Matyu 10:3 - Udél Dwata: Gna Kesfasad ne Lomi Kesfasad

³ Omin le Filip ne Bartulumyu, ne Tumas, ne Matyu yóm tau gel mtuk bwis. Ne yóm sotu Jim ngà Elfiyus, ne Tediyus,

Matyu 10:3 Iomraidhean Croise

Matyu 18:17

Okóm ke là dog hnungolen kul, tódô gotu tulón ye yóm kdéen bè gónó le gel stifun yó kem Ju. Okóm ke là dogen hmungol balù yóm deng kwit ye du bè gónó le gel stifun yó kem Ju, hol lómón kmò ye ebéléen, lómón yóm kmò ye ebè yó kem tau là hemtahuhen bè Dwata, ne bè yó kem dumu tau gemsalà.”

Matyu 27:56

Mung kul se yóm Midi lemwót gu bè Megdala, ne yóm sotu Midi, Yê Jim ne Jusif, ne mung kul snéen yehen Sibidi.

Matyu 9:9

Bud kewót Jisas bè yó, tódô tonen yóm sotu tau fen gel mtuk bwis boluyen Matyu, myón bè fsinaen. Bè yóm kton Jisas du, tódô monen mò du, “Ó Wè, loloem o.” Ne tahu se, mung kdà Matyu bè yó, loloen Jisas.

Mark 15:40

Wen se kem libun nô bè yó, olo le temngel mayuk. Mung kul se yóm Midi lemwót bè Megdala, ne yóm sotu Midi yê yóm sotu Jim yóm gel mon le twoli, ne Jusif ne yóm sotu libun boluyen Selumi.

Mark 2:14

Tikóng bud hlós bè yó, tonen yóm sotu tau fen gel mtuk bwis boluyen Libay, ngà Alfiyus, myón bè fsinaen. Bè yóm kton Jisas du, tódô monen mò du, “Ó Wè Libay, loloem ou.” Ne tahu se, tódô lemwót Libay, loloen Jisas.

Mark 3:18

Ne Andru ne Filip ne Bartulumyu ne Matyu ne Tumas ne yóm sotu Jim ngà Alfiyus ne Tadiyus ne yóm sotu Simun, yóm tau tehe mung mofin yóm kul benwu

Kun Snulat Luk 18:10

“Wen lewu tau mógów ebè Gónô Dwata na le e mni bè Dwata bè yó. Farisi yóm sotu, ne yóm sotuhen, tau fen gel mtuk bwis.

Kun Snulat Luk 18:11

Tódô mdà yóm Farisi yó tek sotuhen, ne mni bè Dwata, monen, ‘Tey hyu nawahu dou, Dwata, abay se là mkéle bè yó kem dumu tau, lómón yó kem tau sbì, ne yó kem tau mò kéng, ne yó kem tau mdà yehen. Ne tey hyu nawahu abay se là mkéle bè yóm tau fen gel mtuk bwis yóó.

Kun Snulat Luk 18:13

Okóm kun yóm tau fen gel mtuk bwis, tódô mdà hlayuk fi lem sokok, là kô gbeken du temngel eta bè longit, botong gdofien kfuhen, yó monen, ‘Ó Dwata, hol knoduhem o, yakà tauhe gemsalà.’

Kun Snulat Luk 19:2

Ne wen sotu tau nô bè yó boluyen Sakiyus. Du se yóm tau hol geta bè yó kem tau gel mtuk bwis, ne wen tey kendengenen.

Kun Snulat Luk 5:27

Kogolen bè yó, bud lemwót Jisas. Bè yóm kógówen, tódô tonen yóm sotu tau fen gel mtuk bwis boluyen Libay, myón bè fsinaen. Bè yóm kton Jisas du, tódô monen mò du, “Ó Wè Libay, loloem o.”

Kun Snulat Jan 1:48

Mon Natanyél se mò ke Jisas, “Na. Kmò ketngónem do du?” Mon Jisas se, “Deng tonu uu laan yóm koyu fig, yóm gu laan Filip là deng tmaba kóm he.”

Kun Snulat Jan 11:16

Ne mudél se ke Tumas, yóm niba le Héng, monen mò yó kem dumuhen, “Gotu tekuy mung du anì gotu tekuy gomong matay béléen.” Tahu se, lemwót le.

Kun Snulat Jan 14:22

Mudél se Judas (sundu yó dum Judas ngà Iskariyut), monen mò ke Jisas, “Moen de, Sér, ke són bélê me gónóhem angat hegfan, fen là bè yó kem tau là hemtahuhen?”

Kun Snulat Jan 14:5

Ne mon Tumas se kun, “Là kô tngón me du, Sér, yóm gónóm e solu. Mò tô ketngón me du se yóm lan du?”

Kun Snulat Jan 14:9

Mon Jisas se mò du, “Deng tey kegenu nô lem blóng ye, Filip, là deng tngón ye do he kô? Yó se tau deng mton do, deng tonen se Mà. Moen de ke monem, ‘Tolokem kum Maem?’

Kun Snulat Jan 21:2

Lemwót le Simun Pitér slomong le Tumas (yóm gel niba le Héng) ne Natanyél yóm lemwót bè Kana, yóm benwu udì snakuf Galili ne yó kem lewu ngà Sibidi ne bud lewu bè yó kem dumu le gel lemolò ke Jisas.

Kul Nmò 1:13

Timbow le kól bè Jirusalim, tódô le hlós ebè yóm dfél tofi ta bè yóm gónô gónó le gel mefet. Yó kwen le, Pitér, Jan, Jim, Andru, Filip, Tumas, Bartulumyu ne Matyu. Mung Jim ngà Alfiyus, ne yóm Simun tehe gel mung mofin yóm kul benwu, ne yóm Judas, ngà yóm sotu Jim.

Kul Nmò 12:17

Omin Pitér mwel sigelen ebélê le anì là kat le hebnes. Ominen gotu tmulón du kul yóm kmò kehewà Dwata du lem blanggù. “Hol tulón ye ke Jim,” mon Pitér, “ne yó kem dumu tekuy hemtahu nim deng kegewau ni.” Ominen tmagak kul bè yó, hlós ebè dumu benwu.

Kul Nmò 15:13

Kogol yóm kudél le, omin Jim mudél se kun, monen, “Kem dumuhu setwoli, hnungol ye yóm dou tulón kuy.

Kul Nmò 21:18

Hayahen bè yó, mung kum Pol nan e stulón ke Jim. Gotu le nô bè yó snéen yó kem dumu tuha gel malak yó kem tau hemtahu bè yó.

Glasya 1:19

Laen dù dumu tau tehe hógów Jisas ke tonu bè yó, tek són Jim, twoli yóm gónó tekuy mogot.

Glasya 2:9

Yó kem tau fen gel malak bè yó, le Jim ne Pitér ne Jan, dilô le se kul yóm deng kwen sigang Dwata tahu. Omin le mkem lem hólól me lewu me Barnabas mò ilô yóm deng kessotu me bè yóm kmò me nmò bè Krays. Ne deng gotu senkotuk me snéen yóm kehlós me tmolok lem blóng yó kem là Ju le lewu me Barnabas, ne lu se fen tmolok lem blóng yó kem Ju.

Sulat Jim 1:1

Ou se Jim gónón gu lemwót nim sulat ni. Ou se sotu tóbóng lówó Dwata ne yóm gónó tekuy mogot Jisas Krays. Smulate ebè yóm kdéen tau Dwata deng sekla bè klamangen benwu.

Sulat Jud 1:1

Ou se Jud gónón lemwót nim sulat ni. Ou se yóm sotu tau mò tóbóng lówó Jisas Krays, ne ou se yóm twoli Jim. Smulate ebélê ye yu kem tau deng tehe tnaba Dwata. Tey kbong nawahen kuy Dwata, yóm Mà tekuy bè longit, ne tey gel kofinen kuy Jisas Krays.