Mika 1:3 - Udél Dwata: Gna Kesfasad ne Lomi Kesfasad

³ Ngem, kól Dwata. Tebelen yóm gónón myón kmamal bè longit, mógów edini talak tonok mlan gu ta yó kem bulul.

Mika 1:3 Iomraidhean Croise

Job 40:12

Hol tenngelem lu dé ne ndaem lu elaan. Gotu ndaem lu elaan yó kem tau gel mò sidek.

Kem Lingón 115:3

Yó balà me kul, nô bè longit yóm kum Dwata, gbeken mò du kihu nóyô nmoen.

Isaya 26:21

Yakà mógówen edini Dwata lemwót gu bè yóm gónóhen nô bè longit nan e tnafak salà yó kem tau te tonok. Angat gotu hetngónen yó kem tau tehe monok là gfanen. Là bud gebnos tonok du se kun yóm tehe gónó le lembeng yó kem tau bnonok le.

Isikél 3:12

Ominen mkay do eta yóm Tulus Dwata ne gungolu yóm tey lemungkul te kwangu wen udél mung du, monen, “Hol dóyón tekuy yóm tey keklóón Dwata ditu bè yóm gónóhen nô bè longit.”

Amus 4:13

Yakà Dwata se mò kul yó kem bulul ne dmimun du yóm lenos. Ne eles gel hetngónen bè tau yóm gel hendemen. Gbeken hembaling du kifu yóm layag hlafus. Du se gel mógów ta yó kem tey bulul bè klamangen benwu. Yó boluyen, duhen yóm sana Dwata hol gónó mogot, yóm Dwata laen dù là gbeken du.

Amus 9:5

Yóm Dwata laen dù là gbeken du, baluen ke olon temdól yóm tonok, tódô mnà ne gotu le langag kdê yó kem tau nô tahen. Lemwót bè yóm linol, tódô lemnok eta yóm klamangen tonok lómón Él Nayl bè Idyip ke bangen dmunuk, ne tódô bud mnà elaan.

Hbakuk 3:19

Tendo hekgisen o yóm Dwata hol dandónen geta. Là bude tlokob, lómón yóm là ketlokob yó kem uhu ke mlóy le. Là kóe tlokob baluen ke mlane gu lem bulul. (Yóm tau gel malak sngal, yake hmung le bè yóm gel kenbit le yóm klingón le du nim ni.)

Sikaraya 14:4

Bè yóm kdaw yó, angat mdà ta Bulul Ulib Dwata, yóm bulul fi dmata kdaw Jirusalim. Ne yóm Bulul Ulib yó, tódô meskang bè gónón sóól, baling datal lamang lenwóten fi dmata kdaw kól desdef. Yóm sóól yóm bulul yó tódô mili fi bwak ne yóm sóólen tódô mili fi leged.

Dwata 32:13

Hogoten yó kem tauhen yó kem benwu gu lem bulul ne yó lowil le yó kem hulu nmò le bè yó kem tniba le. Wen tneb hkenen kul nwa le lem blóng yó kem botu lembang. Ne yó kem koyu ulib le tódô le tmowok bè yó kem lusok botu.

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”