Matyu 1:6 - Udél Dwata: Gna Kesfasad ne Lomi Kesfasad

⁶ Mngà ke Jisi, duhen Dabid, yóm tehe sotu tau hol geta bè yó kem Ju. Timbow mngà ke Dabid, duhen Selumun. (Yó yê Selumun, yóm tehe yehen Yuraya.)

Matyu 1:6 Iomraidhean Croise

2 Samwél 11:3

Omin Dabid mdók tau anì tngónen ke libun du tum tu. Yó tulón le du, mon le, “Du se Batsiba ngà Ilyam, yehen Uraya yóm tau Hitayt.”

2 Samwél 23:1

Ni se hol són udél Dabid. “Udél yóm ngà Jisi yóm tau deng hegeta Dwata, yóm deng nélék yóm kun Dwata Jakub, yóm tau mò lingón bè Israél.

1 Tutul Israél 14:4

Ni se boluy yó kem ngaen logi sut bè Jirusalim, Simya, Subab, Natan, Selumun,

1 Tutul Israél 28:5

Ne bè kdê yó kem tey ngà logi deng blay Dwata dou, nélék Dwata Selumun mò tles myón kmamal bè yó kem kun tau Israél.

Kem Lingón 72:20

Ni se sónen yóm kni Dabid bè Dwata, yóm ngà Jisi.

Isaya 11:1

Yóm kun kesfu tehe Dabid hol lómón yóm koyu deng nofok. Okóm yóm tuhoden bud wen lomi uléken. Hol lómón se yó ne ke Dabid, angat wen bud lomi tau hol geta semfu gu béléen.

Matyu 1:5

Mngà Nasun, duhen Salmun. Mngà Salmun, duhen Buas. (Ne yó boluy yê Buas, Rahab.) Mngà yóm Buas, duhen Ubid. (Ne yó boluy yê Ubid, Rut.) Timbow mngà nim Ubid ni, duhen Jisi.

Sulat Pol Ebè Yó Kem Tau Hemtahu Bè Rom 8:3

Yóm hlau, là kô gbeken mkó du yóm kfasang yóm salà bè klowil tekuy abay se laen dù tau tódô gembek lemolò du lemwót bè yóm tey klunog tekuy. Okóm wen kun atul Dwata, hógówen yóm Ngaen na a hbaling bè lówó tau, lómón yóm lówó tekuy kem tau gemsalà na a matay mò lanen tmuled yóm salà.

1 Samwél 16:1

Yó udél Dwata ebè Samwél, monen, “Geblaen yó ne yóm klangagem ke Sol. Deng kóhu yóm kegetahen bè Israél. Okóm ni, nlemem hnolo ulib yóm hanga ógóf, mógówi etu bè Bitlihim bè yóm tau boluyen Jisi menwu bè yó. Yakà deng wen sotu néléku bè yó kem ngaen mò angat tau hol geta bè benwu ye.”

1 Samwél 17:12

Yóm Dabid ngà Jisi. Yóm Jisi sotu tau semfu gu bè yóm tehe Ifraim ne nô bè Bitlihim yóm benwu glem lem Juda. Wen wolu ngaen logi ne bè yóm kogot Sol bè Israél deng tey tuha ne kun ke Jisi.

1 Samwél 17:58

Ne yó snólók Sol béléen, “Tau du de maem, Tò?” Bnalà Dabid se, monen, “Yó mau, Jisi, sotu tóbóng lówóhem lemwót bè Bitlihim.”

1 Samwél 22:8

Yó kô gónón wen atul ye sidek e tahu? Laen dù bélê ye tmulón du dou deng wen kesfasad le ngà Jisi yóm dou ngà. Laen dù bélê ye kmodu do. Là tulón ye du do deng nduf yóm hol dou ngà Dabid anì hnékéten o. Lómón ni se yóm deng nmò Dabid kemdaw ni.”