Matyu 12:3 - Udél Dwata: Gna Kesfasad ne Lomi Kesfasad

³ Bnalà Jisas lu, monen, “Deng hónô senfala ye yóm tehe nmò Dabid ne yó kem kun tau bè yóm tehe kbitil le.

Matyu 12:3 Iomraidhean Croise

Matyu 12:2

Timbow ton yó kem Farisi, mon le mò ke Jisas, “Tenngelem dé yó kem gel lemolò kóm, deng mom nulé le yóm hlau tekuy bè yóm Kdaw Kehegnô yóm nmò le yó.”

Matyu 12:4

Tódô husek bè Gónô Dwata Dabid, ne nwahen yóm mambang deng blay le ebè Dwata, ne ominen mken du dalang se yó kem kun tau. Blaem bè yóm hlau tekuy, là kóen hyu kken tau hkawang du yóm mambang yó, tek són yó kem gel demsù ebè Dwata gel mken du. Ewenem, là kô duón Dwata du kul yóm kken le du.

Matyu 12:5

Ne sotun,” mon Jisas, “deng hónô senfala ye snéen bè yóm tehe snulat Musis gbak ebè yó kem tau gel demsù ebè Dwata. Bè yóm Kdaw Kehegnô, tódô henlel le mò nmò bè Gónô Dwata se kul, okóm là se kô duón Dwata du kul.

Matyu 19:4

Bnalà Jisas lu, monen, “Deng hónô senfala ye yóm monen bè Sulat Dwata. Bè yóm hol kbuten nmò Dwata yóm tau, logi ne libun.

Matyu 21:16

Mudél le ebè Jisas yó kem tau lembut du yó koni, mon le, “Gungolem kô udél tu kem ngà?” Mon Jisas se, “Gungolu se.” Ne bud monen, “Là deng gesfala ye du kô yóm sotu tulónen bè Sulat Dwata, yóm monen, ‘Ó Dwata, balù yó kem ngà kólen bè yó kem ngà tolo hebón, deng tolokem lu anì hol tódô yóm kdóyón le kóm.’ ”

Matyu 22:31

Ne bè yóm snólók ye bè angat bud klowil tau, là deng gesfala ye du kô yóm tehe tulón Dwata kuy bè Sulaten? Yóm monen,

Mark 12:10

Omin Jisas bud mon du mò kul, “Deng hónô senfala ye se yóm tehe monen bè Sulat Dwata, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem, yó se yóm hol tahu botu mò hembegel yóm gónô hdà le.

Mark 12:26

Ne bè yóm snólók ye bè yóm angat bud klowil tau gu lem hatay,” mon Jisas, “là deng gesfala ye du kô yóm tehe hsulat Dwata ke Musis, yóm tehe kehlingu Dwata béléen bè dilóf ofi bè yóm sotu ngà koyu lefungu? Yó udél Dwata ebéléen gu lem tum dilóf, monen, ‘Ou se sana kul Dwata le Abraham ne Isak ne Jakub.’ Bè yóm udél Dwata yó,” mon Jisas, “gónó ye temngón du yóm deng bud klowil Dwata kul. Abay se yóm Dwata, du se Dwata yó kem mowil, là bè yó du kem là mowilen. Tey salà kehedem ye du.

Kun Snulat Luk 10:26

Bnalà Jisas se, monen, “Tedu de yóm monen bè Sulat Dwata? Tedu de kmò ketngónem du?”

Kun Snulat Luk 6:3

Fen bnalà Jisas lu, monen, “Deng hónô senfala ye yóm tehe nmò Dabid ne yó kem tauhen bè yóm tehe kbitil le.