Sulat Pol Ebè Yó Kem Tau Hemtahu Bè Rom 2:2 - Udél Dwata: Gna Kesfasad ne Lomi Kesfasad

² Tódô tngón tekuy se lemwót bè yóm ktedeng Dwata gónón tmafak yóm tau mò du yó kem sidek monu yó koni.

Sulat Pol Ebè Yó Kem Tau Hemtahu Bè Rom 2:2 Iomraidhean Croise

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Kem Lingón 145:17

Tey tedeng yóm Dwata bè kdê gel nmoen. Tódô gotu gfan bè yóm nmoen yó yóm kkoduhen tau.

Kem Lingón 9:4

Yakà deng nfihem ou. Tey tedeng kkukumem dou igoem myón bè yóm gónóm myón kmamal.

Kem Lingón 96:13

sok kól Dwata mò kmamal yóm klamangen. Angat tey tedeng yóm kkamalen kdéen tau, laen kô dù mtukul nfihen.

Kem Lingón 98:9

bè solu Dwata. Yakà kól Dwata nan e knukum klamang benwu. Knukumen klamang benwu mlan bè ktedengen, ne laen kô dù mtukul nfihen.

Isaya 45:19

Laen deng udélu ke gebnos, duhen ke deng bnosu yóm atulu. Sundu yó du hmou yó kem tau Israél ke nebel le o bè yóm benwu là hyu menwu du. Ou se yóm Dwata gónó le mogot hono tahu yóm tulónu, gel hetngónu yóm tedeng.”

Isaya 45:21

Géhél ye stifun anì snabà ye yóm kkukumu kuy. Eles ye stulón són yu. Tau du de deng gna eles tmulón du yóm kegbà Babilun yó? Kaem ou se yóm eles tmulón du, yóm Dwata gbeken lemwà yó kem tauhen. Laen kô dù dumu dwata bè klamangen, tek sotuhu.

Jirimaya 12:1

Ó Dwata, ke wen klamohu béléem sal tedeng yóm kukumem du. Ni wen snólóku béléem mò knukumem. Moen de kul yó kem tau mò sidek ke tilob kógów klowil le? Moen de ke gel le hligal yó kem tau là tedeng kmò le?

Isikél 18:25

Okóm mom yó udél ye, mon ye, ‘Là kóen tedeng yóm nmò Dwata yó.’ Ó kem tau Israél, hol hnungol ye ou. Là tedengen kô yóm dou nmò? Kaem yó dém kuy nmò yóm là tedengen.

Isikél 18:29

Baluen se ke ni yóm kmou du, là kô kó le du yó kem tau Israél yóm tendo kmon le du, ‘Là tedengen yóm nmò Dwata.’ Ó kem tau Israél, kaem yu dé yóm là tedeng nmoen, sundu ou du.”

Danyél 4:37

Ne ni ou Nibukadnisar, dóyónu yóm Dwata hol geta bè longit ne henlelu hol hegeta du, mung du yóm tey kadatu du. Kdê yó kem gel nmoen, sal tedeng ne hono hyu. Hulung heglaan du yóm tau hegetahen knóen.”

Sifanaya 3:5

Okóm yóm Dwata, sana knóen bè yó lem syudad le, laen kô dù sidek nmoen. Tódô ket kdawen mò du yóm tedeng bè yó kem kun tau, okóm là kô dilô le du. Laen kô gónó le myak yó kem tau gel mò sidek.”

Kul Nmò 17:31

Yakà dengen mdengen kbuteng Dwata du yóm angat kkukumen yóm kdéen tau, hlanen bè yóm tau deng néléken, ne tey tedeng yóm angat kkukumen kul. Wen gónó Dwata hdilô du bè kdéen tau yóm tau deng néléken yó, duhen yóm deng kehlowilen du.”

Sulat Pol Ebè Yó Kem Tau Hemtahu Bè Rom 2:1

Béem tódô gel tendok kun kmò kem dumum. Laen dù lasunem mò du, balù sentnga se yóm kóm ktau. Ke wen tendokem bè dumum, ne ke bud gel nmoem se kóm, ten-geedem hegtuled knóem.

Sulat Pol Ebè Yó Kem Tau Hemtahu Bè Rom 2:3

Yó kô hendemem, tnafak Dwata yó kem tau gel mò du yó kem sidek yó koni, ne là dog tnafaken kóm bè yóm kóm kmò du snéen?

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Sulat Pol Ebè Yó Kem Tau Hemtahu Bè Rom 9:14

Mò kmon tekuy du nim nmò Dwata ni? Déke hendem tekuy là tedengen yóm kmò Dwata abay se fen mtukul néléken. Là kô yó du.

Deng Hegfan 16:5

Ne gungolu se udél yóm hógów Dwata le mkok tukung elem él, monen, “Ó Dwata, laen kô dù belenen yóm kóm kmò. Uu se yóm sana Dwata tenbut bè kbuten efet ni nem kmoen ni. Bong tedeng yóm ktafakem kul ni,

Deng Hegfan 19:2

Yóm kkukumen tau, hono tahu ne hono tedeng. Deng tnafaken yóm libun hdóyón yó lanen mit kul elem sidek yóm kdéen tau bè klamangen benwu. Deng bnelesen yóm tehe gel khatayen yó kem tóbóng lówóhen.”