Nihimaya 2:1 - Udél Dwata: Gna Kesfasad ne Lomi Kesfasad

¹ Timbow deng fat bulónen bè yó, bè yóm gewuhen folò halay kegenen mogot benwu Artasérksis, bè yóm sotu kdaw igoen mken yóm tau hol geta yó, kayu ebéléen yóm gel ninumen. Là kô deng hnikót tonen dou he ke lembang nawahu,

Nihimaya 2:1 Iomraidhean Croise

Tekang Kbuten 40:11

Ne deng eles nogotu se yóm kun tegayan Faro. Ominu ma yó kem bungu grép yó ne kenmesu elem yóm tegayanen ne oguhu du.”

Tekang Kbuten 40:21

Ne bud huléken bè sana nmoen yóm tau gel mkay ninum béléen.

Isra 7:1

Timbow deng hilu halayen miwes bè yó bè yóm igoen tolo mogot bè Pérsya Artasérksis, wen sotu tau boluyen Isra semfu gu bè yóm tehe Aron, yóm hol tanay tau blóng ebè Dwata. Ni se kmò kesektol yó kem gónón gu semfu Isra. Yóm Isra ngà Siraya. Yóm Siraya ngà Asariya. Yóm Asariya ngà Hilkaya.

Nihimaya 1:1

Ni se yóm bok gónó Nihimaya yóm ngà Hakaliya, tmulón du yó kem deng gendengen. Bè yóm gewuhen folò halay kogot Artasérksis bè Pérsya, bè yóm bulón bnoluy le Kisléb, ou Nihimaya nóe bè Susa yóm hol yê yó kem syudad bè Pérsya, bè yóm gónóhen nô yóm tau hol geta.

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

Istér 3:7

Bè yóm deng gesfoloen lewu halay deng kkamal Sérksis, bè yóm tanay bulón yóm bulón boluy le du Nisan, wen atù nmò Haman. (Yó boluy le du yóm atù yó, purim.) Yó gónón mò du mò gónón temngón du ke kilón yóm kdaw ne bulón angat kmoen du yóm atulen bè yó kem Ju. Tahu se, gfan bè yóm atù nmoen yó bè gesfoloen tlu kdaw bè yóm gesfoloen lewu bulón, yóm bulón boluy le du Adar kmoen du yóm atulen.

Danyél 9:25

Hol hnungolem yóm tulónu kóm ni anì hol getnefem. Lenwóten bè yóm kdaw ksulat le yóm udin bud ketlob le yóm benwu Jirusalim efet kól bè yóm kdaw ksut yóm sotu tau deng nélék Dwata mò kmamal yóm klamangen, yó kegenen fat folò syóm halay, ominen bud temnù fat latu tlu folò fat halay. Bud hdà le Jirusalim, wen kem lan bud nmò le bè yó ne tey mbegel yóm beng hdà le hilolen, okóm tey sbeweg kbenwu le lem ni kem halay ni.