Nihimaya 1:3 - Udél Dwata: Gna Kesfasad ne Lomi Kesfasad

³ Ne tulón le dou yóm tey keglayam yó kem tau deng bud kól bè Juda, yóm alì kehegnok le kul yó kem tólóng tau hmilol kul. Tulón le dou snéen sana tolo kegbaen yóm beng botu hmilol Jirusalim ne là dengen bud hyu yóm bak tikeben lemwót bè yóm tehe ktem le du.

Nihimaya 1:3 Iomraidhean Croise

1 Bok Kem Tau Hol Geta 9:7

angat hdóhu yó kem tau Israél bè yóm tonok deng tehe blayu kul. Angat kenbéu snéen nim Gónóu ni, balù yóm deng kfunu du mò mit yóm dou boluy. Ne yó kem tau Israél angat henbalingu lu tau mò sendekà ne kenhisik yó kem tau bè dumu benwu.

2 Bok Kem Tau Hol Geta 25:10

Gotu hegbaen yó kem sendalù mung du yóm beng hmilol Jirusalim.

2 Tutul Israél 36:19

Gotu htemen yóm Gónô Dwata ne yóm syudad Jirusalim, gomong yó kem gónô bong bè yó, mung du yó kem kendengen le. Gotu hegbaen snéen yóm beng hmilol yóm syudad Jirusalim.

Nihimaya 2:13

Tolo kifu he yóm kewótu bè yó bè syudad, mlane fi desdef bè yóm bak tikeb bnoluy le Bak Tikeb Datal efet niusu Sfut Él Swaga fi leged efete kól bè Bak Tikeb Fól. Bè yóm igou mógów tendo henklol hnénégu yóm beng syudad deng gotu gebà ne yó kem bak tikeben deng gotu mlób.

Nihimaya 2:17

Okóm bè yóm kkólu yó, yó monu mò kul, “Deng hónô tngón ye se nim gfà tekuy ni lemwót bè yó sem tolo kegbà Jirusalim ne deng gotu mlób yó kem bak tikeben. Bud hdà tekuy dé yóm beng botu hmilol yóm syudad tekuy anì laen dù bud gónó tekuy myak.”

Nihimaya 2:3

bnalau se, monu, “Hol tahà he ktauhem. Moen se ke là lenbang nawahu du yóm syudad tehe gónó le lembeng yó kem tehe fuu, hanà tolo gebà ne yóm bak tikeben deng gotu mlób?”

Istér 1:1

Wen sotu tau tehe hol geta mogot yóm benwu Pérsya boluyen Sérksis. Yó kwen prubinsya nogoten, botong lematu lewu folò hitu. Lenwóten bè benwu Indya yóm benwu fi dmata kdaw efet kól etu bè benwu Sudan yóm benwu fi leged. Bè yó bè syudad Susa yóm yê yó kem syudad snakuf Pérsya, gónón myón kmamal Sérksis.

Kem Lingón 79:4

Deng hennê le mi yó kem tólóng benwu hmilol, knuli le mi, lel le semdekà kum.

Kem Udél Hlalak Tehe Selumun 25:28

Yóm tau là gbeken mafas nawan laen dù gmoen, lómón ke yóm benwu bong laen dù labat hilolen tódô mngal bè hohonen.

Isaya 43:28

Ne yó kem tau gónó ye kmulu, mom nmò le yóm gónón là bud mólós yóm dou Gónô. Yó gónóm mon, deng genbau klowil le yó kem dou tau Israél. Tódô bayau lu ne yó kem dou tau bè yóm alì sidek kehyak le kul.”

Isaya 5:5

Ni se angat nmou bè yó kem huluhu yó. Angat kóhu labaten ne gotu lenbau yóm beng mbegel hilolen anì wen lan le elemen yó kem ógóf lem bnes ne anì ken le ne snóyów ndà le.

Jirimaya 24:9

Angat tey wen hlayam hwitu elem blóng le. Ne kdê yó kem dumu tau bè klamangen benwu, angat le gotu likò bè yóm kton le kul. Balù kihu benwu gónów e hógów kul, laen kô dù tau bud madat kul. Angat sendekà le lu ne senkbê le lu ne tendo henmulà le lu.

Jirimaya 29:18

Tahu se, wen gida hwitu elem blóng le ne hbelu yóm tey bitil bong ne wen tey des hgefetu ebélê le ne gotu senklahu lu bè klamang benwu. Ket benwu gónów e semkla kul, gotu henmulà le lu yó kem tau fun benwu ne senkbê le lu, lel le semdekà kul.

Jirimaya 39:8

Ne ditu bè Jirusalim, tódô gotu ntem yó kem sendalù Babilun yóm syudad yó, gomong yóm gónô bong yóm tau hol geta ne gotu genbà le yóm beng hmilol Jirusalim.

Jirimaya 42:18

Ni se udél yóm Dwata laen dù là gbeken du, yóm Dwata yó kem tau Israél, monen, ‘Deng koku eta yó kem tau bè Jirusalim yóm tey sidek kebutu kul. Hol lómón yó se angat bud nmou bélê ye ditu bè Idyip. Yó kem tau nô bè yó, angat baling kenhisik le yu, lel le hemmulà kuy lel le semlón kuy. Ne là kô bud ton ye du ne yóm kuy benwu.’

Jirimaya 52:14

Ne gotu hegbaen bè yó kem sendaluen yóm beng hmilol Jirusalim.