Matyu 4:4 - Udél Dwata: Gna Kesfasad ne Lomi Kesfasad

⁴ Okóm yó balà Jisas du, monen, “Là kô yó du! Igoen deng mon du bè Sulat Dwata, ‘Là són du ken gónón mowil tau, okóm bè kdê yóm Udél Dwata se tahu hlowil du.’ ”

Matyu 4:4 Iomraidhean Croise

Kehewà 16:15

Bè yóm kton le du yó kem tau Israél, là kô tngón le du ke tedu yóm yó ne gotu le ssólók, mon le, “Tedum ni?” Mon Musis se mò kul, “Ni se yóm ken blay Dwata kuy mò ken ye.

Kehewà 16:35

Botong fat folò halay kegen le mken mana yó kem tau Israél efet le kól bè Kanan, yóm benwu hlós gónó le henek nô.

Kehewà 16:8

Omin Musis bud mon du mò kul, “Dwata se bemlay kuy utón bè yóm móyón kkifuhen ni kdeng ne hlafus haya wen mò ken ye balù nô kbongen yóm kuy nóyô abay se deng gungolen yóm alì ktalaw ye ebéléen. Bè yóm gel ktalaw ye bélê me, kaem bè Dwata se yóm gónó ye e tmalaw.”

Matyu 15:11

Là kóen lemwót bè yó kem kihu sungit yóm tau mit du là mólós bè Dwata. Okóm yó mit du là mólós, duhen yóm sidek kebkó gel btang bè sumóngen.”

Matyu 4:10

Bnalà Jisas se, monen, “Mdóhi bè ni, Seitan! Yakà deng monen du bè Sulat Dwata, ‘Béem tnilów Dwata yóm gónóm mogot ne són du hol nimónem.’ ”

Matyu 4:7

Bnalà Jisas se, monen, “Tahu se yóm monem yó, okóm wen sotu bud monen bè Sulat Dwata, monen, ‘Béem tnilów Dwata, yóm gónóhem mogot.’ ”

Mark 7:20

Bud mon Jisas, “Yó mit du là mólós bè Dwata yóm tau, yó kem sidek gel lemwót gu lem hendemen.

Kun Snulat Luk 4:12

Ne yó bud balà Jisas ke Seitan, monen mò du, “Tahu se, okóm bud wen sotu monen bè Sulat Dwata, yó monen, ‘Béem tnilów Dwata yóm gónóhem mogot.’ ”

Kun Snulat Luk 4:4

Okóm yó balà Jisas du, monen, “Yó monen bè Sulat Dwata, ‘Là kô són du ken gónóhen mowil tau.’”

Kun Snulat Luk 4:8

Bnalà Jisas se, monen, “Bud wen sotu monen bè Sulat Dwata, yó monen, ‘Són Dwata hol gónóhem mogot, ne són du hol nimónem.’”

Kun Snulat Jan 15:26

Bud mon Jisas, “Wen angat hógówu ebélê ye lemwót bè Mà mò tmóbóng kuy, duhen yóm Tulus Dwata. Du se angat tmolok du kuy yóm ktahuhen lemwót bè Dwata. Ne angat wen tulónen bè yóm dou kmò.

Kun Snulat Jan 6:63

Tek són yóm Tulus Dwata gembek hlowil tau. Bong yó dum lówó tau, bà udì ke wen gmoen. Kdê ni kem udélu ebélê ye ni koni, hlowilen tau abay se hono lemwót gu bè yóm Tulus Dwata.

Sulat Pol Ebè Yó Kem Tau Hemtahu Bè Rom 15:4

Ket yóm udél deng tehe hsulat Dwata, sal gel wen hdalangen tekuy lemen. Lemwót bè yóm udél Dwata gónón là mili nawa tekuy baluen ke wen mgel sut bélê tekuy. Ne bè yó gónón lemwót yóm kegduf nawa tekuy igò tekuy mangat du yóm hendón nefet nawa tekuy.

Ifisus 6:17

Yó henged sloung tók eles tendo gel sudù tekuy, duhen yóm deng kegewà tekuy. Ne yó kfilan blayen tekuy yóm Tulus Dwata, duhen yóm Udél Dwata.

Dwata 8:3

Sotu tehe tilówen kuy, hbitilen yu ominen yó wen mana blayen kuy mò ken ye, yóm ken là deng hnikót ton ye du dalang se yó kem tehe fù ye. Yó gónón mò du yóm yó mò gónó ye temngón du là olon du bè ken gónón mowil tau, okóm mowil le bè kdéen yóm udél Dwata.