Nihimaya 4:2 - Udél Dwata: Gna Kesfasad ne Lomi Kesfasad

² lem blóng yó kem dumuhen ne lem blóng yó kem genlal bè yó kem sendalù lemwót bè Samarya. Yó udélen eta me, monen, “Tedum tô hendem nmò le ni kem Ju laen dù genbek ni? Mone tô hdà le kô yóm beng botu hmilol yóm syudad le? Yó kô hendem le mlan bè yóm gel kedsù le ebè Dwata tódô deng le sendaw yóm nmò le? Gbek le hemdà beng botu kô lemwót bè yó kem lusok botu deng lan ofi?”

Nihimaya 4:2 Iomraidhean Croise

Nihimaya 4:10

Ominen wen udél le tmalaw yó kem tau Juda, mon le, “Deng laen dù bud kgis le ne yó kem tau mogut lusok botu. Lelen tey wen he dù luduk bè yó, là gbek me bud hemlel du yóm beng botu hdà me.”

Kem Lingón 83:4

Yó udél le, “Géhél ye ne, sulék gotu genlà tekuy yóm kdéen tau Israél anì laen dù bud hemdem du ne yóm boluy Israél yó.”

Jirimaya 26:18

“Bè yóm kdaw tehe kogot Hisikaya yóm benwu Juda, wen sotu tugod Dwata boluyen Mika lemwót bè Murisit. Wen tulónen yó kem tau bè Juda, monen, ‘Ni se udél yóm Dwata laen dù là gbeken du, monen, yóm Bulul Sayun, angat dnadu le hol lómón kdadu le yóm tonok gónó le gel mò hulu. Ne yóm syudad Jirusalim, angat gotu gbà. Yóm tfusù bulul gónón mteg yóm Gónô Dwata nim kmoen ni, angat baling dlag.’

Jirimaya 33:24

“Deng gungolem kô yóm gel mon yó kem dumu tau? Yó mon le, ‘Igò Dwata se deng mélék yó kem tau Juda ne yó kem tau Israél, mom tódô bayaen lu.’ Tey khisik le kul yó kem dou tau ne là bud dilô le kul sotu but benwu.

Danyél 9:25

Hol hnungolem yóm tulónu kóm ni anì hol getnefem. Lenwóten bè yóm kdaw ksulat le yóm udin bud ketlob le yóm benwu Jirusalim efet kól bè yóm kdaw ksut yóm sotu tau deng nélék Dwata mò kmamal yóm klamangen, yó kegenen fat folò syóm halay, ominen bud temnù fat latu tlu folò fat halay. Bud hdà le Jirusalim, wen kem lan bud nmò le bè yó ne tey mbegel yóm beng hdà le hilolen, okóm tey sbeweg kbenwu le lem ni kem halay ni.

Hbakuk 3:2

Ó Dwata yóm sana Dwata hol gónó mogot, deng gungolu yó kem tey tennga deng tehe nmoem ne botonge likò. Ne ni, hol bud nmoem bélê me bè nim kum kdaw yó kem deng tehe nmoem yó. Balù yóm tey sidek kebutem kum hol knodum mi.

Sikaraya 12:8

Bè yóm kdaw yó, kenlung Dwata lu yó kem tau bè Jirusalim ne balù yó kem tau alì lunog bélê le, angat tey kekgis le lómón tehe kekgis Dabid. Ne yó kem sfu Dabid, angat lómó kmò le lómón ke Dwata ne lómón kmò le yóm hógów Dwata gel tukô gna kul.

Sikaraya 4:10

Hol bê ye abay senlón ke udì yóm ton ye mò buten, yakà hligal Dwata du bè yóm ktonen du yóm kbut kehdà ye du yóm kun Gónô, hligal bè yóm ktonen yóm tuntun nogot Sirubabél. Yóm hitu solok hnigaden yóm hitu mata Dwata, gotu tenngelen yóm klamangen.”

1 Kurin 1:27

Okóm yó nmò Dwata, néléken yó kem tau glaan ketngón le mò gónón hemyak yó kem tau temngón lem nim benwu ni. Ne néléken yó kem tau laen hol genbek le mò gónón hemyak yó kem tau wen genbek le lem nim benwu ni.