè Mà, ne tódô kendel hógówen balù hilu libu yó kem gel hógówen gu bè longit mò tmóbóng do.

Kun Snulat Luk 12:14

Okóm mon Jisas mò du, “Laen bang kwalisu kmukum kuy, Man, duhen ke fen tô nólólu bélê ye kimu ye.”

Kun Snulat Luk 22:58

Là legenen bè yó, bud wen tau dmilô ke Pitér, monen mò du, “Uu se sotu bélê le.” Ne bud yó balà Pitér du, monen, “Là gi dou.”

Kun Snulat Luk 22:60

Okóm yó balà Pitér du, monen, “Là me gi. Là kô tngónu du yóm monem yó.” Ne tódô sen-gengen se kmóót onuk.

Sulat Pol Ebè Yó Kem Tau Hemtahu Bè Rom 1:32

Deng hónô tngón le yóm monen bè hlau Dwata ke wen tau mò du yó kem sidek yó, sal gel tódô hnatay. Okóm là kô dog hdon le du. Tódô henlel le mò du, lel le semgduf kem dumu le mò du.

Sulat Pol Ebè Yó Kem Tau Hemtahu Bè Rom 2:1

Béem tódô gel tendok kun kmò kem dumum. Laen dù lasunem mò du, balù sentnga se yóm kóm ktau. Ke wen tendokem bè dumum, ne ke bud gel nmoem se kóm, ten-geedem hegtuled knóem.

Sulat Pol Ebè Yó Kem Tau Hemtahu Bè Rom 2:2

Tódô tngón tekuy se lemwót bè yóm ktedeng Dwata gónón tmafak yóm tau mò du yó kem sidek monu yó koni.

Sulat Pol Ebè Yó Kem Tau Hemtahu Bè Rom 9:20

Ni se balau du yóm monem yó, “Tmau kóm de tô gembek smabà ke Dwata? Là gbek yóm kuleng tonok smabà yóm tau mifil du, ke monen ‘Moen ke lómón ni kifilem do?’ ”

1 Tisalunika 5:3

Ofo kul tô mon du yó kem tau, “Hyu ne ni. Deng tinof ne laen bud knikò tekuy.” Okóm tódô mekto sut bélê le yóm tey glumfak le. Tódô le gotu ktut, lómón kektut yóm libun kmuleng blututen, ne là kô wen lan le hemlóy du snéen.

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

Hibru 2:3

Mom milud he kegtafak tekuy ke là kenmón tekuy du yóm tey hyu deng nmò Dwata bélê tekuy mò lan tekuy gewà gu lem hatay. Yó sem gónó tekuy mogot yóm tanay tmulón du yóm lan yó, ne lemwót yó kem tau mungol du, bud lu se hetngón du tekuy yóm ktahuhen.