Mika 4:3 - Udél Dwata: Gna Kesfasad ne Lomi Kesfasad

³ Ke wen gónó le seglius yó kem benwu lembang bè klamangen benwu, Dwata se angat kmukum kul. Lemwót bè yóm kkukumen kul, tódô mulék hsól le dadu yó kem sudeng le ne yó kem buyus le, ne kem bangkung le. Laen dù bud benwu sgida ne laen kô dù bud htolok sendalù.

Mika 4:3 Iomraidhean Croise

Kem Lingón 46:10

Yó udélen, monen, “Henek ye ne anì tngón ye ou se Dwata. Ou se yóm hol dandónen geta bè kdéen tau, yóm hol dandónen geta bè klamangen benwu.”

Kem Lingón 46:9

Tenfloken yó kem tau sgida bè klamangen benwu. Gotu tenfoken yó kem boho le, ne hensideken yó kem buyus le. Gotu nlóben yó kem klung le.

Kem Lingón 72:3

Yó hnihu béléem, Dwata, anì tilob kógów klowil le yóm kdéen tau knamalen, ne anì tedeng yóm kukum lem blóng le.

Kem Lingón 72:7

Klawihen mowil, yake tendo temnù ktedengen yóm kogoten benwu, ne yake laen dù sónen yóm kehyu klowil yó kem tau knamalen, lómón yóm klaen dù són yóm bulón.

Kem Lingón 82:8

Ó Dwata, hgéhéli ne, nem e knukum yóm kdéen tau te tonok, abay se kdéen benwu talak tonok, hono kóm funen.

Kem Lingón 96:13

sok kól Dwata mò kmamal yóm klamangen. Angat tey tedeng yóm kkamalen kdéen tau, laen kô dù mtukul nfihen.

Kem Lingón 98:9

bè solu Dwata. Yakà kól Dwata nan e knukum klamang benwu. Knukumen klamang benwu mlan bè ktedengen, ne laen kô dù mtukul nfihen.

Isaya 2:4

Angat knukum Dwata yó kem gónó le seglius yó kem benwu lembang bè klamangen benwu. Lemwót bè yóm kkukumen kul angat tódô gotu hsól le lu dadu yó kem sudeng le. Ne yó kem buyus le angat gotu hsól le lu mò suk le hemgifat hulu. Yó gónó le mò du yóm yó abay se là kô le bud sgida ne yó kem tau bè klamangen benwu. Ne là bud tolok le du bè kem tau le yóm kmò kesgida.

Isaya 25:3

Yó gónóm mon, angat tey kdóyón le kóm yó kem tau bè yó kem dumu benwu mbegel. Yó kem tau alì sidek nmò le bè yó kem dumu benwu gotu le likò kóm.

Isaya 60:12

Okóm yó kem benwu là mimón kóm, angat gotu genbau.

Isaya 65:25

Yó kem ógóf lóbô lem bnes ne yó kem ngà ubiha, angat le tódô gotu segbót mken. Yó kem liyun, angat le baling mótób lómón safì. Ne yó kem ulal, laen dù bud knikoem bélê le ne. Bè yóm dou bulul Sayun yó, laen dù bud hemsidek tau bè yó ne laen kô dù bud sidek bè yó snéen.”

Isaya 9:7

Angat sónmoen tendo temnù yóm kfasangen mogot tau ne angat senflósen menek yóm benwu nogoten. Du se mò tles Dabid bè yóm tehe kogoten benwu. Yóm kmò kogoten tau angat hlanen bè yóm tey kukum tedeng nwiten. Ni se angat kmoen lemwót bè kbuten kól bè hol sónen. Hol nô bè nawa Dwata mò du yóm kdéen ni yóm Dwata laen dù là gbeken du. Là gomongen bè nili yóm bérs 8 kól bè 21. Yó tulónen bè ni, yóm htulón Dwata ke Isaya bè yó kem tau Israél menwu fi bwak ne ebè yó kem tau Israél menwu lem syudad Samarya yóm yê yó kem syudad bè benwu le. Yó mon Isaya bè bérs 13, “Kogol yóm kdê tafak ni, ewenem sana là kehegsel yó kem tau ne là kô le mulék ebè yóm Dwata laen dù là gbeken du.” Mom yó udél yó kem dù tebel, mon le, “Deng tey kegbà nim benwu tekuy, okóm bud hol hbegel tekuy hemdà du mkay senta yóm gnahen.” Yó balà Dwata du yóm alì keheklabak le yó, duhen yóm bud kehwiten du elem blóng le yó kem benwu hohon le mò gemlà kul. Monen bè bérs 14-16, “Tek olo sendawen gemlà du Dwata yó kem gel malak bè Israél ne yó kem tugod Dwata gel mò kéng. Yakà yó kem malak bè Israél yóm mit kul meglà yó kem tau.”

Danyél 2:44

Bè yóm igò le tolo mogot benwu yó kem tau hol geta monu yó koni, yó nmò yóm Dwata nô bè longit, hetfingen yóm kun kogot tau ne laen dù gembek sembeweg du yóm kun kogot efet kól bè sónen ne laen se dù tau tles mogot du. Okóm yóm tau mogot yóm benwu yó, angat tódô gotu msulék genlaen yóm kul nogot, nmoen són le. Okóm yóm kun nogot, laen kô dù nan e són.

Husiya 2:18

Bè yóm kdaw yó angat wen senfasad me yó kem ógóf lóbô liwà lem bnes ne yó kem onuk koyu ne kdéen mowil manaf talak tonok anì là hensidek le kuy. Bè yóm kuy benwu yó, gotu kóhu bè yó, yó kem ngom sfatay, kdê yó kem sudeng ne kem hanak, abay se laen dù bud gida bè benwu ye, anì yó tódô ye henek laen dù hemen ye.

Husiya 2:20

Htenebe bélê ye, nmou yu mò hol dou nfun ne angat tódô henmung tngón ye ou yóm sana kuy Dwata hol gónó mogot.”

Juwél 3:2

angat gotu sentifunu yóm kdéen sendalù bè klamangen benwu ditu bè Datal Jihusafat. Ditu gónóhu tmafak kul lemwót bè yóm deng kehsidek le yó kem tauhu Israél, abay se deng gotu senkla le lu ebè tólóng benwu, lel le deng gotu semsólól yóm tonok bè Israél, yóm dou tonok.

Mika 5:15

Koku eta yó kem benwu là mimón dou yóm sidek alì kebutu kul mò balau kul.”

Sikaraya 14:3

Ominen yó nmò Dwata, du mit sfatay bè tu kem benwu tu koni lómón yóm tehe kwiten sfatay teganay.

Sikaraya 8:20

Yó bud udél yóm Dwata laen dù là gbeken du, monen, Angat tey wen dumu tau mógów ebè Jirusalim lemwót bè tólóng benwu ne lemwót bè tólóng syudad.

Sikaraya 9:10

Bud mon Dwata, Angat gotu kóhu bè benwu Israél yó kem klitun tók gel nwit le sgida ne angat kóhu bè Jirusalim yó kem kudà gel nwit le ebè gida ne angat gotu genbau yó kem ngom sfatay gel nwit le ebè gida. Yóm tau angat geta bélê ye, du se mit kenek kbenwu bè klamangen. Yó klamang nogoten, tódô lenngeben klamang benwu ne bud lenwóten bè Él Yufratis efet kól bè són tonok.

Kul Nmò 17:31

Yakà dengen mdengen kbuteng Dwata du yóm angat kkukumen yóm kdéen tau, hlanen bè yóm tau deng néléken, ne tey tedeng yóm angat kkukumen kul. Wen gónó Dwata hdilô du bè kdéen tau yóm tau deng néléken yó, duhen yóm deng kehlowilen du.”

Deng Hegfan 19:11

Ominu yó mton yóm longit tódô hnas. Ne wen tonu kudà bukay mdà bè yó, ne wen smakay tahen. Yó boluy yóm smakay tahen, Gsalig ne Tahu. Tey tedeng yóm kkukumen tau ne tedeng snéen yóm kesfatayen yó kem hohonen.

1 Samwél 2:10

Yó kem hmohon ke Dwata angat le gotu meglà. Angat wen leték hwiten ebélê le lemwót gu bè longit. Dwata se angat kmukum du yóm kdéen tau bè klamang benwu. Angat hekgisen yóm kun tau hol geta ne hegmoen yóm kun deng nélék.”