Matyu 1:10 - Udél Dwata: Gna Kesfasad ne Lomi Kesfasad

¹⁰ Nim Hisikaya ni, hol kun mà yóm tehe Manasi. Mngà Manasi, duhen Amon. Mngà Amon, duhen Jusiya.

Matyu 1:10 Iomraidhean Croise

1 Bok Kem Tau Hol Geta 13:2

Lemwót bè yóm khudél Dwata du yóm tau Dwata yó, tódô hgelen udélen, monen, “Ó gónó demsù, ni se udél Dwata ebéléem, monen, Angat wen ngà sut bè yóm kun ból Dabid boluyen Jusaya. Ne angat gotu dsuen tahem yó kem tau gel demsù bè ni bè yó kem dwata kéng, ne gotu ntemen tahem yó kem tiol tau.”

2 Bok Kem Tau Hol Geta 20:21

Timbow matay Hisikaya, yó bud tles tau hol geta, duhen yóm ngaen boluyen Manasi.

2 Tutul Israél 32:33

Bè yóm katay Hisikaya, lebeng le sneged yó kem kul gónó lembeng yó kem sfu Dabid, tey kadat le du yó kem tau bè Juda ne bè Jirusalim. Yó bud tles tau hol geta, duhen Manasi yóm ngaen.

Matyu 1:11

Mngà Jusiya, duhen Jékunaya ne wen kem twolihen. Umahu kóm bè yóm kul kdaw yó, yó se yóm gotu kegef le kul ebè Babilun yó kem tau Israél.

Matyu 1:9

Mngà Jihuram, duhen Usaya. Yó kun ngà Usaya, duhen Jutam. Ne mngà Jutam, duhen Ahas. Mngà Ahas, duhen Hisikaya.