Matyu 13:3 - Udél Dwata: Gna Kesfasad ne Lomi Kesfasad

³ Tey dê tulónen kul, bede sal hlanen bè hlingón, monen, “Wen sotu tau nan e sohul bnéken bè dnaduhen.

Matyu 13:3 Iomraidhean Croise

Kem Lingón 49:4

Yó kmò ktulónu du kuy, leningónu bélê ye. Bud heglilebu kuy se yóm lanen bè yóm igou kembit du nim ni.

Kem Lingón 78:2

Yakà hlanu du bè hlingón yó kem tulónu kuy. Tulónu kuy yóm gebnos bélê tekuy là sekna,

Isikél 17:2

“Ó Tau Tonok, tulónem yó kem tau Israél nim hlingón nii.

Mika 2:4

Bè yóm kdaw yó, angat senkuli le yu yó kem hohon ye ne utóm le lingón yóm deng gfà ye, mon le, “Deng me gotu sulék meglà. Deng gotu nwa Dwata tonok me. Yó kem dnadu me, deng gotu blayen ebè yó kem tau megef kum.”

Hbakuk 2:6

Okóm angat kól yóm kdawen tey sidek udél le ebélê le yó kem tau tehe negef le yó, mon le mò kul, ‘Hatay ye kuy kem tau ma yóm sundu kul du. Hatay ye kuy kem tau wen kendengen ye lemwót bè kgaga ye yó kem tau mutóng bélê ye. Kegenen de tendo bud kmò ye du yóm yó?’

Matyu 13:4

Bè yóm ksohulen du, wen se temsik ebè lan, ne sut yó kem onuk koyu, ne tódô gotu tnukô le.

Matyu 13:53

Timbow deng gotu deng ktulón Jisas du kul ni kem gel hningónen ni, ominen lemwót bè yóm benwu yó, bud mulék ebè hol kun benwu.

Matyu 22:1

Bud wen tulón Jisas kul hlanen bè hlingón, monen,

Matyu 24:32

“Tódô henkna ye bè yóm koyu fig,” mon Jisas. “Sok tmubed ne nbuten mból dounen, ayawen sut bulónen mnóng kdaw.

Mark 12:1

Ne bud mudél Jisas ebè yó kem tau, bede bud hningónen, monen, “Wen sotu tau lamang grép huluhen ne lenabaten gu hilolen. Ne ominen mò yóm angat gónó le kemmes élen. Ne nmoen snéen yóm gónô geta mò gónó le gel nô yó kem tau mentey du. Ne mdengen se kem tau hogoten du yóm huluhen yó, ominen lemwót milo ebè yóm sotu benwu.

Mark 12:12

Tódô tngón yó kem tau gónó le galak yó kem Ju yóm kegbaken ebélê le yóm deng hningón Jisas yó. Yó nmò le, tódô tô kendel kenfô le, okóm likò le yó kem tey tau wen sbung bè yó. Tódô sentagak le Jisas bè yó, ne mulék le.

Mark 3:23

Okóm tnaba Jisas yó kem tau mudél yó koni, wen monen mò kul, bede hningónen, monen, “Ke tahu Seitan se malak do, là kô nan e hdó kul yó kem dumuhen busaw.

Mark 4:13

Ne bud mon Jisas mò kul, “Là tngón ye du kô lanen yóm hningónu yó koni bè yóm tau smohul? Ke là tngón ye du yóm yó, tedu tô kmò ketngón ye du du yó kem dumu gel hningónu?

Mark 4:33

Yóm gel ktolok Jisas, tey dê hlingón nmoen bélê le. Tódô toloken kul yóm bang kul getnef.

Kun Snulat Luk 12:41

Bè yóm kungol le du nim tulón Jisas ni, mudél ebè Jisas Pitér, monen, “Ebélê me kô, Sér, gónón e gbak nim henfengem ni, duhen ke ebè kdéen tau?”

Kun Snulat Luk 8:10

Bnalà Jisas se, monen, “Wen yóm là heglileb Dwata du bè kem dumu tau bè yóm kmò kogoten tau, okóm deng heglileben kuy. Bè yóm gel ktulónu du bè dumu tau, gel hningónu, abay se bè yóm kton le du, là kô dog dilô le du. Ne bè yóm kungol le du, là kô na le e glileb du.”

Kun Snulat Jan 16:25

Ne yó bud mon Jisas mò yó kem gel lemolò du, monen, “Ni kem tulónu kuy ni, sal gel hningónu. Okóm angat wen kdawen, là kô bud hningónu du yó kem toloku kuy. Tódô benkasu bélê ye yóm tulón lemwót gu bè Mà.