Matyu 7:2 - Udél Dwata: Gna Kesfasad ne Lomi Kesfasad
2 Bè yóm gel kmò kehedeng ye yóm kul kmò kem dumu ye, bud lómón yó se angat kmò kehedeng Dwata du yóm kuy kmò. Yó se nmò ye bè yó kem dumu ye, bud yó se angat nmò Dwata bélê ye.
Deng le gotu golu elem hatay ne yó kem hohon tekuy. Deng tey wen hennagaw le ne tey wen gel snukat le, balù yóm klaen dù tau deng mnagaw bélê le ne laen dù tau smukat kul. Okóm yóm knagaw le yó ne yóm gel ksukat le wen sónen. Ne bud wen se hennagaw le bélê le ne smukat kul.
Yó udél yóm Dwata hol gónó mogot ebè yó kem tau Idom, monen, “Deng moni ne yóm dou kdaw kkukum yóm kdéen benwu là mimón do. Yóm deng nmò ye bè yó kem tau Israél, yó se bud nmou bélê ye. Angat bud huléku eta ye kdê yó kem sidek deng nmò ye bélê le.
Bud mon Jisas mò kul, “Hol hentilob ye dé hmungol du ni kem gel gungol ye ni. Ke tilob khungol ye du, Dwata se heglileb du kuy yóm lanen, ne du se angat bud temnù du bélê ye yóm deng ketngón ye.
Benlay ye kem dumu ye anì benlay Dwata yu se kuy. Tey hyu klemen du bélê ye yóm blayen kuy, nnoken elaan, kninsigen, ne hebésen. Yó se kbong yóm kuy blay, yó se bud kbong yóm blayen kuy.”
Bè yóm angat kkukum Dwata tau, là kô nan e knodu du yóm tau tehe là knoduhen kem dumun. Okóm yóm tau tehe knoduhen kem dumuhen, laen dù knikoen bè yóm kdaw yó, abay se là kô tnafak Dwata du.