Sulat Pol Ebè Yó Kem Tau Hemtahu Bè Rom 1:2 - Udél Dwata: Gna Kesfasad ne Lomi Kesfasad

² Deng tehe eles fasad Dwata snéen ekni nim Tulón Hyu ni hlanen bè yó kem tehe gna tugoden, hol lómón yóm deng snulat le bè Sulat Dwata.

Sulat Pol Ebè Yó Kem Tau Hemtahu Bè Rom 1:2 Iomraidhean Croise

Matyu 1:22

Bè ni kem ni, deng tódô tahu edu yóm tehe tulón Dwata hlanen bè yóm sotu tehe gna tugoden, yóm monen,

Kun Snulat Luk 1:70

Wen tehe fasad Dwata ekni hlanen bè yó kem tehe gna tugoden.

Kul Nmò 10:43

Yóm Jisas ni,” mon Pitér, “du se gónón e gbak yóm tehe gel tulón yó kem tehe tugod Dwata ekni. Yó gel mon le, nô kihu tau hemtahu béléen, gbek Dwata hmifót salà le hlanen bè yóm tey kfasang yóm boluy Jisas.”

Kul Nmò 13:32

Duhen ni se,” mon Pol, “yóm Tulón Hyu tendo kum gel nwit ni. Bè yóm deng klowil Dwata ke Jisas, yó se gónón dohò yóm tehe fasaden yó kem tehe fù tekuy ekni. Duhen ni se tekuy kem tau lugod le fen gmafit du. Du se gónón e gbak yóm tehe hsulat Dwata bè bok Lingón, yóm monen, ‘Uu yóm hol Ngau. Deng duhen ni ne kehegfanu du yóm kngau kóm.’

Kul Nmò 26:6

Yó gónóhu mdà bè soluhem ni, duón le dou yóm alì kegtud nawahu yóm tehe fasad Dwata yó kem tehe fù tekuy ekni, duhen yóm angat bud klowil tau.

Sulat Pol Ebè Yó Kem Tau Hemtahu Bè Rom 16:26

Okóm nim kmoen ni, deng hetngón Dwata hlanen bè yóm deng snulat yó kem tehe tugoden ekni. Yó hol hmò Dwata kum, hol hetngón me nim tulón ni ebè kdéen tau bè klamangen benwu anì hemtahu le, ne nimón le snéen. Ni se hol kun kóyô yóm Dwata laen dù tul katayen.

Sulat Pol Ebè Yó Kem Tau Hemtahu Bè Rom 3:2

Igoen tey bong muhen yóm ktau tekuy Ju. Yó hol tanayen, tekuy se fen gónó Dwata hogot du yóm kun sulat.

Sulat Pol Ebè Yó Kem Tau Hemtahu Bè Rom 3:21

Okóm ni ne, deng mtukul kehetngón Dwata du yóm lan nmoen mò gónón baling tedeng ktonen tekuy. Là kô hlanen du bè yóm klolò tekuy yóm hlau Musis. Okóm nim lan nmò Dwata ni, deng tehe eles hsulaten ke Musis ne yó kem dumu tau tugoden ekni.

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.