Matyu 2:4 - Udél Dwata: Gna Kesfasad ne Lomi Kesfasad

⁴ Omin Hirod gotu semtifun yó kem tau geta bè yó kem gel demsù ebè Dwata ne yó kem tau gel tmolok hlau, snólóken bélê le, monen, “Benwu du de gónóhen seblà sut yóm Misaya, yóm deng kun nélék Dwata?”

Matyu 2:4 Iomraidhean Croise

2 Tutul Israél 34:13

Lu gónón gsigang yó kem tau wen kenhulung le bè yó kem dê kay nmò. Ne yó kem dumu fen tmóbóng smulat, ne fen genlal bélê le, ne fen mentey bè bak tikeb yóm Gónô Dwata.

2 Tutul Israél 34:15

Yó mon Hilkaya mò ke Syafan yóm tau fen gel smulat, “Deng tonu yóm Bok Hlau lem Gónô Dwata.” Omin Hilkaya bemlay du ke Syafan yóm bok yó.

2 Tutul Israél 36:14

Lelen yó he, lemwót yó kem geta bè yó kem gel blóng ebè Dwata dalang se yó kem tau, là kô le bud hteneb lemolò ke Dwata yóm kdê le. Deng mom lolò le yó kem sidek alì kenbê gel nmò yó kem tau hmilol kul bè yóm klolò le yóm kul dwata. Bè yóm kmò le du yóm yó, deng mom nmò le yóm là mólósen lem yóm Gónô Dwata bè Jirusalim yóm Gónô deng tehe hfólós Dwata mò kun.

Isra 7:6

Nim Isra ni, tey temngón, gotu tngónen yóm kdê hlau tehe hsulat Dwata ke Musis, yóm hlau yóm kul Dwata yó kem tau Israél. Lemwót bè yóm któbóngen ke Isra yóm sana kun Dwata hol gónó mogot, tódô gotu blay Artasérksis du yó kem kdê hnihen wen muhen du bè yóm kuléken ebè Jirusalim. Bè yóm ghituhen halay mogot benwu Artasérksis, kewót Isra bè yó bè Babilun mógów ebè Jirusalim mung du yó kem dumu tau Israél. Wen kem tau gel blóng ebè Dwata mung du ne wen se kem sfu Libay ne yó kem tau gel semngal lem Gónô Dwata ne yó kem tau fen gel mentey bè Gónô Dwata ne yó kem tau gel mò nmò lemen, gotu le mung ke Isra ebè Jirusalim.

Kem Lingón 2:2

Ne yó kem tau hol geta bélê le, deng le eles htigel mit sgida. Ne natù le Dwata ne yóm tau hol geta deng néléken.

Malakay 2:7

Yó kem tau gel blóng ebéléu, hyu ke hol tngón le yóm dou kóyô ne ke hol tolok le bè yó kem tau. Ke wen tau móyô temngón du yóm hlau Dwata bélê le gónón smólók, abay se lu hógów yóm Dwata laen dù là gbeken du.

Matyu 13:52

Bud mon Jisas, “Yóm tau gel tmolok hlau gnan, ke deng gfi bè kogot Dwata tau, hol lómón ke du yóm tau wen kimu labihen, ne wen kimu lomihen deng denfélen bè gónóen mò gónóhen gel ma yóm wen muhen du.”

Matyu 2:3

Mung kungol Hirod du yóm mon le yó, ya tey ktafa nawan, ne senged se yó kem dumu tau bè Jirusalim, gbót tafa nawa le se kul.

Matyu 2:5

Mon le se mò du, “Bè Bitlihim gónóhen angat sut, yóm sotu benwu udì bè prubinsya Judiya. Yakà deng wen yóm tehe snulat yóm sotu tehe gna tugod Dwata ekni, yóm monen,

Matyu 21:15

Okóm yó kem geta bè yó kem gel demsù ebè Dwata ne yó kem gel tmolok hlau, gotu le mom lembut bè yóm kton le yó kem hentaw ton nmò Jisas ne bè yóm kungol le yó kem ngà tendo dmóyón du bè yó lem Gónô Dwata. Yó tendo mon le, “Hol dóyón tekuy dé yóm sfu yóm tehe Dabid.”

Matyu 21:23

Bud mulék ebè Gónô Dwata Jisas. Yóm igoen tolo tmolok bè yó, sut le béléen yó kem geta bè yó kem gel demsù ebè Dwata ne yó kem tuha gónó le gel galak, mon le mò ke Jisas, “Wen kô kwalisem mò du ni kem deng nmoem bè ni? Tau du se bemlay kóm kwalis mò du?”

Matyu 26:3

Bong yó kem geta bè yó kem gel demsù ebè Dwata kkólen bè yó kem tuha gónó le gel galak yó kem Ju, gotu le stifun bè gónô bong Kyafas, yóm tau geta bè yó kem gel demsù ebè Dwata.

Matyu 26:47

Igò Jisas tolo mudél, gdofì bè yó se Judas, yóm sotu bè yó kem sfolò lewu gel lemolò du. Tey tau wen huli du. Wen se lemumak sudeng bélê le, ne wen se kmulóng bogul. Lu se yó kem tau hógów yó kem geta gel demsù ebè Dwata ne yó kem tuha gónó le gel galak yó kem Ju.

Matyu 27:1

Timbow deng mwas bè yó, gotu le stifun yó kem geta bè yó kem gel demsù ebè Dwata ne yó kem tuha gónó le gel galak yó kem Ju, sensatul le yóm kmò khatay le ke Jisas.

Matyu 7:29

abay se là mkélen bè yóm kul ktolok yó kem tau gel tmolok hlau bélê le. Alì mfasang yóm kun ktolok Jisas.

Mark 8:31

Nbuten bè yó ne tendo ktolok Jisas yó kem gel lemolò du, monen mò kul, “Là kô gbeken du ke là nan na hol glayam yóm Ngà Tau. Angat senkbê yó kem tuha gónó tekuy gel galak, ne yó kem tau hol geta gel demsù ebè Dwata, dalang se yó kem tau gel tmolok hlau. Ngang le mò du efet hfatay le. Okóm angat bud hlowil Dwata bè yóm getluhen kdaw.”

Kun Snulat Luk 20:19

Tódô tngón yó kem tau gel tmolok hlau ne yó kem geta bè yó kem tau gel demsù ebè Dwata yóm kegbaken ebélê le yóm hningón Jisas yó. Ne tódô tô kendel kenfô le bè yó, okóm knikò le yó kem dumu tau.

Kun Snulat Luk 23:10

Ya tey dê tifù le du yó kem geta gel demsù ebè Dwata ne yó kem tau gel tmolok hlau.

Kun Snulat Jan 18:3

Ne tódô lemwót se Judas mógów ebè yó, nalaken yó kem tey sendalù wen, hono tau lemwót bè Rom. Mung kul yó kem tau gel mentey bè Gónô Dwata hógów yó kem tau hol geta bè yó kem gel demsù ebè Dwata ne yó kem Farisi. Gotu le mit ngom sfatay, ne bud le mit solok.

Kun Snulat Jan 3:10

Bnalà Jisas se, monen, “Igoem sem tau hulung tmolok yó kem dumum tau Israél du, moem là temngón du ni kem monu mò kóm ni?

Kun Snulat Jan 7:32

Timbow gungol yó kem Farisi yóm kesboyong le gbak ebè Jisas yó kem tey tau wen, omin le stulón bè yó kem tau hol geta bè yó kem gel demsù ebè Dwata, ne hógów le yó kem tau gel mentey bè Gónô Dwata na le e hekfô kul Jisas.

Kun Snulat Jan 8:3

Bè yóm ktolok Jisas yó, wen libun gafit le mdà yehen nwit le ebè yó yó kem tau tmolok hlau ne yó kem Farisi. Hdà le bè yó lem blóng yó kem tey tau wen.

Kul Nmò 23:9

Ngang le mò du yóm skuya mon yó koni efet le mom gotu sefetê. Ominen wen bè yó kem Farisi gel tmolok hlau mdà lem blóng le, ne hgel le udél le, mon le, “Laen dù salà ton me béléen nim tau ni” mò ke Pol. “Déke wen tahu hógów Dwata gu bè longit stulón du, duhen ke wen dumu nmò Dwata mò lanen stulón du.”

Kul Nmò 4:5

Timbow hayahen bè yó, gotu le stifun yó kem tau malak bè Jirusalim, dalang se yó kem tuha bélê le, ne yó kem tau gel tmolok hlau.

Kul Nmò 6:12

Yó gónó le mò du yóm yó mò lan le hesbeweg yó kem tau, ne yó kem tuha gónó le gel galak, dalang se yó kem tau gel tmolok hlau. Tódô kenfô le Stéfén, ne nwit le ebè yó kem tau hol geta mogot kukum.