Matyu 4:2 - Udél Dwata: Gna Kesfasad ne Lomi Kesfasad

² Botong fat folò buteng Jisas là mken, ya tey sidek kbitilen.

Matyu 4:2 Iomraidhean Croise

1 Bok Kem Tau Hol Geta 19:8

Tahu se, btik Ilaydya, bud mken ne minum. Lemwót bè yóm deng kkenen gónón kemgis mógów lem yóm fat folò butengen etu bè Bulul Sinay yóm bulul Dwata.

Kehewà 24:18

Omin Musis bud mneged ne tódô husek elem yóm lobun. Botong fat folò butengen nô ditu lemen. Là gomongen bè nili tsaptér 25 efet kól bè tsaptér 30. Hono hlolò Dwata ke Musis bè yóm tehe khuseken elem tum lobun ditu ta tfusù bulul gónó Dwata nô. Yó hlolò Dwata du, yóm kmò kehdà le du yóm kun Gónô ne mò kmò le du yó kem ngom nô lemen. Tulónen snéen yóm kul kmò knes yó kem tau gel blóng le ebè Dwata ne yóm kmò kehetfing le kul ebè Dwata.

Kehewà 34:28

Botong fat folò buteng yóm knô Musis bè yó bè Dwata ne là kóen mken bè yóm knóen bè yó ne là se kóen minum. Gotu snulaten bè yó kem botu kufil yó kem sfolò hlau Dwata kul bè yóm kesfasad le. Yó kem hlau yó, deng fasad yó kem tau Israél ke Dwata yóm kimón le du.

Matyu 21:18

Timbow hayahen bè yó, tódô bud temkifu Jisas mulék ebè syudad Jirusalim. Yóm tolo knóen bè lan, gnómen ne kbitilen.

Matyu 25:35

Abay se bè yóm tehe kbitilu, tódô henken ye ou. Ne bè yóm tehe kleengu, tódô hinum ye ou. Ne bè yóm tehe kilohu, tey khódó ye do.

Matyu 25:42

Abay se yóm tehe kbitilu, là kô dog henken ye do. Ne yóm tehe kleengu, là kô dog hinum ye do.

Mark 11:12

Timbow hayahen bè yó, bud le lemwót gu bè Bitani le Jisas. Yóm tolo knóen bè lan, gnómen ne kbitilen.

Kun Snulat Luk 4:2

Botong fat folò butengen yóm knóen ditu, ne là kóen skó yóm tendo tô ktilów Seitan du. Bè yóm knô Jisas ditu yó, là kóen dog mken, ngangen efet deng tey sidek kbitilen bè yóm hol són kdawen bè yó.

Kun Snulat Jan 4:6

Bè yó gónóhen nô yóm kokol tehe Jakub. Nan slob hegnô bè yó Jisas bè yóm kokol yó, abay se alì sidek klitegen bè yóm kógówen. Deng gtungu ne kdaw yóm kkólen bè yó.

Dwata 18:18

Angat wen tau mò tugodu hwitu elem blóng le lemwót bè kul kwen ne yóm kun nmò hol skél bè yóm kóm nmò. Angat tulónu yóm tugodu yó yóm mò angat monen ne angat gotu tulónen yó kem tau Israél yó kem dou hlau kul.

Dwata 9:18

Ominen yó, bude mneged ebè Dwata ne fat folò butengu lemfen bè soluhen, balù udì ke mkene duhen ke minume. Yó gónóhu mò du yóm yó lemwót bè yóm deng kegsalà ye bè yóm kmò ye du yóm kenbê Dwata ne deng mom hebut ye Dwata.

Dwata 9:25

Yó gónóm mon, botong tehe fat folò butengu lemfen bè solu Dwata abay se deng tulón Dwata dou, deng eles hendemen ne yóm keglaen kuy.

Dwata 9:9

Yó se yóm kdaw tehe knóu ta Bulul Sinay bè yóm naw e kangay yó kem botu kufil gónó Dwata smulat yó kem hlauhen kuy, yóm deng senfasad ye Dwata. Botong fat folò butengu nô bè yó, balù udì ke mkene duhen ke minume.