Nihimaya 4:1 - Udél Dwata: Gna Kesfasad ne Lomi Kesfasad

¹ Timbow gungol Sanbalat, yóm deng kbut kehdà me yóm beng botu hmilol Jirusalim, ya tey sidek kebuten ne tey kehnéen kum

Nihimaya 4:1 Iomraidhean Croise

Nihimaya 2:10

Okóm kul le Sanbalat yóm tau lemwót bè Bét Horon ne Tubiya yóm tau genlal bè prubinsya Amun, bè yóm kungol le du yóm kwen tau tmóbóng yó kem tau Israél, ya tey kekbê le du.

Nihimaya 2:19

Tikóng gungol le Sanbalat ne Tubiya ne yóm sotu tau Arab boluyen Gésém yóm atul me yó tey kuli le kum, mon le, “Tedum tô nmò ye ni du? Ilóem tô natù ye kô yóm tau hol geta?”

Jirimaya 38:19

Yó balà Sidikaya ke Jirimaya, monen, “Likoe heglaan bè yóm tau hol geta bè Babilun, déke blayen ou elem hólól yó kem tau Juda deng mung béléen. Déke mom hnatay le ou.”

Matyu 2:16

Timbow dilô Hirod yóm deng kegsukaten bè yó kem tau hulung hménég kógów blotik, ya tey sidek kebuten. Yó nmoen, gotu hfatayen kdéen ngà logi tolo udì bè Bitlihim ne yó kem dumu benwu hmilol bè yó. Lemwót bè yóm ngà logi tolo hulô efet kól bè yóm ngà logi deng lewu halayen, gotu hfatayen lu. Deng eles nsóhen yóm deng kegenen sut yóm blotik lemwót bè yóm ktulón le du du yó kem tau hulung hménég kógów blotik.

Matyu 27:29

Ne lenikin le yóm sotu kay tinu semnual mò kuruna suub le bè kuluhen, ne wen fes hogot le du bè sigel kwananen. Gotu le mtud bukol bè soluhen, hningón tô nmò le béléen yóm gel kadat le yóm tau hol geta. Ya tey kehlowon le du, mon le, “Ni sii yóm tau hol geta bè kem Ju. Yake hol tahà klowilen.”

Kul Nmò 5:17

Okóm kun yóm tau hol geta bè yó kem tau gel demsù ebè Dwata dalang se yó kem dumuhen, hono kem tau Sadyusi, tey sidek kélés nawa le yó kem hógów Jisas. Ne mom yó nmò le,

Hibru 11:36

Yó gel nmò le bélê le yó kem tau hmohon kul, gel henwog le lu, ne nfes le lu, lel le kemdina kul ne bnanggù le lu.