Matyu 11:3 - Udél Dwata: Gna Kesfasad ne Lomi Kesfasad3 anì snólók le béléen ke deng duhen du ne yóm tau hógów Dwata tehe gel tulónen, duhen ke na le na nangat he? Faic an caibideil |
Okóm kogolen bè yó angat le bud semfulék ebè yóm sana kul Dwata hol gónó mogot yó kem tau Israél. Bud le semfulék ebè yóm tau sfu Dabid mò mogot kul. Lemwót bè yóm tey klikò le ke Dwata, angat tódô setbol kkel le bè yóm bud kesfulék le ebéléen, bede angat guta le yó kem hyu angat tóbóngen kul elem hulin kdaw.
Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”
Okóm bélê ye kuy kem tau wen klikò ye do, wen gónóhu tmóbóng kuy. Angat nwitu elem blóng ye yóm kukum tedeng. Yó angat kmoen bélê ye, lómón ke kdaw mnóng ebélê ye mò hkó des ye. Angat ye hligal abay se laen dù bud gónó ye gfét, lómó kligal ye lómón yóm ngà safì laen dù bud féten, hligal mlóy ne hkak.
Tódóe mugod igou tolo temngel. Tódô htonen do yóm mò kmoen elem hulin kdaw. Tódô eles gmatahu yó kem tau Israél. Angat wen tau hol geta bélê le kun lemwót bè kul ból hol lómón keslinangen yóm blotik alì mnóng, wen tey kegbeken. Angat genlaen yó kem tau bè benwu Muab ne gomong genlaen yó kem tau Sét.
Gotu le ma doun twok mò nit le semlong ke Jisas. Gotu le mensag, mon le, “Hol dóyón tekuy dé Dwata. Dwata he hol tmóbóng du yóm tau deng hógówen ni. Dwata he hol muyag du yóm tau hol geta bélê tekuy kem tau Israél.”Ne wen ton Jisas yóm sotu kay kudà boluyen asnu, ne nyónen. Yó se deng gónón dohò yóm tehe mon Dwata bè Sulaten, yóm monen,