Mika 3:3 - Udél Dwata: Gna Kesfasad ne Lomi Kesfasad

³ Hol lómón ke deng gotu ken ye unged le yó kem dou tau. Gotu nukét ye kulit le ne tenfok ye tiol le ne gotu ntól ye lu lómón utón tnógó lem kuleng.

Mika 3:3 Iomraidhean Croise

Kem Lingón 14:4

Ofo kul mon du ke là gel ton Dwata du yóm sidek gel nmò le. Yó udél Dwata, monen, “Laen kô dù bélê le ke hulung hedem. Tódô le mowil lan le lemugi yó kem dou tau. Hol mou kun ne ke tô le gel mni ebéléu yó kem tau gel mò sidek yó.”

Kem Lingón 27:2

Ke nuluk le ou yó kem tau gel mò sidek na le e tô hnatay ou, mom lu tles wen gbunuen.

Kem Udél Hlalak Tehe Selumun 30:14

Wen se kem tau alì sidek kongò le yó kem tau élél mò lan le temnù yóm kul gónó wen.

Amus 8:4

Ni mò hol hnungol ye, yu kem tau gel hemgnok yó kem tau élél ne gembà klowil yó kem tau laen dù kwa le lem nim benwu ni.

Mika 2:8

Ni se balaen kuy Dwata, monen, “Efet nim kmoen ni, hol lómón ke hohon ye o lemwót bè yóm gel nmò ye bè yó kem dou tau. Botong hnékét ye yó kem tau mius bè lan, gnaga nwa ye nes le yó kem tau deng smalig kuy. Yóm nmò ye yó, lómón nmò yóm sendalù gemmò bè gida.

Sifanaya 3:3

Yó kem genlal le, lómón kmò le yó kem liyun mngel mebel mò nsék le. Ne yó kem gel kmukum bélê le, lómón kmò le yó kem ógóf lóbô lem bnes alì sidek kbitilen ke deng kimel, yóm nséken balù udì ke wen tebelen du kól hlafus.