Matyu 2:1 - Udél Dwata: Gna Kesfasad ne Lomi Kesfasad

¹ Bè Bitlihim tehe gónó Jisas sut, yóm sotu benwu udì bè prubinsya Judiya. Bè yóm kdaw yó, Hirod yóm tau hol geta bè yó. Timbow deng malù legen udì yóm ksut Jisas, wen kem tau hulung hménég blotik gdek bè syudad Jirusalim, lemwót le fi gu dmata kdaw. Wen snólók le bè yó kem tau bè yó, mon le,

Matyu 2:1 Iomraidhean Croise

Tekang Kbuten 25:6

Okóm bè yóm tolo klowilen, wen se blayen bè yó kem dumu ngaen bè yó kem dumu yehenen boluy le Hagar ne Kitura. Yó kem ngaen bè Kitura, fen hbenwuhen lu bè yóm benwu fi dmata kdaw, hlayuken lu bè yóm ngaen Isak.

Tekang Kbuten 41:8

Timbow hlafus bè yó, sónmoen tafa nawahen. Yó nmoen, gotu hangayen yóm kdéen tau demwata bè klamangen Idyip ne yó kem tau hulung tmulón lan kna. Gotu tulónen kul yó kem knahen okóm balù sotu bélê le ke gembek tmulón du lan yó kem knahen yó.

Tekang Kbuten 49:10

Yóm tuged gel nogot yóm tau hol geta mò ilô yóm kfasangen mogot tau, là kóen lana bè kun ból Juda efet kól yóm sotu sfuhen hol mfun du mogot yóm klamangen. Bè yóm kkólen, gotu nimón yó kem tau bè klamangen benwu.

1 Bok Kem Tau Hol Geta 4:30

Yóm khulung Selumun hedem, hol mkay senta yóm kdê tau temngón fi dmata kdaw ne kem tau temngón bè Idyip.

Job 1:3

Botong hitu libu ubihahen ne tlu libu kamélen ne lemibu safien ne limu latu kudà asnu libunen. Tey wen kem tau mò nmò béléen. Bè ktahuhen, bè kdê yó kem tau menwu fi dmata kdaw, du se yóm alì wen kendengenen bélê le.

Mika 5:2

Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

Matyu 1:25

Okóm song sentungóen, deng sut yóm ngaen logi. Ne yó boluy Jusif du Jisas.

Matyu 2:16

Timbow dilô Hirod yóm deng kegsukaten bè yó kem tau hulung hménég kógów blotik, ya tey sidek kebuten. Yó nmoen, gotu hfatayen kdéen ngà logi tolo udì bè Bitlihim ne yó kem dumu benwu hmilol bè yó. Lemwót bè yóm ngà logi tolo hulô efet kól bè yóm ngà logi deng lewu halayen, gotu hfatayen lu. Deng eles nsóhen yóm deng kegenen sut yóm blotik lemwót bè yóm ktulón le du du yó kem tau hulung hménég kógów blotik.

Matyu 2:19

Timbow deng matay Hirod, wen bud hógów Dwata gu bè longit na a hegfan bè kna Jusif ditu bè Idyip, monen mò du,

Matyu 2:3

Mung kungol Hirod du yóm mon le yó, ya tey ktafa nawan, ne senged se yó kem dumu tau bè Jirusalim, gbót tafa nawa le se kul.

Matyu 2:5

Mon le se mò du, “Bè Bitlihim gónóhen angat sut, yóm sotu benwu udì bè prubinsya Judiya. Yakà deng wen yóm tehe snulat yóm sotu tehe gna tugod Dwata ekni, yóm monen,

Matyu 2:7

Bè yóm kungol Hirod du yóm tehe hsulat Dwata yó, ominen lemifut tminok yó kem tau hulung hménég blotik yó koni, snólóken bélê le yóm kdaw kegfanen bélê le yóm blotik ton le yó.

Kun Snulat Luk 1:5

Tehe hanà kegenen du Hirod ekni, yóm tau hol geta bè Judiya, wen sotu tau gel demsù ebè Dwata boluyen Sekariya. Nim tau ni, semfu gu bè yóm sotu tau tehe gel demsù ebè Dwata boluyen Abidya. Yó boluy yehenen, Ilisabét, libun semfu gu bè yó kem tau gel demsù ebè Dwata snéen kun.

Kun Snulat Luk 2:11

Deng sut kifu ni bè benwu yóm tehe Dabid yóm tau angat lemwà kuy gu lem hatay. Du se Krays, yóm gónó ye mogot.

Kun Snulat Luk 2:15

Tikóng le deng mulék ebè longit yó kem hógów Dwata yó, omin le stulón yó kem tau semgyok ubiha, mon le, “Lemwót tekuy ne ebè Bitlihim, na tekuy e tenngel yóm deng hetngónen tekuy yóm gónó tekuy mogot.”

Kun Snulat Jan 7:42

Deng monen bè Sulat Dwata, semfu gu bè yóm tehe Dabid ne bè Bitlihim gónón sut, bè yóm tehe kun benwu Dabid.”Tey wen kesgólól nawa le yó kem tey tau wen bè yó, abay se là ssotu kehedem le ebè Jisas.