Matyu 2:2 - Udél Dwata: Gna Kesfasad ne Lomi Kesfasad

² “Gónóhen seblà sut de yóm ngà mò angat geta bè yó kem Ju? Deng ton me gu ditu bélê me yóm blotik mò ilô yóm ksuten. Nim nógów me ni, na me e hnódó.”

Matyu 2:2 Iomraidhean Croise

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

Kem Lingón 45:11

Yakà dengen gbóy bè ktilobem yóm tau hol geta. Hol nadatem, yakà du se gónóhem mogot.

Isaya 60:3

Lemwót bè yóm keslinangem yó, yó gónó le hloni ebéléem yó kem dumu benwu. Gotu le hloni se kul yó kem tau hol geta mogot kul bè yóm kdaw bud kehgulék Dwata klowilem.

Jirimaya 23:5

Yó bud udél Dwata, monen, “Angat kól yóm kdawen wen tau hol geta néléku lemwót bè ból Dabid, tey tau tedeng kmoen. Yó angat taba le du, Hanga Tedeng. Yóm tau hol geta angat néléku yó, tey hulung bè yóm kogoten tau ne hono tedeng yóm gel nmoen bè klamang yóm benwu knamalen.

Jirimaya 30:9

Yakà ou du ne lolò le yóm sana kul Dwata hol gónó mogot ne sfu Dabid yóm angat geta bélê le yóm tau deng néléku.

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

Lista 24:17

Tódóe mugod igou tolo temngel. Tódô htonen do yóm mò kmoen elem hulin kdaw. Tódô eles gmatahu yó kem tau Israél. Angat wen tau hol geta bélê le kun lemwót bè kul ból hol lómón keslinangen yóm blotik alì mnóng, wen tey kegbeken. Angat genlaen yó kem tau bè benwu Muab ne gomong genlaen yó kem tau Sét.

Matyu 2:3

Mung kungol Hirod du yóm mon le yó, ya tey ktafa nawan, ne senged se yó kem dumu tau bè Jirusalim, gbót tafa nawa le se kul.

Matyu 21:5

“Hol tulón ye yó kem tau menwu bè Sayun, mon ye, Ngem deng sut yóm tau hol geta bélê ye, tau là kóen hegeta knô, smakay asnu. Snakayen yóm nati asnu.”

Matyu 27:11

Lemwót ke Jisas, nit le ebè solu Paylét, yóm tau lemwót bè Rom gubérnor bélê le. Snólók Paylét Jisas, monen, “Uu kô tau hol geta bè yó kem Ju?” Mon Jisas se, “Yó sii deng monem.”

Kun Snulat Luk 19:38

Mon le, “Hol dóyón tekuy nim tau hol geta deng hógów Dwata. Deng tekuy ssotu ebéléen. Hol dóyón tekuy yóm Dwata nô bè longit.”

Kun Snulat Luk 2:11

Deng sut kifu ni bè benwu yóm tehe Dabid yóm tau angat lemwà kuy gu lem hatay. Du se Krays, yóm gónó ye mogot.

Kun Snulat Luk 23:3

Snólók Paylét Jisas, monen, “Uu kô yóm tau hol geta bè yó kem Ju?” Ne bnalà Jisas, monen, “Duhen yó sem deng monem yó.”

Kun Snulat Luk 23:38

Hyu wen se snulat le dket le senta kuluhen, yó monen, “Ni se yóm tau hol geta bè yó kem Ju.”

Kun Snulat Jan 1:49

Mon Natanyél se, “Tahu, Sér, uu se yóm Ngà Dwata. Uu se yóm tau hol geta bè yó kem tau Israél.”

Kun Snulat Jan 12:13

Gotu le ma doun twok mò nit le semlong ke Jisas. Gotu le mensag, mon le, “Hol dóyón tekuy dé Dwata. Dwata he hol tmóbóng du yóm tau deng hógówen ni. Dwata he hol muyag du yóm tau hol geta bélê tekuy kem tau Israél.”Ne wen ton Jisas yóm sotu kay kudà boluyen asnu, ne nyónen. Yó se deng gónón dohò yóm tehe mon Dwata bè Sulaten, yóm monen,

Kun Snulat Jan 18:37

Mon Paylét se, “Ke lómón se yó, tauhi hol geta kô?” Bud mon Jisas se, “Tahu se yóm monem yó, tauhe hol geta. Yó se gónóhu sut lem benwu ne hbaling tau anì naw e tulón yóm hol ktahuhen. Yó se tau móyô lemolò yóm ktahuhen, yó se yóm tau móyô hmungol yóm dou tulón.”

Kun Snulat Jan 19:19

Wen snulat Paylét dket le senta kulu Jisas bè yóm kros. Yó snulaten, monen, “Jisas lemwót bè Nasarit, Tau Hol Geta bè yó kem Ju.”

Kun Snulat Jan 20:28

Mon Tumas se, “Tahu se. Uu se hol gónóhu mogot. Uu se hol dou Dwata.”

Kun Snulat Jan 5:23

anì kdéen tau gotu madat yóm Ngaen lómón se yóm kadat le ke Maen. Yó se tau là madat du yóm Ngà, là se kô nadaten du yóm Maen, yóm hógów du.

Kun Snulat Jan 9:38

Ne tódô mtud bukol bè solu Jisas yóm tau tehe butô yó, ne monen mò du, “Hentahuhu uu, Sér.”

Hibru 1:6

Ne bè yóm tehe khógów Dwata yóm Ngaen elem benwu, yó udélen, monen, “Yake hol gel dóyón yó kem gel hógówu gu bè longit.”

Deng Hegfan 22:16

“Ou se Jisas. Deng wen hógówu ebéléem lemwót gu bè longit mò heglalag du bélê ye bè simbahan ni kem ni. Ou se semfu gu bè yóm tehe Dabid, ne ou se yóm blotik semla alì mnóng ke móyón mwas.”