Matyu 3:1 - Udél Dwata: Gna Kesfasad ne Lomi Kesfasad

¹ Bè yóm kdaw yó, sut yóm sotu tau boluyen Jan gel mabtays ditu bè yóm benwu laen hol tau menwu du bè prubinsya Judiya. Yó nmoen, gel hetngónen yóm Udél Dwata bè yó kem tau, yó monen mò kul,

Matyu 3:1 Iomraidhean Croise

1 Bok Kem Tau Hol Geta 2:34

Tahu se, bud mógów ebè yóm Gónô Dwata gel nit mógów Binaya, ne hnatayen Juab ne lebeng le bè benwuhen bè yóm benwu laen hol wen tauhen.

Matyu 11:11

Tódô tulónu kuy ktahuhen,” mon Jisas, “laen dù tau talak tonok ke geta senta Jan. Okóm ke deng kól yóm kdaw kogot Dwata tau, balù yó he kem tau alì glaan bè kdéen tau nogot Dwata, angat geta senta Jan.

Matyu 11:7

Kogol yóm kulék le gu bè Jisas yó kem tau hógów Jan yó, omin Jisas tmulón ke Jan lem blóng yó kem tey tau sbung, monen, “Bè yóm tehe gel kógów ye ebè Jan bè yóm benwu laen hol tau menwu du, tedu se yóm tô nóyô hnebel mata ye béléen du? Yóm bnes tendo mung mgafil bè lenos kô? Là kô yó du.

Matyu 16:14

Mon le se, “Wen se mon du, Jan kun yóm tehe mabtays. Mon kem dumu, Ilaydya kun. Sotu tô kmon le du, Jirimaya kun, duhen ke wen bè yó kem dumu tugod Dwata ekni.”

Matyu 21:32

Ngem yó dém le ksut Jan lem blóng ye yóm tau gel mabtays. Tey kehetngónen du kuy yóm lan hyu bélê ye, okóm là kô ye dog himón. Deng mom yó mimón du yó kem tau gel mtuk bwis ne yó kem libun hdóyón. Igò ye sem deng gotu mton du nim ni, ewenem là kô tenles ye du kehedem ye, là kô dog hentahu ye du yóm gel tulón Jan kuy.”

Matyu 3:8

Ke deng knogol ye yó kem sidek gel nmò ye, hol hdilô ye bè kmò ye dé.

Mark 1:15

Yó gel tulónen, monen, “Ni se deng bang kgefeten yóm kuy kdaw. Móyónen hto ne yóm buteng Dwata mogot tau. Hegsel ye ne, knogol ye lu ne yó kem sidek gel nmò ye, ne hol hentahu ye yóm Tulón Hyu lemwót bè Dwata.”

Mark 1:2

Yó buten nim Tulón Hyu ni, duhen yóm tehe snulat Isaya ekni, yóm sotu tehe gna tugod Dwata, yó monen, “Yó udél Dwata ebè yóm Ngaen, monen, ‘Wen hógówu tukô gna kóm mò eles hemgifat yóm angat lanem.’

Kun Snulat Luk 1:76

Ne omin Sekariya mudél ebè yóm ngaen, monen, “Ne uu, ngà, angat boluy le kóm kun tugod yóm Dwata alì geta bè kdéen. Uu se yóm fen eles tukô gna yóm gónó tekuy mogot mò fen hemtifes yóm lan angat loloen.

Kun Snulat Luk 7:24

Kogol yóm kulék le gu bè Jisas yó kem tau hógów Jan yó, omin Jisas tmulón ke Jan lem blóng yó kem tey tau sbung, monen, “Bè yóm tehe gel kógów ye ebè Jan bè yóm benwu laen dù tau menwu du, tedu se tô nóyô hnebel mata ye du? Yóm bnes tendo mung mgafil bè lenos kô? Là kô yó du.