Matyu 10:2 - Udél Dwata: Gna Kesfasad ne Lomi Kesfasad

² Yó boluyen kul aposol. Ni se boluy le: Simun yóm boluyen du Pitér ne yóm twolihen Andru. Tmodol du Jim ne yóm twolihen Jan kem ngà Sibidi.

Matyu 10:2 Iomraidhean Croise

Matyu 17:1

Timbow deng bud nem kdawen bè yó, lemwót Jisas mneged ebè yóm sotu bulul geta, nwiten Pitér ne yó kem lewu tau setwoli Jim ne Jan, tek sónen lu.

Matyu 20:20

Timbow kogolen bè yó, mógów bè Jisas tuha libun Sibidi, mung du lewu ngaen logi. Tódô tuden bukolen bè solu Jisas, wen tô nóyô hnihen béléen.

Matyu 26:37

Niten Pitér ne yó kem lewu ngà Sibidi. Ne tódô gleket béléen yóm tey ksidek kegnómen du.

Matyu 4:18

Sotu kdaw bè yó yóm igò Jisas mentad ebè Lanaw Galili, tonen yó kem lewu tau setwoli hmuket le: Simun boluy yóm sotuhen, yóm gel bnoluy le Pitér ne Andru, yóm twolihen. Yó se kul sana gel nmò hmuket.

Matyu 4:21

Ngang le bud mógów efet bud ton Jisas yó kem lewu tau setwoli, boluy le Jim ne Jan, hono ngà Sibidi. Tolo le nô lem ówóng le, mung kul mà le. Yó nmò le, bneteng le yó kem ksê huket le. Yóm kton Jisas kul, tódô tnabahen lu.

Mark 1:29

Timbow le hewà gu lem gónó le gel stifun yó kem Ju le Jisas, tódô le hlós ebè gónô le Simun lewu le Andru, mung kul Jim ne Jan.

Mark 13:3

Ngang Jisas mógów efet kól bè Bulul Ulib, fi fatu yóm Gónô Dwata yó koni, ominen myón bè yó. Ne mógów le se ebéléen le Pitér ne Jim ne Jan ne Andru, tek són lu, ne snólók le bè Jisas, mon le,

Mark 6:30

Timbow le gotu bud mulék ebè Jisas yó kem hógówen, gotu tulón le du yóm deng gendeng le ne yóm gel ktolok le.

Kun Snulat Luk 11:49

Yó gónóm mon, lemwót bè yóm deng eles ketngón Dwata yóm nmò ye, yó gónóm mon, ‘Angat wen kem tau tugodu ebélê le, ne wen se kem dumu tau hógówu elem blóng le mò mit yóm dou tulón. Wen se angat hnatay le, ne wen se angat hnayam le.’

Kun Snulat Luk 22:14

Tikóng deng kól du ne yóm kesbung le Jisas mken, gotu le seyón hilolen yó kem gel hógówen.

Kun Snulat Luk 22:8

Yó gónó Jisas mdók kul le Pitér ne Jan, monen mò kul, “Eles ye lemwót kut ne, na ye e nmò kut nim ken ni mò ken tekuy kifu kedeng.”

Kun Snulat Luk 5:10

Senged se kul yó kem dumuhen hmuket nô bè yóm sotu ówóng, le Jim ne Jan, kem ngà Sibidi, tey ketnga le se kul. Ne mudél Jisas ebè Simun, monen, “Béi abay likò. Nbuten ni wen ne tles hmou kóm, hebelu uu tau mò lemolò do.”

Kun Snulat Luk 9:10

Timbow le deng bud kól yó kem sfolò lewu tau hógów Jisas yó, gotu tulón le ke Jisas yó kem deng gendeng le. Ne omin Jisas mit kul hetsik són lu ditu bè yóm sotu benwu boluyen Bitsayda.

Kun Snulat Jan 12:22

Lemwót Filip, tulónen ke Andru, ne tódô le se slomong tmulón du ke Jisas.

Kun Snulat Jan 13:23

Uma kóm myón klohok Jisas yóm sotu tau gel lemolò du, yóm kenbong nawahen.

Kun Snulat Jan 20:2

Ominen bud mlóy mulék nan e tulón ke Simun Pitér ne bè yóm sotu gel lemolò ke Jisas, yóm kenbong nawahen, monen mò kul, “Deng wen tau ma du lem lebengen yóm gónó tekuy mogot ne là tngón me du gónó le e hemsù du.”

Kun Snulat Jan 21:2

Lemwót le Simun Pitér slomong le Tumas (yóm gel niba le Héng) ne Natanyél yóm lemwót bè Kana, yóm benwu udì snakuf Galili ne yó kem lewu ngà Sibidi ne bud lewu bè yó kem dumu le gel lemolò ke Jisas.

Kun Snulat Jan 21:20

Timbow beklil Pitér, tódô tonen huli kul yóm sotu gel lemolò ke Jisas yóm kenbong nawahen, yóm tehe myón klohoken bè yóm hol són kkenen bélê le kifu, yóm tehe mon du mò ke Jisas, “Tau du mlay kóm sumóng, Sér?”

Kun Snulat Jan 21:24

Yóm sotu tau gel lemolò ke Jisas yó, du se tmulón du kdê ni kem ni, bud du se fen smulat du. Ne tngón me hono tahu yóm tulónen.

Kun Snulat Jan 6:67

Snólók Jisas yó kem sfolò lewu gel lemolò du, monen mò kul, “Kmò kuy se? Tô tnagak ye o kô?”

Kun Snulat Jan 6:70

Bnalà Jisas se lu, monen, “Deng néléku yu, yu kem sfolò lewu, okóm sotu bélê ye nalak Seitan.”

Kun Snulat Jan 6:71

Duhen Judas, ngà Simun Iskariyut se, gónón e gbak yóm mon Jisas yó. Igoen du sotu bè yó kem sfolò lewu gel lemolò du, du se fen matul du anì gekfô le Jisas yó kem hmohon du.

Kun Snulat Jan 6:8

Mudél se ke Andru, yóm sotu tau lemolò ke Jisas, yóm twoli Simun Pitér, monen,

Kul Nmò 1:13

Timbow le kól bè Jirusalim, tódô le hlós ebè yóm dfél tofi ta bè yóm gónô gónó le gel mefet. Yó kwen le, Pitér, Jan, Jim, Andru, Filip, Tumas, Bartulumyu ne Matyu. Mung Jim ngà Alfiyus, ne yóm Simun tehe gel mung mofin yóm kul benwu, ne yóm Judas, ngà yóm sotu Jim.

Kul Nmò 1:26

Timbow deng kni le, omin le mò atù. Ne fen matù ke Matiyas, ne du tnù yó kem sfolò sotu tehe dù hógów Jisas.

Kul Nmò 12:2

Yó nmoen bè Jim, yóm hol dumun setwoli Jan, hfatayen, tnibó le sudeng.

Kul Nmò 3:1

Sotu kdaw bè yó, deng tlu uras kimel, lemwót le Pitér lewu le Jan mógów le ebè yóm Gónô Dwata. Yó se yóm sana gel kmò kdaw na le e gel kni bè Dwata.

1 Kurin 15:7

Kogolen bè yó, ominen hegfan bè Jim, ne ominen bud hegfan bè kdê yó kem gel hógówen.

Ifisus 4:11

Bud du se koni gónón e gbak yóm tulón le yóm “kwen kenhulung blayen bè yó kem tauhen.” Wen se kem tau néléken mò aposol. Ne tólóng se tau néléken mò tugoden. Tólóng se gel hógówen mò tmolok bè yó kem tau là dengen hemtahu he. Bud tólóng se tau néléken mò malak yó kem tau hemtahu ne mò fen gel tmolok kul.

Hibru 3:1

Ó kem dumuhu setwoli, yóm deng tnaba Dwata mò kem tauhen. Hol hendem tekuy dé Jisas. Du se yóm deng hógów Dwata elem blóng tekuy mò fen blóng tekuy ebè Dwata bè yóm kehtahu tekuy.

1 Pitér 1:1

Ou Pitér gónón lemwót nim sulat ni. Ou sotu bè yó kem gel hógów Jisas Krays. Smulate ebélê ye yu kem tau deng nélék Dwata deng gotu mlóy sekla ebè yó kem prubinsya boluy le Pontus ne Glasya ne Kapadusya ne bè Asya ne bè Bitinya.

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

2 Jan 1:1

Ou se yóm tuha logi gónóhen lemwót nim sulat ni. Smulate ebè yóm sotu libun deng nélék Dwata, dalang se ebè yó kem ngaen. Tey kbong nawahu kuy yóm kdê ye. Là sónen du ou yóm wen nawahen ebélê ye, okóm kdê yó kem tau deng temngón du yóm hol ktahuhen lemwót bè Dwata.

3 Jan 1:1

Ou se yóm sotu tuha logi gónóhen lemwót nim sulat ni. Smulate ebéléem, Wè Gayus, yóm dou kenbong nawa.

Deng Hegfan 1:1

Nim bok ni, gotu nô lemen yó kem angat sut talak tonok deng eles hegfan Jisas Krays. Deng gna hegfan Dwata béléen anì tles bud hegfanen bè yó kem tau tóbóng lówóhen. Ne duhen yó, gotu hegfan Krays bè Jan, yóm sotu tóbóng lówóhen, hlanen bè yóm sotu hógówen gu bè longit.

Deng Hegfan 1:9

Ou se Jan, yóm sotu dumu ye setwoli. Lemwót bè yóm klolou ke Jisas, denge mkél bélê ye ne bè yóm kehbala ye du yóm keglayam sut bè yó kem tau nogot Jisas. Ni deng mom htólóng le o bè ni bè Patmus, yóm sotu hungul nô talak mohin. Yó duón le do lanu tmolok yóm Udél Dwata, ne yóm ktahuhen lemwót bè Jisas.

Deng Hegfan 18:20

Okóm kuy du, yóm kdê ye gel nô bè longit, hol ye hligal lemwót bè yóm deng keglaen. Hligal ye ne, yu kem tau Dwata, ne yu kem tehe gel hógów Jisas, ne yu kem tehe gel tugod Dwata, abay se deng tnafak Dwata ne lemwót bè yóm tehe sidek nmoen bélê ye.

Deng Hegfan 22:8

Ou se Jan, yóm deng gotu mungol du kdê ni kem ni, ne deng gotu tonu snéen. Bè yóm deng kungolu du ne yóm deng ktonu du, tódóe hegluduk klohok ti yóm hógów Dwata deng hegfan du béléu lanu tô dmóyón du.