Matyu 8:2 - Udél Dwata: Gna Kesfasad ne Lomi Kesfasad

² Wen tau gemnóm des mifù hloni ebéléen, ne tódô tuden bukolen bè soluhen, ne hkodu béléen, monen mò du, “Ó Sér, ke yó dum móyói, kaem gbekem tódô hkó du nim desu ni.”

Matyu 8:2 Iomraidhean Croise

2 Bok Kem Tau Hol Geta 5:1

Yó boluy yóm kmandér bè yó kem sendalù yóm tau hol geta bè Aram, duhen Naaman. Nim tau ni tey bong boluyen, ne tey nadat yóm tau hol geta bè Aram, abay se lemwót béléen gónó Dwata hegmò yó kem sendalù Aram bè yó kem hohon le. Tey hulung mit sfatay, bede deng mom gemnóm des mifù.

2 Bok Kem Tau Hol Geta 5:27

Lemwót bè nim nmoem ni, mili ebéléem ne bè yó kem sfuhem yóm des Naaman, ne laen dù sónen yóm kegnóm ye du.” Ominen lemwót Gihasi, tódô gnómen se yóm des Naaman, ne tódô bukay kuliten.

Lista 12:10

Tódô sen-geng Miryam se gemnóm du yóm des mifù, tódô baling tógó bukay lówóhen. Bè yóm kton Aron du yóm des mifù tódô tfeng bè lówó Miryam,

Matyu 10:8

Hkó ye des yó kem tau semlaw, ne hlowil ye ke wen tau matay. Hkó ye yó kem gemnóm des mifù, ne hdó ye bè yó kem tau lengel mata yó kem tulus seitan malak kul. Deng wen blay Dwata kuy yóm là benli ye du. Duhen yó, ke wen tau angat tnóbóng ye, bê ye abay hbayad lu.

Matyu 13:58

Lemwót bè yóm là kehtahu le du, là holen wen hentaw ton nmò Jisas bè yó.

Matyu 14:33

Yó kem dumu gel lemolò ke Jisas nô lem yóm ówóng yó, botong tud le bukol le bè soluhen, mon le, “Tahu uu se yóm Ngà Dwata.”

Matyu 15:25

Okóm tódô hegluduk bè ti Jisas yóm libun yó, monen, “Hol tnóbóngem o sen, Sér.”

Matyu 18:26

Okóm tódô na a kendel mtud bukol bè solu yóm tau hol geta yóm tau yó, monen, ‘Nam hanay kut nawam, Sér, angat gotu bnayadu he yó yóm utóngu béléem.’

Matyu 2:11

Yóm kkól le bè yó, tódô le husek elemen, ne ton le se yóm ngà lewu le Midi, yóm yéen. Uni le mton du, tódô le henmung mtud bukol klohoken ne ya tey kdóyón le du. Omin le makat yó kem kimu alì mebtes nwit le mò basa le du. Wen se tahu blówónen, ne wen se yóm alì minggel boohen boluyen insinsu ne mira.

Matyu 20:20

Timbow kogolen bè yó, mógów bè Jisas tuha libun Sibidi, mung du lewu ngaen logi. Tódô tuden bukolen bè solu Jisas, wen tô nóyô hnihen béléen.

Matyu 26:6

Bè yóm knô Jisas bè Bitani, mken bè gónô yóm sotu tau tehe gemnóm des mifù boluyen Simun.

Matyu 28:17

Timbow ton le Jisas bè yó, ya tey kdóyón le du. Okóm wen se bélê le tolo megewu nawa le du yóm deng bud klowilen.

Matyu 28:9

Bè yóm igò le mlóy, tódô senlong Jisas lu, ne monen mò kul, “Dwata he henek nawa ye.” Tódô le hloni ebéléen yó kem libun, mtud le bukol bè soluhen, ne nogot le tihen.

Matyu 4:9

Mon Seitan mò ke Jisas, “Gotu hogotu kóm yóm kdéen ni, syan ke mtudi bukol bè soluhu, ne ke béléu gónóm kmulu.”

Matyu 8:1

Timbow deng kól gu lem bulul Jisas bè yóm ktoloken ditu, tey tau bud muluk huli du.

Matyu 8:25

Tódô le mógów ebéléen yó kem gel lemolò du na le e bentik, mon le mò du, “Ó Sér, tnóbóngem mi. Hatay tekuy ni.”

Matyu 9:18

Yóm igò Jisas tolo tmulón du kul ni kem ni, wen sotu Ju wen glalen mógów ebéléen, ne tódô na a mtud bukol bè soluhen, ne monen mò du, “Ó Sér, wen yóm ngau libun deng lewaken nawan koni. Okóm holi mung do nam e nenok do anì bud mowil.”

Kun Snulat Luk 4:27

Ne bud sotuhen,” mon Jisas, “bè yóm hanà tolo kegenen du Ilisa ekni, bud sotu tau tehe gna tugod Dwata se kun, tey dê tau gemnóm du yóm des mifù lem yóm hol kun benwu bè Israél. Ewenem là hkó Ilisa du yóm kul des. Tek són Naaman hkóhen desen, yóm tau là Juhen, lemwót bè benwu Sirya.”

Kun Snulat Jan 9:38

Ne tódô mtud bukol bè solu Jisas yóm tau tehe butô yó, ne monen mò du, “Hentahuhu uu, Sér.”

Kul Nmò 10:14

Okóm mom yó balà Pitér du, monen, “Bê. Bè klawihu tau, là kô deng glemegu du yó kem yó, abay se là mólósen bè kum hlau.”

Kul Nmò 10:25

Tikóng gdek Pitér, ominen semlong du, ne tódô hegdungul bè tihen.

1 Kurin 14:25

Ne angat gotu benkasen lem blóng ye yóm kun kehedem tehe gel bunihen bè tau, ne angat tódô hegluduk, ne dóyónen Dwata, yó udélen, “Tahu nô lem blóng ye bè ni Dwata.”

Deng Hegfan 19:10

Botonge tódô hegluduk klohok tihen lanu tô dmóyón du, okóm mom yó monen mò do, “Bê. Béem nmò yó. Tódô senged kut fen gel tóbóng lówó Dwata. Dalang se yó kem dumuhem setwoli là mkó du nawa yóm ktahuhen tehe gel tolok Jisas kul. Olon Dwata dé hol dóyónem.” Yakà ktahuhen du yóm tehe tolok Jisas, yóm ktahuhen yó tehe gel htulón Dwata yó kem tugoden ekni.