Mika 2:3 - Udél Dwata: Gna Kesfasad ne Lomi Kesfasad

³ Yó gónóm mon, ni se udél Dwata, monen, “Deng natulu ne yóm kehwitu ebélê ye hlayam mò balà yóm gel kehlayam ye yó kem dumu ye tau ne là kô ye gewà du. Ke deng gnóm ye yóm hlayam hwitu ebélê ye yó, là kô ye bud mógów heklabak gu bè lan.”

Mika 2:3 Iomraidhean Croise

Jirimaya 18:11

Duhen ni Jirimaya, eles hetgamahem yó kem tau bè Juda ne yó kem tau bè Jirusalim, monem mò kul, ‘Ni se udél Dwata ebélê ye, monen, deng wen ne atulu eta ye ne deng wen eles hentifesu mò heglumfaku kuy. Duhen yó, hol knogol ye ne yó kem sidek gel nmò ye yóm ket kuy na sotu. Tenles ye kmò ye ne hol nmò ye yóm hyu anì là henlósu du yóm atulu yó.’ ”

Jirimaya 36:23

Tikóng deng wen dô tlu duhen ke fat lulun yóm deng senfala Jihudi, gotu kenleng yóm tau hol geta yóm deng senfalahen yó ne boten elem ofi. Ngangen mò du efet gotu mlób yóm kdéen.

Danyél 4:37

Ne ni ou Nibukadnisar, dóyónu yóm Dwata hol geta bè longit ne henlelu hol hegeta du, mung du yóm tey kadatu du. Kdê yó kem gel nmoen, sal tedeng ne hono hyu. Hulung heglaan du yóm tau hegetahen knóen.”

Amus 2:14

Balù yó kem tau alì hlóng mlóy bélê ye, là kô le angat gewà. Yó kem tau alì kemgis bélê ye, deng le mom baling lenmek. Ne yó kem sendalù deng hónô sfatay, balù kul knô là kô gbek le lemwà du.

Amus 3:1

Ó kem tau Israél, yóm sotu kmuleng deng tehe nwit Dwata hewà gu bè Idyip, hol hnungol ye yóm udélen ebélê ye, yó monen,

Amus 3:2

“Bè kdê yó kem kmuleng talak tonok tek sónen yu yóm dou nélék. Yó gónóm mon là kô gbeku du ke là tnafaku kuy bè kdê yó kem sidek gel nmò ye.”

Amus 5:13

Yó gónóm mon là bud le gudél yó kem tau hulung hedem, yakà ni du yóm kdawen alì sidek.

Mika 2:1

Hatay ye kuy, kem tau olo le beyen hlilil kifu là dog tungô matul mò yó kem sidek. Hlafusen bè yó, tódô kendel nmò ye yóm sidek deng eles natul ye yó, abay se gbek ye mò du.

Sulat Pol Ebè Yó Kem Tau Hemtahu Bè Rom 16:4

Udì duen deng le tô matay se kul lan le tmóbóng dou. Tey kdóyónu ke Dwata bè yóm któbóng le do yó. Senged snéen yóm kdéen tau là Ju le deng hemtahu bè Dwata bè ni, tey kdóyón le ke Dwata se kul.

Ifisus 5:16

Tnana ye hemlel mò du yóm hyu nim igoen tolo wen kdaw ye mò du, abay se tey dê tau mò sidek ni kmoen ni.

Dwata 28:48

Ne yó gónóm mon, angat ye nô lem hólól yó kem hohon hwit Dwata ebélê ye. Laen kô dù bud ken ye ne laen kô dù bud ninum ye ne laen se dù bud nes ye. Angat lus Dwata yó kem hohon ye mò hemsidek kuy efet ye gotu meglà.

Sulat Jim 2:13

Bè yóm angat kkukum Dwata tau, là kô nan e knodu du yóm tau tehe là knoduhen kem dumun. Okóm yóm tau tehe knoduhen kem dumuhen, laen dù knikoen bè yóm kdaw yó, abay se là kô tnafak Dwata du.