Nihimaya 8:3 - Udél Dwata: Gna Kesfasad ne Lomi Kesfasad

³ Bè yó bè plasa yóm Bak Tikeb Él gónó Isra semfala du bélê le yóm hlau yó. Tódô lenwóten hlafus kól gtungó semfala du bélê le. Ne tey le teneb hmungol du yóm kdéen tau.

Nihimaya 8:3 Iomraidhean Croise

Nihimaya 10:29

gomong me bè yó kem tau gónó me gel galak bè yóm ksafà me bè Dwata. Ke nulé me yóm safà me ni, hol tnafak Dwata mi ne henmóyô me yóm tafak Dwata kum yó. Yó safà me ebè Dwata, bè yóm klawi me mowil là gbek me du ke là lolò me du yó kem deng Hlau Dwata kum, yó kem hlau tehe hlanen bè Musis yóm tau tóbóng lówóhen. Là gbek me du ke là nimón me du yó kem kdê hlauhen kum yóm sana kum Dwata hol gónó mogot. Là gbek me du snéen ke snonol me yó kem hlauhen kum ne yó kem hloloen kum.” Yó se yóm safà yó kem tau Israél bè yóm kimón le ke Dwata. Là gomongen bè nili yóm bérs 30 kól bè bérs 39. Yó tulónen yóm gotu klista le yóm kdê hlau Dwata kul mò hol nimón le. Là gomongen bè nili yóm tsaptér 11, Yó tulónen bè ni yóm kmò kélék le yó kem tau mò menwu bè Jirusalim ne yóm boluy yó kem tau deng nélék le yó. Lemwót bè yóm là hol bud kwen yó kem tau menwu bè Jirusalim, yó gónó le mélék kem tau mò gmónô lem yóm syudad yó mò fen tmóbóng mentey du bè yó kem hohon le. Yó tulónen bè tsaptér 12 yóm gotu klista le yó kem tau blóng ebè Dwata ne yó kem sfu Libay mung ke Sirubabél gna mulék ebè Jirusalim ne yóm nmò le bè Gónô Dwata bè yóm kkól le. Bud tulónen bè ni snéen yóm tey kehligal le bè yóm kehfun le du ebè Dwata yóm beng hmilol Jirusalim. Bè yóm kehligal le yó, wen lewu lumbuk tau semngal mógów ta yóm beng yó. Sotu lumbuk semngal mógów fi ebè kwanan ne sotu lumbuk semngal mógów fi ebè iwóng. Ngang le hligal semngal mógów efet le bud segeslong yóm kdê le ditu bè dolin. Yó tulónen bè tsaptér 13 yóm bud kulék Nihimaya ebè Babilun bè yóm tau hol geta bè Pérsya tehe gónón mò nmò. Ominen bud mulék ebè Jirusalim. Bè yóm bud kkólen bè Jirusalim, tey sidek kebuten abay se wen bè yó kem tau Israél là bud blay le du ebè Dwata yóm gesfoloen ne deng le mom hembalù bè kdaw kehegnô. Lel le mom myehen bè yó kem tólóng libun hmilol kul. Yó nmò Nihimaya, tey kudélen kul ne hmoen kul yóm deng hlolò Dwata kul. Tahu se, lolò le.

Nihimaya 8:1

Bè yóm ghituhen bulón, deng le gotu henek ne bè yó kem kul benwu yó kem tau Israél lomi mulék. Bè yóm tanay kdaw bè yóm bulón yó, gotu le stifun bè Jirusalim bè yóm plasa moni bè yóm bak tikeb boluy le du Bak Tikeb Él. Yó nmò le, hwa le ke Isra yóm bok gónóhen nô yó kem Hlau Dwata, yó kem hlau tehe blay Dwata yó kem tau Israél hlanen bè Musis. Nim Isra ni, tau gel blóng ebè Dwata ne megdidif ketngónen du yóm hlau Dwata.

Nihimaya 8:18

Tódô lemwót bè yóm tanay kdaw kmò le du yóm kehligal le yó efet kól bè kdengen, tódô ket kdaw Isra tendo semfala du lem blóng le yóm Hlau Dwata. Hitu kdaw le kegen le mò du yóm kehligal le yó. Ne bè yóm gwoluhen kdaw bud le stifun mò sónen, tódô lolò le yóm monen lem yóm Hlau Dwata.

Nihimaya 8:4

Bè yóm kesfala Isra du yóm hlau Dwata yó, mdà ta yóm seel geta deng nmò le bè koyu mò gónón mdà. Wen kem tau mdà bè kwananen. Yó boluy le, Matitiya ne Sima ne Anaya ne Uriya ne Hilkaya ne Maasiya. Yó fen mdà bè iwóngen, Pidaya ne Misaél ne Malkidya ne Hasum ne Hasbadana ne Sikaraya ne Misulam.

Nihimaya 8:5

Bè yóm igò Isra mdà bè yó bè gónón geta, gotu le temngel ebéléen yóm kdéen tau. Timbow lenungkaen yóm bok, tódô kdê le gotu hebkó mdà.

Mark 12:37

Yóm Misaya myón bè kwanan Dwata yó, yó kboluy Dabid du ‘Gónóhu mogot.’ Tedu se tô kmò klanen du ke mom du yóm bud semfu gu bè Dabid?” Ya tey kbeyen le hmungol ke Jisas yó kem tey tau wen deng sbung bè yó.

Kun Snulat Luk 19:48

Okóm laen dù lan le gemhatay du, bà mon se yóm tey tau wen gel hmungol yóm ktoloken, ne tey kehteneb le hemklingu du yóm gel tulónen.

Kun Snulat Luk 8:18

Yó gónóm mon, hol ten-gama ye dé kmò khungol ye. Abay se yóm tau deng wen gwahen, angat tendo bud gel tennù Dwata béléen yóm gwahen yó. Okóm yóm tau là suen du lem hendemen yóm deng gungolen, balù yóm udì deng tehe gna tngónen, angat tódô bud kó Dwata béléen. Ofo kun hemdem du ke deng wen gwahen, okóm laen duen.”

Kul Nmò 13:15

Wen senfala yó kem tau malak bè yó lemwót bè yóm hlau Musis ne bè yóm snulat yó kem gna tugod Dwata ekni. Tikóng deng kesfala le, wen udél hgefet le bè le Pol, mon le, “Ó kem dumu me setwoli, móyô me ke wen tulón ye mò gónó ye gemduf kum.”

Kul Nmò 13:27

Yó kem tau menwu bè Jirusalim kkólen bè yó kem tau gel malak kul, là kô dilô le du ke Jisas yóm deng nélék Dwata mò lemwà tekuy gu lem hatay. Ne là kô glileb le du snéen yóm tehe udél yó kem tehe gna tugod Dwata ekni, yóm gel senfala le bè ket Kdaw Kehegnô. Okóm bè yóm khatay le ke Jisas, yó se deng gónón dohò yóm udél gel senfala le yó.

Kul Nmò 15:21

Yakà ni du se yó kem hlau Musis tendo gel senfala le bè ket benwu lemwót bè kbuten efet nim kmoen ni. Tódô ket kestifun le bè Kdaw Kehegnô, sal gel wen tmolok du ni kem hlau monu ni.”

Kul Nmò 16:14

Yó boluy yóm sotu libun hmungol kum Lidya, lemwót bè syudad Tyatira. Yó nmoen, gel hembalù nes ginggung alì mebtes. Hemtahu bè Dwata se kun. Bè yóm igoen hmungol ke Pol, Dwata fen heglileb du béléen yóm hnungolen, ne hentahuhen.

Kul Nmò 17:11

Tey le móyô dmalang yó kem tau bè yó bè Beriya senta yó kem tau bè Tisalunika. Tey tilob khungol le du yóm tulón Pol, ne gel hennagì le yóm Udél Dwata ket kdaw anì ton le ke tahu yóm gel tulón Pol kul.

Kul Nmò 20:11

Omin Pol yó bud motun ta na le e mken. Ngang le stulón efet sut mata kdaw, omin me yó lemwót.

Kul Nmò 20:7

Timbow kimel bè Kdaw Kehegnô, gotu me stifun mken yóm ken gónó me hemtulón nawa yóm tehe katay Jisas, ne tmolok bélê le Pol efet sóól buteng, abay se hayahen bè yó yóm bud kewóten.

Kul Nmò 28:23

Tahu se, na le na bnuteng yóm bud kesbung le ebè Pol. Timbow hto yóm buteng le yó, ya tey kwen le bud sbung ebè yóm gónô gónó Pol nô. Tódô sendaw le nô bè yó lemwót hlafus kól kifu. Gotu tulón Pol kul yóm kmò kogot Dwata tau. Ne gel wen nwahen lemwót bè yóm hlau Musis, ne wen se gel nwahen bè udél yó kem gna tugod Dwata ekni mò gónón heglileb du bélê le yóm tulónen gbak ebè Jisas.

Dwata 31:9

Duhen yó, gotu snulat Musis yóm kdê hlau Dwata ne blayen bè yó kem sfu Libay gel blóng le ebè Dwata yóm fen gel mit yóm Slungan Fasad ne bè yó kem tuha gel malak yó kem tau Israél.

1 Tisalunika 2:13

Bud sotu gónó me tendo gel dmóyón ke Dwata snéen. Bè yóm tehe kwit me ebélê ye yóm tulón lemwót bè Dwata, bè yóm kungol ye du tódô kendel henmóyô ye, ne tódô dilô ye hol tahu kun udél Dwata, là kô olo udél tau du. Ne tahu se yó. Ne lemwót bè udélen wen gel nmò Dwata bélê ye yu kem tau deng hemtahu.

Juswa 8:35

Tódô gotu senfala Juswa bè yóm kdéen tau Israél, gomong kem libun ne kem ngà ne yó kem tólóng tau menwu lem blóng le. Gotu senfalahen bélê le yóm kdê hlau Dwata tehe snulat Musis.

Deng Hegfan 2:29

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan.”

Deng Hegfan 3:22

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan.”